Agenda a Chofnodion
Lleoliad: Lleoliad Allanol. Cyfarwyddiadau
Cyswllt: Llinos Madeley
Rhif | Eitem |
---|---|
Cyflwyniad y Cadeirydd (9.00 - 9.05) Cofnodion: 1.
Croesawodd y Cadeirydd bawb i’r cyfarfod. 2.
Rhoddodd y Cadeirydd ddiweddariad byr i'r
Bwrdd ar ei chyfarfod diweddar gyda Richard Lloyd, Cadeirydd yr Awdurdod
Safonau Seneddol Annibynnol. 3.
Cytunodd y Bwrdd ar gofnodion y cyfarfod a
gynhaliwyd ar 30 Medi 2021. |
|
Eitem i'w thrafod a gwneud penderfyniad yn ei chylch: Y wybodaeth ddiweddaraf am ddiogelwch: Y wybodaeth ddiweddaraf am y camau i sicrhau diogelwch corfforol a seiberddiogelwch Aelodau a'u staff cymorth (9.05 - 10.00) Cofnodion: Papur 2 1.1
Rhoddodd Dave Tosh (Cyfarwyddwr Adnoddau),
Kevin Tumelty (Pennaeth Diogelwch) a James Attridge (Uwch Reolwr Diogelwch)
ddiweddariad i’r Bwrdd ar ddiogelwch corfforol yr Aelodau a rhoddodd Mark
Neilson, y Pennaeth TGCh a Darlledu ddiweddariad ar seiberddiogelwch. 1.2
Roedd y Bwrdd yn croesawu'r adolygiadau
diogelwch ar gyfer yr Aelodau gan dîm Diogelwch y Senedd a'r camau sy'n cael eu
cymryd i argymell gwelliannau. Nododd y Bwrdd yr amcangyfrifon cost ar gyfer y
gwelliannau arfaethedig a chytunodd bod yn rhaid neilltuo digon o arian o
gronfeydd canolog y Penderfyniad i gyflawni argymhellion sy’n hanfodol ym marn
tîm Diogelwch y Senedd ar gyfer swyddfeydd yr Aelodau, llety preswyl ym Mae
Caerdydd a’u prif gartrefi. 1.3
Croesawodd y Bwrdd y cynnig fod y Comisiwn yn
penodi Cydgysylltydd(wyr) i gynorthwyo’r Aelodau i roi argymhellion adran
Diogelwch y Senedd ar waith. 1.4
Cadarnhaodd y Bwrdd, mewn perthynas â
gweinyddu hawliadau am waith ym mhrif gartrefi'r Aelodau, y dylid dehongli
adran 2.4.1A o'r Penderfyniad fel “rhagawdurdodiad” y Bwrdd ar gyfer gweithredu
argymhellion sy’n hanfodol ym marn tîm Diogelwch y Senedd i'w gweithredu a'u
hariannu o gronfeydd canolog y Penderfyniad, yn amodol ar brofion gwerth am
arian a rhesymoldeb cyffredinol y Penderfyniad. Cytunwyd i ymgynghori fel rhan
o'n Hadolygiad Blynyddol o'r Penderfyniad ar gyfer 2022-23 ar ddiwygio darpariaethau
fel ei bod yn amlwg nad ymdrinnir â'r hawliadau hyn o dan y darpariaethau
treuliau eithriadol mwyach, ond yr ymdrinnir â hwy yn yr un modd â hawliadau am
swyddfeydd neu lety preswyl yr Aelodau ardal allanol. 1.5
Cytunodd y Bwrdd i ariannu un ddyfais
diogelwch personol ychwanegol i bob swyddfa (yn ychwanegol at y rhai fesul
Aelod a neilltuwyd eisoes) ac i ystyried unrhyw gyngor yn y dyfodol ynghylch –
neu dystiolaeth o – anghenion cynyddol Aelodau a staff cymorth. 1.6
Ailadroddodd y Bwrdd ei barodrwydd i dalu
rhwymedigaethau treth sy'n ymwneud â gwelliannau diogelwch ar gyfer prif
gartrefi'r Aelodau lle telir y costau o gronfeydd canolog y Penderfyniad.
