Agenda a Chofnodion
Lleoliad: Ystafell Bwyllgora 4 - Tŷ Hywel. Cyfarwyddiadau
Cyswllt: Graeme Francis
Cyfryngau
Senedd.TV: Gweld y gweddarllediad
Transcript: Trawsgrifiad ar gyfer 17/11/2020 - Y Pwyllgor Deisebau - Y Bumed Senedd
Rhif | Eitem |
---|---|
Cyflwyniad, ymddiheuriadau, dirprwyon a datganiadau o fuddiant Dogfennau ategol: Cofnodion: Croesawodd y Cadeirydd yr Aelodau i’r cyfarfod. Cafwyd ymddiheuriadau gan Michelle Brown AS. |
|
Deisebau newydd |
|
P-05-1038 Addasu'r neges cyfyngiadau symud lleol i "Aros yn Lleol" yn hytrach nag aros o fewn ffiniau sirol Dogfennau ategol:
Cofnodion: Trafododd y Pwyllgor y ddeiseb am y tro cyntaf a chytunwyd i nodi’r ddeiseb
a’r ohebiaeth a ddaeth i law. Cytunodd y Pwyllgor i beidio â chymryd unrhyw
gamau pellach ar y sail bod set cenedlaethol o gyfyngiadau wedi cael eu
gweithredu ers cyflwyno'r ddeiseb, heb unrhyw gyfyngiadau teithio lleol yn
berthnasol yng Nghymru ar hyn o bryd. Wrth wneud hynny, cytunodd y Pwyllgor i
ddiolch i’r deisebydd ac i gau’r ddeiseb. |
|
P-05-1039 Dylid caniatáu i athletwyr amatur mewn ardal sydd o dan gyfyngiadau lleol barhau i hyfforddi a chael hyfforddiant y tu allan i'r ardal honno Dogfennau ategol:
Cofnodion: Trafododd y Pwyllgor y ddeiseb am y tro cyntaf a chytunwyd i nodi’r
ohebiaeth a ddaeth i law. Gan fod set cenedlaethol o gyfyngiadau wedi cael eu
gweithredu ers cyflwyno'r ddeiseb, heb unrhyw gyfyngiadau teithio lleol yn
berthnasol yng Nghymru, a gan fod y cyfleuster penodol y mae’r ddeiseb yn
cyfeirio ato yn cael ei gwmpasu gan reolau a wneir gan Lywodraeth y DU,
cytunodd y Pwyllgor i ddiolch i’r deisebydd ac i gau’r ddeiseb. Wrth wneud hynny, cytunodd y Pwyllgor i ysgrifennu yn ôl
at y Dirprwy Weinidog i ofyn bod ystyriaeth yn cael ei rhoi i ganiatáu i
athletwyr amatur deithio y tu allan i'w hardal uniongyrchol i gael hyfforddiant,
os nad oes cyfleusterau addas ar gael yn lleol, yn ystod unrhyw gyfnodau posibl
o gyfyngiadau symud yn y dyfodol. |
|
P-05-1042 Rhaid cefnogi busnesau bach a chanolig yn y diwydiant gwallt a harddwch yn ystod cyfnodau clo lleol Dogfennau ategol:
Cofnodion: Trafododd y Pwyllgor y ddeiseb am y tro cyntaf a chytunwyd i nodi’r
ohebiaeth a ddaeth i law. Gan fod set cenedlaethol o gyfyngiadau wedi cael eu
gweithredu ers cyflwyno'r ddeiseb, heb unrhyw gyfyngiadau teithio lleol yn
berthnasol yng Nghymru ar hyn o bryd, a gan fod busnesau gwallt a harddwch wedi
cael caniatâd i ailagor ar ôl y cyfnod atal byr, cytunodd y Pwyllgor i gau’r
ddeiseb. |
|
P-05-1055 Dileu arholiadau TGAU a Safon Uwch Dogfennau ategol:
Cofnodion: |
|
P-05-1065 Ail-agor ysgolion i ddisgyblion blwyddyn 11 yn hytrach na blwyddyn 8 o'r ail o Dachwedd ymlaen Dogfennau ategol:
Cofnodion: Trafododd y Pwyllgor y ddeiseb am y tro cyntaf a
chytunodd i beidio â chymryd unrhyw gamau pellach ar y sail bod pob grŵp blwyddyn wedi dychwelyd i’r ysgol bellach ar ôl y
cyfnod atal byr. Felly, cytunodd y Pwyllgor i nodi a chau’r ddeiseb a diolch
i’r deisebydd. |
|
P-05-1032 Deddfu i atal newid enwau Cymraeg tai Dogfennau ategol:
Cofnodion: |
|
