Agenda a Chofnodion

Gweld trawsgrifiad o'r cyfarfod (PDF 803KB) Gweld fel HTML (351KB)

1.1       Croesawodd y Cadeirydd yr Aelodau i’r cyfarfod.

1.2       Ni chafwyd unrhyw ymddiheuriadau.

2.1 Cafodd y papurau eu nodi.

2.2 O ran y llythyr ar arlwyo mewn ysbytai a maeth cleifion, cytunodd y Pwyllgor y byddai angen eglurhad pellach, yn enwedig ar yr amserlen ar gyfer gweithredu'r mentrau. Cytunodd y Cadeirydd i ysgrifennu at Lywodraeth Cymru a chytunwyd i drefnu sesiwn dystiolaeth cyn diwedd y tymor.

Papur briffio gan y Gwasanaeth Ymchwil

PAC(5)-25-17 Papur 1 – Adroddiad Blynyddol a Chyfrifon 2016-17 Chwaraeon Cymru

PAC(5)-25-17 Papur 2 – Llythyr Cylch Gwaith Blynyddol Chwaraeon Cymru gan Lywodraeth Cymru

Sarah Powell - Prif Weithredwr, Chwaraeon Cymru

Peter Curran - Cyfarwyddwr Cyllid a Gwasanaethau Corfforaethol, Chwaraeon Cymru

3.1 Nododd y Cadeirydd gydymdeimlad y Pwyllgor â Chwaraeon Cymru yn dilyn y ddamwain angheuol yn cynnwys Paul Garrett. 

3.2 Bu'r Aelodau'n craffu ar Sarah Powell, Prif Weithredwr a Peter Curran, Cyfarwyddwr Cyllid a Gwasanaethau Corfforaethol Chwaraeon Cymru ar yr Adroddiad Blynyddol a Chyfrifon 2016-17.

3.3 Cytunodd Sarah Powell i anfon rhagor o fanylion ar faint o fuddsoddiad y mae'r Rhaglenni 5 x 60 a Champau'r Ddraig wedi ei dderbyn ynghyd â'r dull o werthuso effeithiolrwydd y rhaglenni hyn ynghyd â'r set olaf o ddata gwerthuso.

Papur briffio gan y Gwasanaeth Ymchwil

PAC(5)-25-17 Papur 3 - Adroddiad Blynyddol a Chyfrifon Comisiwn y Cynulliad 2016-17

Manon Antoniazzi - Prif Weithredwr a Chlerc y Cynulliad

Suzy Davies AC - Comisiynydd y Gyllideb a Llywodraethu

Nia Morgan - Cyfarwyddwr Cyllid, Cynulliad Cenedlaethol Cymru

4.1 Bu'r Aelodau'n craffu ar Manon Antoniazzi, Prif Weithredwr a Chlerc y Cynulliad; Suzy Davies AC, Comisiynydd y Gyllideb a Llywodraethu a Nia Morgan, Cyfarwyddwr Cyllid, Cynulliad Cenedlaethol Cymru ar Adroddiad Blynyddol a Chyfrifon 2016-17.

4.2 Cytunodd Manon Antoniazzi i anfon copi o'r Adroddiad Adolygu Capasiti i'r Pwyllgor, y disgwylir iddo gael ei gwblhau erbyn diwedd y flwyddyn.

Eitemau 6 & 7

5.1 Derbyniwyd y cynnig.

6.1 Trafododd yr Aelodau y dystiolaeth a ddaeth i law.

PAC(5)-25-17 Papur 4 – Llythyr oddi wrth y Llywydd (28 Medi 2017)

7.1 Trafododd yr Aelodau y posibilrwydd o gymryd rhan yn yr wythnos Senedd@Delyn ond yn anffodus, oherwydd bod gan y mwyafrif ymrwymiadau blaenorol, ni fydd y Pwyllgor yn gallu cymryd rhan.