Agenda a Chofnodion
Lleoliad: Ystafell Gynadledda C - Tŷ Hywel. Cyfarwyddiadau
Cyswllt: Huw Gapper
Rhif | Eitem |
---|---|
Cyflwyniad y Cadeirydd: (9.00 - 9.05) Cofnodion: 1.1
Croesawodd y Cadeirydd
bawb i’r cyfarfod. 1.2
Nid oedd Huw Gapper,
Clerc y Bwrdd, yn bresennol oherwydd argyfwng teuluol a mynegodd y Bwrdd eu
dymuniadau gorau i Huw. 1.3
Croesawodd y Bwrdd
Lukas Santos-Evans i'r cyfarfod. Yn ddiweddar, mae Lukas wedi dechrau
interniaeth 12 mis gyda Chomisiwn y Senedd a bydd yn rhoi cymorth i
ysgrifenyddiaeth y Bwrdd yn ystod ei gyfnod yn y swydd. 1.4
Oherwydd y cynnydd
mewn achosion o Covid-19 a risgiau cysylltiedig, penderfynwyd cynnal cyfarfod y
Bwrdd yn rhithwir, yn ogystal â'r sesiwn galw heibio gyda'r Aelodau y diwrnod
blaenorol. Mae'r Bwrdd yn bwriadu cynnal cyfarfod 'wyneb yn wyneb' ym mis
Hydref. 1.5
Mynegodd y Bwrdd ei
siom bod ymweliadau â swyddfeydd y Grwpiau wedi'u gohirio. Bydd y cyfarfodydd
hyn yn cael eu haildrefnu ar gyfer mis Hydref. 1.6
Cytunwyd ar gofnodion
y cyfarfod a gynhaliwyd ar 26 Mai. Action: ·
Yr Ysgrifenyddiaeth i
aildrefnu’r ymweliadau â swyddfeydd y Grwpiau erbyn cyfarfod mis Hydref. ·
Cyhoeddi cofnodion y
cyfarfod a gynhaliwyd ar 26 Mai. |
|
Eitem i wneud penderfyniad yn ei chylch: Adolygiad canol y tymor o effeithiolrwydd (9.05 - 9.30) Cofnodion: 2.1
Cytunodd y Bwrdd ar
gylch gorchwyl, y cwmpas a’r amserlen ar gyfer Adolygiad o Effeithiolrwydd
Canol Tymor y Bwrdd. 2.2
Cynhelir yr Adolygiad
ym mis Tachwedd gan Gareth Watts, Pennaeth Llywodraethu a Sicrwydd, Comisiwn y
Senedd. |
|
Eitem i'w thrafod ac i benderfynu arni: Adroddiad Blynyddol (9.30 - 10.00) Cofnodion: 3.1
Cytunodd y Bwrdd ar ei
Adroddiad Blynyddol drafft, yn amodol ar rai diwygiadau. 3.2
Cytunir ar yr
Adroddiad drwy e-bost, gyda’r bwriad o’i osod gerbron y Senedd cyn gynted ag
sy’n ymarferol bosibl. Action: ·
Yr ysgrifenyddiaeth i
drefnu cyfieithiad a pharatoi'r Adroddiad i'w gyhoeddi. |
|
Eitem i'w thrafod: Diwygio'r Senedd (10.00 - 11.00) Huw
Irranca-Davies AS, cyn Gadeirydd y Pwyllgor Diben Arbennig ar Ddiwygio’r Senedd; Adam Vaughan, Uwch-swyddog
Gweithredu Newid Cyfansoddiadol, Comisiwn y Senedd. Cofnodion: 4.1
Bu’r Bwrdd yn ystyried
papur ar Ddiwygio’r Senedd, a oedd yn canolbwyntio ar ganfyddiadau ac
argymhellion Adroddiad y Pwyllgor Diben Arbennig ar Ddiwygio’r Senedd a’r camau
nesaf a ragwelir ar gyfer Diwygio’r Senedd. 4.2
Roedd Huw
Irranca-Davies, cyn-Gadeirydd y Pwyllgor Diben Arbennig yn bresennol yng
nghyfarfod y Bwrdd a rhoddodd ei safbwynt ar waith y Pwyllgor a’r camau nesaf i
wireddu Diwygio’r Senedd erbyn 2026. 4.3
Cytunodd y Bwrdd i
siarad â’r grwpiau gwleidyddol yn gynnar yn nhymor yr hydref i ddeall eu safbwynt
hwy ar effaith Diwygio’r Senedd ar anghenion o ran adnoddau. Nododd y Cadeirydd
ei bod hi a’r Llywydd wedi cytuno i gyfarfodydd rheolaidd. 4.4
Nododd y Bwrdd y
byddai angen iddo ystyried amcangyfrifon costau wrth baratoi ar gyfer y Bil ar
Ddiwygio’r Senedd. Action: ·
Yr ysgrifenyddiaeth i
roi amlinelliad manwl i'r Bwrdd o'r gweithgarwch ymgysylltu â rhanddeiliaid
mewn perthynas ag ystyriaeth y Bwrdd o ran Diwygio'r Senedd, cyn cynnal
cyfarfod nesaf y Bwrdd ym mis Hydref. |
|
Eitem i wneud penderfyniad yn ei chylch: Adolygiad Thematig - Ffyrdd o weithio (11.15 - 12.15) Cofnodion: 5.1
Cytunodd y Bwrdd ar
gylch gorchwyl drafft ar gyfer ei adolygiad thematig o ffyrdd o weithio, yn