P-05-1040 Cyflwyno moratoriwm ar gymeradwyo unrhyw losgyddion gwastraff newydd ar raddfa fawr yng Nghymru Dogfennau ategol:
Cofnodion: Trafododd y Pwyllgor y ddeiseb am y tro cyntaf a chytunodd i ysgrifennu
yn ôl at y Gweinidog i ofyn: ·
a ellid cludo gwastraff na ellir ei
ailgylchu i Gymru i gefnogi hyfywedd llosgyddion, wrth i wastraff yng Nghymru
leihau ac, os felly, a fyddai hyn yn effeithio ar yr ymdrechion i gyrraedd
targedau ailgylchu; ·
a yw Llywodraeth Cymru wedi gweld
unrhyw effaith yn deillio o’r penderfyniad a wnaed gan Tsieina i beidio â
derbyn mewnforio gwastraff plastig ar gyfer ailgylchu mwyach; ac ·
i gael rheswm llawn pam mae'r Gweinidog
yn teimlo na fyddai moratoriwm ar ddatblygu llosgyddion newydd yn briodol ar
hyn o bryd. |
|
P-05-1044 Sefydlu TGAU Astudiaethau Natur i helpu i baratoi cenedlaethau'r dyfodol i fynd i'r afael â'r bygythiadau sy'n wynebu natur Dogfennau ategol:
Cofnodion: Trafododd y Pwyllgor y ddeiseb am y tro cyntaf ac, yng
ngoleuni’r gwaith craffu deddfwriaethol parhaus ar y Bil Cwricwlwm ac Addysg
(Cymru) a’r gwaith cysylltiedig dan arweiniad Cymwysterau Cymru ynghylch
cynigion ar gyfer cymwysterau TGAU yn y dyfodol, cytunodd y Pwyllgor i
ysgrifennu at Gymwysterau Cymru i’w hysbysu am y ddeiseb, diolch i’r deisebydd
a chau’r ddeiseb. |
|
Y wybodaeth ddiweddaraf am ddeisebau blaenorol |
|
P-05-941 Cylch gwaith bioamrywiaeth ar gyfer Cyfoeth Naturiol Cymru Dogfennau ategol:
Cofnodion: Trafododd y Pwyllgor y wybodaeth ddiweddaraf am y ddeiseb
a chytunwyd i ysgrifennu at y Pwyllgor Newid Hinsawdd, Amgylchedd a Materion
Gwledig i’w hysbysu am y ddeiseb a'r dystiolaeth a gafwyd hyd yma yng
nghyd-destun eu hymchwiliad i Fioamrywiaeth ac Ailwylltio yng Nghymru ac, wrth
wneud hynny, cau’r ddeiseb a diolch i’r deisebydd. |
|
P-05-945 Yr Argyfwng Hinsawdd a Choedwig Genedlaethol i Gymru Dogfennau ategol:
Cofnodion: Trafododd y Pwyllgor y wybodaeth ddiweddaraf am y ddeiseb
ac, yng ngoleuni’r wybodaeth bellach a gafwyd am ddatblygiad parhaus cysyniad y
Goedwig Genedlaethol i Gymru ac ymglymiad y deisebwyr â’r Panel Cynghori ar y
Strategaeth Goetiroedd, cytunodd y Pwyllgor i ddiolch i’r deisebydd a chau'r
ddeiseb. |
|
P-05-868 Diogelwch Dŵr/Atal Boddi ac effeithiau Sioc Dŵr Oer i'w haddysgu ym mhob Ysgol yng Nghymru Dogfennau ategol:
Cofnodion: Trafododd y Pwyllgor y wybodaeth ddiweddaraf am y
ddeiseb ac, yng ngoleuni’r bwriad i lansio Strategaeth Diogelwch Dŵr Cymru a gan fod safbwynt Llywodraeth Cymru ar
natur anrhagnodol y Cwricwlwm newydd i Gymru yn glir, cytunodd y Pwyllgor nad
oes llawer mwy y gellir ei gyflawni ar y ddeiseb ar hyn o bryd. Cytunodd y
Pwyllgor i gau’r ddeiseb a diolch i’r deisebydd. |
|
P-05-974 Dylid sicrhau bod technoleg yr aelodau prosthetig a ddarperir gan GIG Cymru cystal â'r hyn a geir yng ngweddill y DU Dogfennau ategol:
Cofnodion: Trafododd y Pwyllgor y wybodaeth ddiweddaraf am y ddeiseb
a chytunodd i ysgrifennu yn ôl at y Gweinidog i ofyn pam mae’r sefyllfa o ran
mynediad at brostheteg a reolir gan ficrobroseswyr yn wahanol yng Nghymru. Hefyd, cytunodd y Pwyllgor i ysgrifennu’n uniongyrchol at
