Agenda a Chofnodion
Lleoliad: Ystafell Bwyllgora 4 - Tŷ Hywel. Cyfarwyddiadau
Cyswllt: Graeme Francis
Cyfryngau
Senedd.TV: Gweld y gweddarllediad
Transcript: Trawsgrifiad ar gyfer 15/09/2020 - Y Pwyllgor Deisebau - Y Bumed Senedd
Amseriad disgwyliedig | Rhif | Eitem |
---|---|---|
09:00 |
Cyflwyniad, ymddiheuriadau, dirprwyon a datgan buddiannau Dogfennau ategol: Cofnodion: Cafwyd ymddiheuriadau gan Janet Finch-Saunders AS, Cadeirydd y Pwyllgor. Yn absenoldeb y Cadeirydd, penodwyd Jack Sargeant yn Gadeirydd dros dro ar
gyfer y cyfarfod. Croesawodd y Cadeirydd dros dro yr Aelodau i’r cyfarfod. |
|
Cynnig o dan Reol Sefydlog 17.42 i benderfynu gwahardd y cyhoedd o'r cyfarfod ar gyfer y busnes a ganlyn: Item 2 Cofnodion: Eitem 3 Penderfynodd y
Pwyllgor wahardd y cyhoedd o drafodaeth Eitem 3. |
||
Dadl ar ddeisebau - trafodaeth breifat Dogfennau ategol: Cofnodion: Trafododd y
Pwyllgor y cynnydd diweddar yn nifer y deisebau sydd wedi casglu mwy na 5000 o
lofnodion a sut y gall wneud ceisiadau priodol am amser yn y Cyfarfod Llawn.
Cytunodd y Pwyllgor i drafod pob deiseb yn unigol ac i ystyried grwpio deisebau
i gynnal dadl arnynt lle bo hynny'n briodol, a gofyn am ddadleuon byrrach pe
bai hynny'n hwyluso trafod mwy o ddeisebau yn y Cyfarfod Llawn. |
||
09.15 |
Deisebau newydd Covid-19 |
|
P-05-987 Dylid diweddaru’r canllawiau fel bod Canolfannau Hapchwarae i Oedolion, sy'n fusnesau teuluol, yn gymwys ar gyfer Grantiau Busnes yng Nghymru Dogfennau ategol:
Cofnodion: Trafododd y Pwyllgor y ddeiseb am y tro cyntaf ac yng ngoleuni'r ffaith nad
yw’r Gweinidog yn bwriadu newid y canllawiau mewn perthynas â’r cynllun
grantiau, a bod y cynllun bellach wedi cau i geisiadau newydd, cytunodd y
Pwyllgor i gau'r ddeiseb, gan ddiolch i’r deisebydd. |
||
P-05-991 Sicrhewch fod sticer ar gael i ddangos eich bod yn byw yng Nghymru Dogfennau ategol:
Cofnodion: Trafododd y
Pwyllgor y ddeiseb am y tro cyntaf a nododd ei bod yn glir nad yw’r Llywodraeth yn
bwriadu gweithredu’r hyn a gynigiwyd. Cytunodd y Pwyllgor i gau’r
ddeiseb, gan ddiolch i'r deisebydd am godi mater dilys. Wrth wneud hynny, cytunodd y Pwyllgor i ysgrifennu yn ôl at Weinidog yr
Economi a Thrafnidiaeth i ofyn sut mae’n bwriadu mynd i’r afael â’r mater
ehangach a godwyd gan y deisebydd. |
||
P-05-993 Gwnewch y sector manwerthu'n gwbl hygyrch i bobl anabl Dogfennau ategol:
Cofnodion: Trafododd y Pwyllgor y ddeiseb am y tro cyntaf a
chytunodd ar y camau a ganlyn: ·
aros am ymateb Llywodraeth Cymru
i’r argymhellion a wnaed gan y Pwyllgor Cydraddoldeb, Llywodraeth Leol a Chymunedau,
cyn penderfynu a oes unrhyw gamau ychwanegol y gall eu cymryd; a ·
gofyn am nodyn cyfreithiol yn