Gofynnodd am i ragor o waith gael ei wneud i fynd ar drywydd trefniadau priodol
yn y cyd-destun hwn gyda Chyllid a Thollau Ei Mawrhydi. 1.7
Cytunodd y Bwrdd i drefnu adolygiadau
blynyddol o'r darpariaethau diogelwch a’r cymorth sydd ar gael i’r Aelodau a
ariennir gan y Penderfyniad, i sicrhau eu bod yn parhau’n ddigonol. 1.8
Nododd y Bwrdd ddiweddariad gan Adran TGCh y
Senedd ar waith parhaus i sicrhau seiberddiogelwch yr Aelodau. Camau i’w cymryd: Yr Ysgrifenyddiaeth i
wneud y canlynol: ·
Cynnwys
fel rhan o'n Hadolygiad Blynyddol o'r Penderfyniad ar gyfer 2022-23 gynnig o
ran diwygio darpariaethau fel y maent yn ymwneud â gwelliannau diogelwch ar
gyfer prif gartrefi’r Aelodau, fel ei bod yn amlwg nad ymdrinnir â'r hawliadau
hyn o dan y darpariaethau treuliau eithriadol mwyach, ond yr ymdrinnir â hwy yn
yr un modd â hawliadau am swyddfeydd neu lety preswyl yr Aelodau ardal allanol. · Rhaglennu adolygiad blynyddol o ddarpariaethau diogelwch sydd ar gael i’r Aelodau a ariennir gan y Penderfyniad i sicrhau bod ... Gweld y cofnodion lawn ar gyfer eitem 2. |
|
Eitem i'w thrafod a gwneud penderfyniad yn ei chylch: Dull y Bwrdd o ymdrin â seiberddiogelwch (10.00 - 10.30) Cofnodion: Papur 3 1.1
Rhoddodd y Bwrdd ystyriaeth i ddiweddariad gan
Mark Neilson (Pennaeth TGCh a Darlledu) a Joanna Grenfell (Rheolwr Llywodraethu
Gwybodaeth a Swyddog Diogelu Data'r Bwrdd) ar drefniadau presennol y Bwrdd mewn
perthynas â'i seiberddiogelwch ei hun. 1.2
Cytunodd y Bwrdd i ddefnyddio cyfrifon e-bost
y Senedd, a ddarperir gan yr Adran TGCh, ar gyfer busnes y Bwrdd yn y dyfodol. 1.3
Cytunodd y Bwrdd hefyd i ailedrych ar ddyddiad
yn y dyfodol o ran a fyddai angen caledwedd a gyflenwir gan y Senedd, a
chytunwyd i ystyried cyngor fesul achos yn y cyfamser. Camau i’w cymryd: Yr Ysgrifenyddiaeth i wneud y trefniadau
angenrheidiol gydag aelodau'r Bwrdd a TGCh i sefydlu cyfrifon a ddarperir gan y
Senedd. |
|
Eitem i'w thrafod a gwneud penderfyniad yn ei chylch: Strategaeth y Bwrdd ar gyfer 2021-2026 (10:45 - 11:15) Cofnodion: Papur 4 1.1
Rhoddodd y Bwrdd ystyriaeth i Strategaeth
ddiwygiedig yn dilyn ystyriaeth gychwynnol yn y cyfarfod ym mis Medi, a
chytunwyd i ystyried mân newidiadau terfynol drwy e-bost. 1.2
Cytunodd y Bwrdd i gyhoeddi ei Strategaeth cyn
gynted â phosibl. Camau i’w cymryd: Yr Ysgrifenyddiaeth i wneud y trefniadau angenrheidiol ar gyfer cyhoeddi a
hyrwyddo’r Strategaeth ym mis Rhagfyr 2021. |
|
Eitem i'w thrafod a gwneud penderfyniad yn ei chylch: Gofynion gorfodol y Bwrdd - polisïau cyflogaeth (11.15 - 12.15) Cofnodion: Papur 5 1.1
Bu'r Bwrdd yn ystyried gofynion a pholisïau
gorfodol y Bwrdd ar hyn o bryd. 1.2
Bu’r Bwrdd yn trafod y camau y mae'n rhaid eu