y Pwyllgor Gwasanaethau Iechyd Arbenigol Cymru i ofyn am: ·
y
rhesymeg pam nad yw pen-glin prosthetig microbrosesydd (MPK) ar gael trwy'r
gwasanaeth cyfredol; ac ·
yr amserlen ar gyfer adolygu
manyleb bresennol y gwasanaeth, gan nodi ei bod yn ymddangos mai yn 2014 y
cafodd ei diweddaru ddiwethaf, a'r rhyngweithio rhwng adolygiad llawn a'r
broses flaenoriaethu flynyddol ar sail tystiolaeth a amlinellwyd gan y
Gweinidog. |
|
P-05-960 Dylid talu costau angladdau pob un o staff y GIG sy'n marw o Covid-19 neu gyda'r feirws Dogfennau ategol:
Cofnodion: Trafododd y Pwyllgor y wybodaeth ddiweddaraf am y
ddeiseb a chytunwyd i ysgrifennu yn ôl at y Gweinidog i ddiolch
iddo am ystyried y mater hwn ac i ofyn a ystyriwyd yr opsiwn ar gyfer
gweinyddu'r cynllun trwy gartrefi angladdau a thalu swm sefydlog sy'n
cynrychioli cyfartaledd cost angladd fel rhan o hyn, fel a gynigiwyd gan y
deisebwyr. |
|
P-05-1006 Rhyddhau'r £59 miliwn o bunnoedd i'r celfyddydau er mwyn atal lleoliadau cerddoriaeth lleol ar lawr gwlad rhag cau Dogfennau ategol:
Cofnodion: Trafododd y Pwyllgor y wybodaeth ddiweddaraf am y
ddeiseb a chytunodd i gau’r ddeiseb ar y sail nad oes llawer mwy y
gellid ei wneud ar hyn o bryd, yn sgil y cymorth ariannol sydd bellach ar gael
i gefnogi lleoliadau cerddoriaeth fyw a goruchwyliaeth barhaus y grŵp rhanddeiliaid cerddoriaeth COVID-19 yn y maes
hwn. |
|
P-05-1013 Rhowch gymorth ariannol i unigolion hunangyflogedig yn niwydiant cerddoriaeth fyw Cymru Dogfennau ategol:
Cofnodion: Trafododd y Pwyllgor y wybodaeth ddiweddaraf am y
ddeiseb a chytunwyd i ysgrifennu yn ôl at y Dirprwy Weinidog i gael gwybodaeth
am nifer y bobl a gafodd gymorth gan y Gronfa Gweithwyr Llawrydd ac i ofyn a
fydd Llywodraeth Cymru yn awr yn ystyried darparu rhagor o gymorth wedi’i
flaenoriaethu i bobl nad ydynt yn gymwys ar gyfer y Cynllun Cymorth Incwm i’r
Hunangyflogedig. Wrth wneud hynny, nododd aelodau'r Pwyllgor fod ganddynt
ddiddordeb yn y cymorth sydd ar gael i bobl sy'n gweithio’n llawrydd ar draws y
sectorau digwyddiadau a’r diwydiannau creadigol. |
|
P-05-1007 Uno Yr Hôb a Chaergwrle i greu ward dau aelod yn Sir y Fflint Dogfennau ategol:
Cofnodion: Trafododd y Pwyllgor y wybodaeth ddiweddaraf am y
ddeiseb a, gan fod y deisebydd yn derbyn y rheswm pam na fu oedi i’r
broses o adolygu ffiniau, a bod y Pwyllgor wedi cytuno’n flaenorol na fyddai’n
briodol iddo graffu ar argymhellion penodol a wnaed gan y Comisiwn Ffiniau ochr
yn ochr â’r broses statudol, cytunodd i gau'r ddeiseb a diolch i’r deisebydd. |
|
P-05-1021 Peidiwch â gwneud mygydau na gorchuddion wyneb yn orfodol mewn DIM ysgolion (gan gynnwys ysgolion uwchradd) Dogfennau ategol:
Cofnodion: Trafododd y Pwyllgor y wybodaeth ddiweddaraf am y
ddeiseb a, gan gydnabod y ffaith nad yw gorchuddion wyneb yn orfodol
mewn ysgolion ar hyn o bryd, a diffyg cysylltiad pellach gan y deisebydd,
cytunodd y Pwyllgor i gau'r ddeiseb. |
|
P-05-1008 Dysgu cymorth cyntaf iechyd meddwl yn ysgolion Cymru Dogfennau ategol:
Cofnodion: |
|
P-05-951 Gosodwch derfyn cyfreithiol ar uchafswm y geist bridio mewn sefydliadau bridio cŵn trwyddedig yng Nghymru Dogfennau ategol: Cofnodion: |