amlinellu'r ddeddfwriaeth mewn perthynas â hawliau pobl anabl. |
||
P-05-998 Dylid gorfodi gwisgo mygydau/gorchuddion wyneb mewn siopau Dogfennau ategol:
Cofnodion: Trafododd y
Pwyllgor y ddeiseb am y tro cyntaf ynghyd â P-05-1005 Sicrhau nad yw gwisgo
mygydau mewn siopau yn dod yn orfodol a chytunwyd i: ·
ysgrifennu yn ôl at y Gweinidog yn
gofyn am eglurhad pellach o ran y pryderon ynghylch gorfodi ac ardystio ar
gyfer y rheini sydd wedi'u heithrio rhag gwisgo gorchuddion wyneb; a ·
chau’r ddeiseb gan fod gwisgo
gorchudd wyneb mewn siopau wedi dod yn orfodol yng Nghymru yn ddiweddar. |
||
P-05-1005 Sicrhau nad yw gwisgo mygydau mewn siopau yn dod yn orfodol Dogfennau ategol:
Cofnodion: Trafododd y Pwyllgor y ddeiseb am y
tro cyntaf ynghyd â P-05-998 Dylid gorfodi gwisgo mygydau/gorchuddion wyneb
mewn siopau a chytunwyd i: ·
ysgrifennu yn ôl at y Gweinidog yn
gofyn am eglurhad pellach o ran y pryderon ynghylch gorfodi ac ardystio ar
gyfer y rheini sydd wedi'u heithrio rhag gwisgo gorchuddion wyneb; a
|
||
P-05-999 Sicrhau bod pob ysgol gynradd yn cadw pellter cymdeithasol o 1 metr fan lleiaf ym mis Medi 2020 Dogfennau ategol:
Cofnodion: Trafododd y
Pwyllgor y ddeiseb am y tro cyntaf a chytunwyd i aros am safbwyntiau’r deisebydd
ynghylch yr ymateb gan y Gweinidog Addysg cyn trafod y ddeiseb ymhellach. |
||
Deisebau Covid-19 newydd sydd eisoes wedi’u datrys |
||
P-05-994 Caniatáu i adeiladau eglwysi ailagor - er enghraifft, ar gyfer addoli ar y cyd Dogfennau ategol:
Cofnodion: Trafododd y
Pwyllgor y ddeiseb am y tro cyntaf ac, yn sgil y penderfyniadau a wnaed gan
Lywodraeth Cymru a gan fod y deisebydd wedi’i fodloni, cytunodd y Pwyllgor i
gau'r ddeiseb. |
||
P-05-1004 Caniatáu i Ysgolion Dawns yng Nghymru ailagor ar unwaith ar gyfer gwersi dan do Dogfennau ategol:
Cofnodion: Trafododd y
Pwyllgor y ddeiseb am y tro cyntaf a, gan fod ysgolion dawns yn gallu ailagor
ar yr amod eu bod yn cadw at y gofynion diogelwch, cytunodd y Pwyllgor i gau'r
ddeiseb. |
||
P-05-1019 Dyfarnwch raddau a ragwelwyd gan athrawon i holl fyfyrwyr Cymru ar gyfer arholiadau 2020 Dogfennau ategol:
Cofnodion: Trafododd y
Pwyllgor y ddeiseb am y tro cyntaf ac, yn sgil y penderfyniadau a wnaed gan Llywodraeth Cymru a
gan fod y deisebydd wedi’i fodloni, cytunodd y Pwyllgor i gau'r ddeiseb. |
||
Deisebau newydd eraill |
||
P-05-974 Dylid sicrhau bod technoleg yr aelodau prosthetig a ddarperir gan GIG Cymru cystal â’r hyn a geir yng ngweddill y DU. Dogfennau ategol:
Cofnodion: Trafododd y Pwyllgor y ddeiseb am y
tro cyntaf a chytunodd i ysgrifennu at y Gweinidog Iechyd a Gwasanaethau
Cymdeithasol yn gofyn am fanylion ynghylch pryd y bydd WHSSC yn cynnal
