Agenda a Chofnodion

1.1  Croesawodd y Cadeirydd yr Aelodau i gyfarfod y Pwyllgor Cydraddoldeb, Llywodraeth Leol a Chymunedau.

1.2 Yn unol â Rheol Sefydlog 34.19, dywedodd y Cadeirydd ei fod wedi penderfynu gwahardd y cyhoedd o gyfarfod y Pwyllgor er mwyn amddiffyn iechyd y cyhoedd.

1.3 Dywedodd y Cadeirydd fod y Pwyllgor wedi cytuno, pe bai'n gadael y cyfarfod am ryw reswm, y byddai Dawn Bowden AS yn Gadeirydd Dros Dro yn unol â Rheol Sefydlog 17.22.

1.4 Dirprwyodd David Melding AS ar ran Mark Isherwood AS ar gyfer eitem 8, yn unol â Rheol Sefydlog 17.48.

Sara Kirkpatrick, Prif Weithredwr Cymorth i Ferched Cymru

2.1 Clywodd y Pwyllgor dystiolaeth gan y canlynol:

·         Sara Kirkpatrick, Prif Weithredwr Cymorth i Ferched Cymru

2.2 Yn ystod y cyfarfod, cytunodd y tyst i wneud y canlynol:

·         rhoi tystiolaeth bresennol, os yw’n bosibl, ar hunanladdiad sy'n gysylltiedig â cham-drin domestig;

·         rhoi gwybodaeth am bolisïau a gweithdrefnau sy'n ymwneud ag aflonyddu a stelcio.

Yasmin Khan, Cynghorydd Cenedlaethol ar gyfer Trais yn erbyn Menywod, Trais arall ar Sail Rhywedd, Camdrin Domestig a Thrais Rhywiol

3.1 Clywodd y Pwyllgor dystiolaeth gan y canlynol:

·       Yasmin Khan, Cynghorydd Cenedlaethol ar Drais yn erbyn Menywod a mathau eraill o Drais ar sail Rhywedd, Cam-drin Domestig a Thrais Rhywiol.

3.2 Yn ystod y cyfarfod, cytunodd y tyst i wneud y canlynol:

·       rhoi gwybodaeth am strategaeth ymadael y Cynghorwyr Cenedlaethol ar gyfer dod â’r cyfyngiadau symud i ben;

·       rhoi gwybodaeth benodol am raglenni cyflawnwyr.

4.1a Nododd y Pwyllgor ymateb Llywodraeth Cymru wedi’i ddiweddaru i adroddiad y Pwyllgor ar Fudd-daliadau yng Nghymru.

5.1 Derbyniodd y Pwyllgor y cynnig.

6.1 Trafododd y Pwyllgor y dystiolaeth a ddaeth i law o dan eitemau 2 a 3.

7.1 Trafododd y Pwyllgor ei flaenraglen waith a chytuno arni.

8.1 Trafododd y Pwyllgor Gynnig Cydsyniad Deddfwriaethol y Bil Diogelwch Tân.