cymryd i wella eglurder mewn perthynas â gofynion gorfodol y Bwrdd fel rhan o'r
Adolygiad Blynyddol o'r Penderfyniad. Nododd y Bwrdd mai ei fwriad yw bod yn
glir y bydd yn gwneud penderfyniadau sy’n ymwneud â pholisïau penodol pan mae
canlyniad ariannol uniongyrchol i fater perthnasol - bydd unrhyw fanylion
pellach, fel rheol yn fater i Gomisiwn y Senedd ddarparu rhagor o fanylion fel
canllawiau a/neu dempledi ychwanegol o arfer da i'r Aelodau fel cyflogwyr. 1.3
Cytunodd y Bwrdd hefyd i gymryd y camau a
ganlyn: -
ymgynghori
ar fanylion gofynion gorfodol o ran amser i ffwrdd ar gyfer dyletswyddau
cyhoeddus fel rhan o'r Adolygiad Blynyddol o'r Penderfyniad ar gyfer 2022-23
(ar gyfer eu cytuno drwy e-bost ar ôl y cyfarfod); -
ystyried
ymhellach y prif bwyntiau sy'n ymwneud â gwirfoddolwyr yn y dyfodol; -
dychwelyd
at weithdrefn Ddisgyblu a Gweithdrefn Gwyno y Bwrdd ar ôl i’r Adolygiad presennol
o’r Polisi Urddas a Pharch a gaiff ei gynnal gan Gomisiwn y Senedd ddod i ben,
o gofio ei berthnasedd. Camau i’w cymryd: Yr Ysgrifenyddiaeth i wneud y canlynol: ·
rhaglennu
ystyriaeth o'r polisïau Gwirfoddoli, Disgyblu a Chwyno mewn cyfarfod yn y
dyfodol; ·
cynnwys
yn yr ymgynghoriad ar yr Adolygiad Blynyddol o’r Penderfyniad ar gyfer 2022-23
fanylion y cynigion sy’n ymwneud â gofynion amser i ffwrdd ar gyfer
dyletswyddau cyhoeddus. |
|
Eitem i'w thrafod a gwneud penderfyniad yn ei chylch: Adolygiad Blynyddol o'r Penderfyniad (13.00 - 15.15) ·
Adolygiad
blynyddol o'r Penderfyniad: Dull gweithredu ac ymgynghori – Papur 6 ·
Adolygiad
blynyddol o'r Penderfyniad: Gwariant ar Lety Preswyl (Pennod 4) – Papur 7 ·
Adolygiad
blynyddol o'r Penderfyniad: Taliadau i Aelodau, cymorth staffio i Aelodau a
chymorth i bleidiau gwleidyddol – Papur 8 ·
Adolygiad
blynyddol o'r Penderfyniad: Y Gronfa Costau Swyddfa a Chysylltu ag Etholwyr
(Pennod 6) – Papur 9 ·
Diwygiadau
amrywiol i'r Penderfyniad – Papur 10 Cofnodion: Papur 6 – Y dull gweithredu ac ymgynghori; Papur 7 – Gwariant ar lety preswyl; Papur 8 – Cyflogau Aelodau, cymorth staffio a chefnogaeth i bleidiau gwleidyddol; Papur 9 – Cronfa Costau Swyddfa a Chysylltu ag Etholwyr; Papur 10 – Diwygiadau amrywiol i'r Penderfyniad; 1.1
Trafododd y Bwrdd nifer o faterion yn ymwneud
â'i Benderfyniad ar gyfer y flwyddyn ariannol nesaf (2022-23). 1.2
Mewn perthynas â'r Gwariant ar Lety Preswyl
cytunodd y Bwrdd i ymgynghori ar y cynigion a ganlyn: -
Ar
gyfer Aelodau yr “ardal allanol”, cynnydd yn y lwfans yn unol â chyfradd CPI
mis Medi 2021 (sef 3.1 y cant); -
Ar
gyfer y “lwfans gofalwr”, cynnydd yn y lwfans yn unol â chyfradd CPI mis Medi
2021 (sef 3.1 y cant); -
Ar
gyfer y lwfans “atgyweiriadau hanfodol”, i'w gadw ar y lefel ar gyfer 2021-2022; -
Ar