adolygiad o ‘Fanyleb Gwasanaeth y Gwasanaethau Arbenigol: CP89 Gwasanaethau
adsefydlu i’r rhai sydd wedi colli aelod a’r rhai sydd wedi cael aelod
prosthetig', ac am esboniad pam mae'r sefyllfa ynghylch mynediad at brostheteg
a reolir gan ficrobrosesydd yn wahanol yng Nghymru. |
||
P-05-992 Rydym yn galw ar Lywodraeth Cymru i greu corff cyffredin o wybodaeth am hanes Cymru fydd pob disgybl yn ei ddysgu Dogfennau ategol:
Cofnodion: Trafododd y Pwyllgor y ddeiseb am y tro cyntaf a
chytunodd ar y camau a ganlyn: ·
ysgrifennu at y Pwyllgor Busnes i
ofyn am amser i gynnal dadl ar y cyd yn y Cyfarfod Llawn ar y ddeiseb hon a
deiseb P-05-1000 Ei gwneud yn orfodol i hanesion pobl dduon a POC y DU gael eu
haddysgu yng nghwricwlwm addysg Cymru; ·
ysgrifennu at y Gweinidog Addysg i
ofyn am ragor o fanylion ynghylch y gwaith sy’n cael ei wneud i gomisiynu
adnoddau newydd i gefnogi addysgu hanes Cymru yn y cwricwlwm newydd; ac ·
ysgrifennu at Estyn i ofyn am
fanylion ynghylch y gwaith y byddant yn ei wneud fel rhan o’u hadolygiad o
hanes Cymru. |
||
P-05-1000 Ei gwneud yn orfodol i hanesion pobl dduon a POC y DU gael eu haddysgu yng nghwricwlwm addysg Cymru Dogfennau ategol:
Cofnodion: Trafododd y
Pwyllgor y ddeiseb am y tro cyntaf a chytunodd i ysgrifennu at y Pwyllgor
Busnes i ofyn am amser i gynnal dadl ar y cyd yn y Cyfarfod Llawn ar y ddeiseb
hon a deiseb P-05-992 Rydym yn galw ar Lywodraeth Cymru i greu corff cyffredin
o wybodaeth am Hanes Cymru fydd pob disgybl yn ei ddysgu. |
||
P-05-996 Galw ar Lywodraeth Cymru i beidio â symud, difrodi na dinistrio unrhyw symbolau hanesyddol yng Nghymru Dogfennau ategol:
Cofnodion: Trafododd y
Pwyllgor y ddeiseb am y tro cyntaf a chytunodd i aros am yr archwiliad a
gomisiynwyd gan Lywodraeth Cymru ac ymchwiliad y Pwyllgor Diwylliant, y Gymraeg
a Chyfathrebu ac i roi gwybod i’r deisebydd sut i gyflwyno ei safbwyntiau i’r
ymchwiliad. |
||
P-05-1001 Cynnal ymchwiliad annibynnol i'r dewis o safle ar gyfer y Ganolfan Ganser Velindre newydd arfaethedig Dogfennau ategol:
Cofnodion: Trafododd y
Pwyllgor y ddeiseb am y tro cyntaf ochr yn ochr â P-05-1018 Cefnogaeth ar gyfer
y cynlluniau arfaethedig presennol i adeiladu Canolfan Ganser Felindre newydd
yng Nghaerdydd mewn unrhyw ymchwiliad yn y dyfodol, a chytunwyd i:
|
||
P-05-1018 Cefnogaeth ar gyfer y cynlluniau arfaethedig presennol i adeiladu Canolfan Ganser Felindre newydd yng Nghaerdydd mewn unrhyw ymchwiliad yn y dyfodol Dogfennau ategol:
Cofnodion: Trafododd y
Pwyllgor y ddeiseb am y tro cyntaf ochr yn ochr â P-05-1018 Cefnogaeth ar gyfer
y cynlluniau arfaethedig presennol i adeiladu Canolfan Ganser Felindre newydd