ogystal â’i ddull gweithredu ac amserlenni ar gyfer yr adolygiad. Bydd y cylch gorchwyl yn cael ei rannu gyda'r grwpiau
Cynrychiolwyr Aelodau a Staff i gael adborth cyn ei gwblhau. Cytunodd y
Bwrdd y byddai Syr David Hanson yn arwain ar yr Adolygiad thematig hwn. 5.2
Cydnabuwyd y bydd
adolygiad ffyrdd o weithio Comisiwn y Senedd yn cael ei gynnal ar yr un pryd ag
adolygiad y Bwrdd ei hun. Y bwriad yw bod y Bwrdd a'r Comisiwn yn cynnal
ymarferion ymgysylltu ar y cyd ag Aelodau a staff cymorth yr Aelodau. 5.3
Cytunwyd bod materion
o flaenoriaeth uniongyrchol o ran ffyrdd presennol o weithio y mae angen
eu hystyried a rhoi sylw iddynt mewn pryd ar gyfer yr Adolygiad blynyddol nesaf
o’r Penderfyniad yn nhymor yr hydref. 5.4
Cytunodd y Bwrdd y
byddai goblygiadau chwyddiant a chostau ynni cynyddol o ran lwfansau’r Aelodau
yn cael eu hystyried y tu allan i'r adolygiad thematig hwn, gyda'r posibilrwydd
o wneud newidiadau i'r Penderfyniad 'yn ystod y flwyddyn'. 5.5
Gofynnir am dystiolaeth
gan randdeiliaid mewnol dros yr haf a dechrau'r hydref i lywio ystyriaeth y
Bwrdd yng nghyfarfod mis Hydref. Action: ·
Yr ysgrifenyddiaeth i
wneud trefniadau ar gyfer casglu tystiolaeth dros yr haf ar gylch gorchwyl yr
Adolygiad, er mwyn llywio ystyriaeth y Bwrdd yn nhymor yr hydref. |
|
Penderfyniad o ran yr eitem: Adolygiad staff cymorth (13.00 - 14.00) Cofnodion: 6.1
Cytunwyd ar gylch
gorchwyl drafft ar gyfer adolygiad thematig y Bwrdd o gymorth staffio i’r
Aelodau. 6.2
Mae'r Adolygiad i'w
gynnal mewn tri cham, gyda'r cam cyntaf yn canolbwyntio ar faterion i'w
gweithredu ar unwaith. 6.3
Cytunodd y Bwrdd i
ymgynghori'n anffurfiol â rhanddeiliaid mewnol (yn benodol y Grŵp
Cynrychioli Aelodau a’r Grŵp Cynrychioli Staff Cymorth yr Aelodau) ar y
cylch gorchwyl drafft cyn cyfarfod nesaf y Bwrdd fel y gall y canlyniadau
lywio'r camau sy'n weddill o'r Adolygiad. 6.4
Enwebwyd Mike Redhouse
fel yr Aelod o’r Bwrdd a fyddai'n arwain ar yr adolygiad thematig hwn. Action: ·
Yr ysgrifenyddiaeth i
wneud trefniadau i geisio barn ar y cylch gorchwyl dros yr haf, er mwyn llywio
cytundeb y Bwrdd ar y cylch gorchwyl terfynol yn nhymor yr hydref. |
|
Eitem i'w thrafod ac i benderfynu arni: Cytundeb Cydweithrediad (14.00 - 14.30) Cofnodion: 7.1
Bydd y Bwrdd yn
ystyried effaith, os o gwbl, y Cytundeb Cydweithio rhwng Llywodraeth Cymru a
Phlaid Cymru ar gyflogau a lwfansau Aelodau yn ei gyfarfod ym mis Hydref. 7.2
Gofynnir am
dystiolaeth gan randdeiliaid mewnol a Llywodraeth Cymru dros yr haf i lywio
penderfyniadau’r Bwrdd yn nhymor yr hydref. Action: ·
Yr ysgrifenyddiaeth i
wneud trefniadau i geisio barn dros yr haf ar unrhyw effeithiau'r Cytundeb
Cydweithio, i lywio ystyriaeth y Bwrdd yn nhymor yr hydref o ran unrhyw
newidiadau sydd eu hangen i'r Penderfyniad. |
|
Eitem i'w thrafod: Diweddariad a blaenraglen waith (14.30 - 14.50) Cofnodion: 8.1
Nododd y Bwrdd
ddiweddariadau ar: ·
adnoddau'r Bwrdd; ·
costau ynni; ·
hyfforddiant ac asesu
DSE; ·
Diwygio'r Senedd; ·
cynllun cerbydau
trydan y Comisiwn; ·
adolygiad y Pwyllgor
Busnes o Reol Sefydlog 34 a chyfranogiad o bell; ·
Cynllun Pensiwn yr
Aelodau – ymddiriedolwr a enwebwyd gan y Comisiwn; ·
gohebiaeth gan yr
Aelodau o ran cardiau talu a’r cynllun Prentisiaeth; ·
cyllid y Bwrdd; a ·
blaenraglen waith y
Bwrdd. 8.2
Cytunodd y Bwrdd i
drefnu ei gyfarfod ffurfiol nesaf ar gyfer dydd Iau 13 Hydref, i'w gynnal yng
Nghaerdydd. |