|
P-05-952 Dylid mynd yn ôl i sillafu enwau lleoedd Cymraeg yn y ffordd Gymraeg Dogfennau ategol: Cofnodion: Trafododd y Pwyllgor y wybodaeth ddiweddaraf am y ddeiseb
a, gan gydnabod yr holl ohebiaeth a gafwyd hyd yma, a diffyg cysylltiad pellach
gan y deisebydd yn ddiweddar, cytunodd i gau'r ddeiseb. |
|
P-05-953 Gwahardd poteli llaeth plastig defnydd untro mewn ysgolion Dogfennau ategol: Cofnodion: Trafododd y Pwyllgor y wybodaeth ddiweddaraf am y ddeiseb
a, gan gydnabod yr holl ohebiaeth a gafwyd hyd yma, a diffyg cysylltiad pellach
gan y deisebydd yn ddiweddar, cytunodd i gau'r ddeiseb. |
|
P-05-961 Gostwng yr oedran ar gyfer sgrinio canser y fron yng Nghymru o 50 i 30 Dogfennau ategol: Cofnodion: Trafododd y Pwyllgor y wybodaeth ddiweddaraf am y ddeiseb
a, gan gydnabod yr holl ohebiaeth a gafwyd hyd yma, a diffyg cysylltiad pellach
gan y deisebydd yn ddiweddar, cytunodd i gau'r ddeiseb. |
|
P-05-999 Sicrhau bod pob ysgol gynradd yn cadw pellter cymdeithasol o 1 metr fan lleiaf ym mis Medi 2020 Dogfennau ategol: Cofnodion: Trafododd y Pwyllgor y wybodaeth ddiweddaraf am y ddeiseb
a, gan gydnabod yr holl ohebiaeth a gafwyd hyd yma, a diffyg cysylltiad pellach
gan y deisebydd yn ddiweddar, cytunodd i gau'r ddeiseb. |
|
P-05-1012 Triniaeth mewn siambr ocsigen i gleifion ffibromyalgia wedi'i hariannu drwy'r GIG Dogfennau ategol: Cofnodion: Trafododd y Pwyllgor y wybodaeth ddiweddaraf am y ddeiseb
a, gan gydnabod yr holl ohebiaeth a gafwyd hyd yma, a diffyg cysylltiad pellach
gan y deisebydd yn ddiweddar, cytunodd i gau'r ddeiseb. |
|
P-05-1016 Dylid ymestyn y Grant Cartrefi Gwyrdd newydd i Gymru Dogfennau ategol: Cofnodion: Trafododd y Pwyllgor y wybodaeth ddiweddaraf am y ddeiseb
a, gan gydnabod yr holl ohebiaeth a gafwyd hyd yma, a diffyg cysylltiad pellach
gan y deisebydd yn ddiweddar, cytunodd i gau'r ddeiseb. |
|
P-05-1020 Cyflwyno proses apeliadau yng Nghymru mewn perthynas â'r holl Raddau Asesu Canolfannau ar gyfer rhaglen arholiadau cyhoeddus 2020 Dogfennau ategol: Cofnodion: Trafododd y Pwyllgor y wybodaeth ddiweddaraf am y ddeiseb
a, gan gydnabod yr holl ohebiaeth a gafwyd hyd yma, a diffyg cysylltiad pellach
gan y deisebydd yn ddiweddar, cytunodd i gau'r ddeiseb. |
|
Cynnig o dan Reol Sefydlog 17.42 i benderfynu gwahardd y cyhoedd o'r cyfarfod ar gyfer y busnes a ganlyn: Eitem 5. |
|
Arferion Gwaith y Pwyllgor Dogfennau ategol:
Cofnodion: Trafododd y Pwyllgor ddadansoddiad pellach o’r cynnydd
diweddar o ran nifer y bobl sy’n defnyddio proses ddeisebau’r Senedd. I ymateb
i’r cynnydd sylweddol yn nifer y deisebau sy'n cyrraedd y trothwy 5,000 o
lofnodion ar gyfer ystyried cynnal dadl, sy'n golygu bod y galw am ddadleuon
posibl ar ddeisebau bellach yn llawer uwch na gallu'r Senedd i'w hamserlennu,
cytunodd y Pwyllgor i newid y trothwy i 10,000 o lofnodion, a ddaw i rym ar 1
Rhagfyr 2020 ar gyfer pob deiseb sy'n casglu llofnodion ar ôl y dyddiad hwnnw.
Cytunodd y Pwyllgor i adolygu'r trothwy eto ar ddiwedd y Senedd hon gyda'r
bwriad o wneud argymhellion priodol ar gyfer y chweched Senedd. |