yng Nghaerdydd mewn unrhyw ymchwiliad yn y dyfodol, a chytunwyd i:
|
||
P-05-1002 Dylid rhoi seibiant treth stamp o ran pob tŷ sy’n cael ei brynu yng Nghymru Dogfennau ategol:
Cofnodion: Trafododd y Pwyllgor y ddeiseb am y
tro cyntaf ac, yn sgil yr ymateb i’r ddeiseb a roddwyd gan y Gweinidog Cyllid
a’r ddadl yn y Cyfarfod Llawn sydd ar ddod ynghylch rheoliadau perthnasol
Llywodraeth Cymru lle gall aelodau unigol ofyn cwestiynau, cytunodd y Pwyllgor
i gau'r ddeiseb, gan ddiolch i’r deisebydd. |
||
P-05-1003 Mynnu Asesiad o’r Effaith Amgylcheddol nawr ynghylch gwaredu mwd wedi’i halogi’n radiolegol yn nyfroedd Cymru. Dogfennau ategol:
Cofnodion: Trafododd y
Pwyllgor y ddeiseb am y tro cyntaf a chytunwyd i ysgrifennu at y Pwyllgor
Busnes i ofyn am amser ar
gyfer dadl yn y Cyfarfod Llawn ar y mater. |
||
Y wybodaeth ddiweddaraf am ddeisebau Covid-19 blaenorol |
||
P-05-962 Diwygiad brys i ymestyn yr oedran y ceir hawl i gymorth addysgol ychwanegol o 25 i 26 ac i ddiffinio pandemig Covid-19 yng nghanllawiau'r Llywodraeth fel amgylchiad eithriadol Dogfennau ategol:
Cofnodion: Trafododd y Pwyllgor ddiweddariadau
pellach am y ddeiseb a nododd y wybodaeth a ddarparwyd gan y Gweinidog Addysg
ynghylch sut mae Llywodraeth Cymru wedi cyfathrebu â cholegau Addysg Bellach
arbenigol, a’r ceisiadau am estyniad a gymeradwywyd hyd yma. Gan
gydnabod pryderon y deisebydd am y canllawiau, sy’n mynd ymhellach na’r
ddeiseb, cytunodd y Pwyllgor i gau’r ddeiseb. |
||
P-05-967 Annog Llywodraeth Cymru i ddiwygio ei pholisi ar ryddhad ardrethi annomestig i helpu i gadw siopau Debenhams ar agor yng Nghymru Dogfennau ategol:
Cofnodion: Yn dilyn y ddadl yn y Cyfarfod
Llawn a gynhaliwyd am y ddeiseb ar 8 Gorffennaf 2020, y wybodaeth bellach a
ddarparwyd gan y Gweinidog a gan fod y deisebydd wedi dweud nad oes ganddo
unrhyw sylwadau pellach i’w hychwanegu, cytunodd y Pwyllgor i gau’r ddeiseb. |
||
P-05-970 Gofynnwch i’r Senedd ailystyried ei phenderfyniad i beidio â rhoi cyllid brys i sŵau ac acwaria Dogfennau ategol:
Cofnodion: Trafododd y Pwyllgor y wybodaeth
ddiweddaraf am y ddeiseb a gan fod Llywodraeth Cymru wedi nodi’r cymorth
blaenorol a’r cymorth parhaus a roddir i sŵau ac acwaria, a chan fod hyn
yn cael ei adolygu’n barhaus, cytunodd y Pwyllgor i gau'r ddeiseb, gan ddiolch
i’r deisebydd. |
||
P-05-981 Caniatáu i gampfeydd a chanolfannau hamdden ailagor Dogfennau ategol:
Cofnodion: Trafododd y Pwyllgor y ddeiseb ochr
yn ochr â deiseb P-05-986 Caniatáu i gampfeydd bach a safleoedd hyfforddi
personol agor yn gynt yn ystod cyfyngiadau COVID, a gan fod campfeydd dan do
bellach wedi cael caniatâd i ailagor a bod y Dirprwy Weinidog wedi darparu