gyfer Aelodau yr “ardal ganolradd”, cynnydd yn y lwfans yn unol â chyfradd CPI
mis Medi 2021 (sef 3.1 y cant); -
Cynnydd
o 3.1 y cant i’r uchafswm fesul noson y gellir ei hawlio am lety mewn gwesty,
yn unol â chyfradd CPI mis Medi 2021. 1.3
O ran cyflogau Aelodau, nododd y
Bwrdd ffigur yr Arolwg Blynyddol o Oriau ac Enillion (ASHE) diweddaraf ar gyfer
Cymru, a gyhoeddwyd ar 26 Hydref 2021, sef 0.4 y cant. Nododd y Bwrdd y
byddai hyn yn arwain at gymhwyso cynnydd o 0.4 y cant o ran cyflogau’r Aelodau
a deiliaid swyddi ar gyfer 2022-23, yn unol â'r mecanwaith mynegeio blynyddol a
amlinellir yn adran 3.2 o'r Penderfyniad. 1.4
O ran cyflog y staff cymorth, cytunodd y Bwrdd
fod yr angen i gynnal dull cyson o bennu lwfansau, ynghyd â'r ansefydlogrwydd
yn y mynegeion perthnasol sy'n bodoli, yn gwneud y defnydd parhaus o'r
mecanwaith mynegeio blynyddol (gan gynnwys ei ddarpariaeth ar gyfer isafswm ac
uchafswm yr addasiad) yn briodol. Ar sail hynny, nododd y Bwrdd y bydd cynnydd
o 0.4 y cant (ASHE) yn gymwys i gyflogau staff cymorth ar gyfer 2022-23, yn
unol â'r mecanwaith mynegeio blynyddol a amlinellir yn adran 7.3 ac adran 8.4
o'r Penderfyniad. 1.5
O ran y Lwfans Cymorth ar gyfer Pleidiau
Gwleidyddol, cytunodd y Bwrdd y dylai ymgynghori gan ddefnyddio’r un fethodoleg
ag a ddefnyddiwyd yn 2021-22 ar gyfer cynyddu cyfanswm gwerth y lwfans, fel
bod: y gyfran o’r cyfanswm sy’n cael ei wario ar gyflogau (86.3* y cant o
gyfanswm y lwfans) yn cael ei gynyddu gan y mynegai ASHE sef 0.4 y cant; ac y
caiff gweddill y lwfans (13.7* y cant) ei addasu yn ôl y gyfradd CPI ym mis
Medi 2021 sef 3.1 y cant, sy'n arwain at gynnydd o 0.77* y cant yng nghyfanswm
gwerth y Lwfans ar gyfer 2022-23. [*Cafodd
y ffigurau a ddefnyddiwyd yn y papurau a ystyriwyd gan y Bwrdd eu cywiro mewn
gohebiaeth ysgrifenedig gan y Clerc ar 17 Rhagfyr 2021 a chytunwyd arnynt gan y
Bwrdd drwy e-bost] 1.6 Wrth adolygu’r Gronfa Costau Swyddfa ... Gweld y cofnodion lawn ar gyfer eitem 6. |
|
Eitem i'w thrafod: Y wybodaeth ddiweddaraf a'r flaeraglen waith (15.15 - 15.30) Cofnodion: Papur 11 1.1
Nododd y Bwrdd hefyd ddiweddariadau ar: - y
trefniadau sy'n ymwneud â Swyddog Diogelu Data y Bwrdd; - effaith
trefniadau Covid-19 ar fusnes y Senedd; - y
cynnig i gymeradwyo Cyllideb Comisiwn y Senedd ar gyfer 2022-23. - y
Pwyllgor Diben Arbennig ar Ddiwygio’r Senedd; - Y
Comisiwn Annibynnol ar Ddyfodol Cyfansoddiadol Cymru; - y
bleidlais i bobl ifanc yng Nghymru; - datganiadau
ysgrifenedig gan Lywodraeth Cymru sy'n berthnasol i waith y Bwrdd; - gohebiaeth
at y Llywydd gan y Comisiwn Etholiadol; - y
rheolau ar gyfer lobïo yn San Steffan; - materion
yn ymwneud â Chynllun Pensiwn yr Aelodau; a - y
wybodaeth ddiweddaraf am gyllid. 1.2
Nododd y Bwrdd ei flaenraglen waith. |