gwybodaeth am y cyngor gwyddonol a ddefnyddir i lywio penderfyniadau, cytunwyd
i gau’r deisebau. |
||
P-05-986 Caniatáu i gampfeydd bach a safleoedd hyfforddi personol agor yn gynt yn ystod cyfyngiadau COVID Dogfennau ategol:
Cofnodion: Trafododd y Pwyllgor y ddeiseb ochr
yn ochr â deiseb P-05-981 Caniatáu i gampfeydd a chanolfannau hamdden ailagor,
a gan fod campfeydd dan do bellach wedi cael caniatâd i ailagor a bod y Dirprwy
Weinidog wedi darparu gwybodaeth am y cyngor gwyddonol a ddefnyddir i lywio
penderfyniadau, cytunwyd i gau’r deisebau. |
||
P-05-979 Mabwysiadu polisïau llywodraeth y DU o ran llacio’r cyfyngiadau symud. Dogfennau ategol:
Cofnodion: Gan nad oes llawer o gamau pellach
y gall y Pwyllgor eu cymryd a fyddai’n ddefnyddiol, cytunodd y Pwyllgor i gau'r
ddeiseb, gan ddiolch i’r deisebydd. |
||
P-05-983 Rhowch gymorth grant i fusnesau Gwely a Brecwast yng Nghymru sy'n talu’r dreth gyngor ac nid ardrethi busnes Dogfennau ategol:
Cofnodion: Yn sgil y penderfyniadau y mae
Llywodraeth Cymru wedi’u gwneud ynghylch y meini prawf cymhwystra ar gyfer
cymorth, cytunodd y Pwyllgor i gau’r ddeiseb, gan ddiolch i’r deisebydd, ar y
sail nad oes llawer mwy y gall y Pwyllgor ei wneud mewn perthynas â’r
amgylchiadau penodol y mae’r busnes hwn yn eu hwynebu. |
||
P-05-984 Dylid rhoi’r gorau i ymgynghoriadau o bell sy’n gwahaniaethu o ran ceisiadau llosgyddion yn ystod y pandemig Covid-19 Dogfennau ategol:
Cofnodion: Cytunodd y Pwyllgor i ysgrifennu yn
ôl at y Gweinidog Tai a Llywodraeth Leol yn gofyn am fanylion y meini prawf a
ddefnyddiwyd wrth ystyried a ddylid cytuno i ymestyn y terfynau amser yn
ymwneud ag ymgynghori neu ofynion cyflwyno yn y cam gwneud cais llawn ar gyfer
Datblygiadau o Arwyddocâd Cenedlaethol. |
||
P-05-985 Darparu gofal plant i weithiwr allweddol sy'n cyfateb i'r hyn a oedd ar gael cyn pandemig Covid-19 Dogfennau ategol:
Cofnodion: Cytunodd y Pwyllgor i ysgrifennu’n
ôl at y Gweinidog Addysg i nodi bod angen rhoi ystyriaeth bellach i’r
ddarpariaeth gofal plant ar gyfer plant gweithwyr allweddol yn ystod oriau
gweithio craidd yn unrhyw gyfyngiadau symud yn y dyfodol, ac i rannu
safbwyntiau’r deisebydd ynghylch sut y dylai awdurdodau lleol fynd ati i gau
ysgolion neu orfodi cyfyngiadau symud yn y dyfodol. |
||
P-05-988 Rhowch fynediad cyfartal at eu hysgolion a’u hathrawon i blant gweithwyr allweddol. Dogfennau ategol:
Cofnodion: Cytunodd y Pwyllgor i ysgrifennu
yn ôl at y Gweinidog Addysg i ofyn a fyddai canllawiau mwy penodol yn cael eu
darparu i ysgolion ynghylch cynnwys plant y mae angen iddynt ddefnyddio’r
ddarpariaeth gofal plant i weithwyr allweddol hefyd, pe bai ysgolion yn ailagor
yn raddol yn y dyfodol. |