Agenda a Chofnodion
Lleoliad: Ystafell Bwyllgora 1 - Y Senedd. Cyfarwyddiadau
Cyswllt: Graeme Francis
Cyfryngau
Senedd.TV: Gweld y gweddarllediad
Transcript: Trawsgrifiad ar gyfer 07/01/2020 - Y Pwyllgor Deisebau - Y Bumed Senedd
Amseriad disgwyliedig | Rhif | Eitem |
---|---|---|
Cyflwyniad, ymddiheuriadau, dirprwyon a datgan buddiannau Dogfennau ategol: Cofnodion: Cafwyd
ymddiheuriadau gan Michelle Brown a Neil McEvoy. |
||
Deisebau newydd |
||
P-05-921 Hysbysiad cynharach ynghylch cyllidebau cynghorau gan Lywodraeth Cymru #AchubEinGwasanaethau Dogfennau ategol:
Cofnodion: Trafododd y
Pwyllgor y ddeiseb am y tro cyntaf. Cytunodd yr Aelodau i ddiolch i'r deisebwyr
am godi'r mater hwn trwy'r broses ddeisebau ond y dylid cau'r ddeiseb gan nad
oes llawer y gall y Pwyllgor ei wneud yn hyn o beth, o ystyried mai amseriad
Etholiad Cyffredinol y DU oedd achos yr oedi eleni ac o gofio’r ffaith i’r
gyllideb ddrafft a'r setliad llywodraeth leol dros dro gael eu cyhoeddi ar 16
Rhagfyr. |
||
P-05-925 Addysgu Llesiant Mislifol mewn Ysgolion: Peidio â Gadael Cymru Tu Ôl Dogfennau ategol:
Cofnodion: Trafododd y
Pwyllgor y ddeiseb am y tro cyntaf a chytunwyd i ysgrifennu yn ôl at y
Gweinidog Addysg i ofyn a fyddai Llywodraeth Cymru yn ystyried ychwanegu
cyfeiriad penodol at lesiant mislifol yn natganiad Yr Hyn sy’n Bwysig ar iechyd
a llesiant corfforol, fel y’i cynigiwyd gan Endometriosis UK. |
||
P-05-926 Dylid Darparu Adran Blinder Cronig yng Nghymru Dogfennau ategol:
Cofnodion: Trafododd y
Pwyllgor y ddeiseb am y tro cyntaf a chytunodd i ysgrifennu at y Gweinidog
Iechyd a Gwasanaethau Cymdeithasol yn gofyn am: ·
wybodaeth am aelodaeth, cylch
gwaith a rhaglen y grŵp llywio, gan gynnwys trosolwg o sut mae
cynrychiolwyr defnyddwyr gwasanaeth yn cael eu nodi; ac ·
ymateb Llywodraeth Cymru i
feirniadaeth Dr Charles Shepherd ynghylch y ddarpariaeth o wasanaethau yn y GIG
yng Nghymru. |
||
P-05-927 Cyfleusterau toiled Changing Places Dogfennau ategol:
Cofnodion: Trafododd y
Pwyllgor y ddeiseb am y tro cyntaf a chytunodd i ysgrifennu at y Gweinidog Tai
a Llywodraeth Leol yn gofyn iddi roi amserlenni ar gyfer ystyried cyngor
ynghylch yr opsiynau ar gyfer cynyddu’r ddarpariaeth o doiledau Changing
Places, a gwybodaeth am y cyfleoedd a'r meini prawf ar gyfer cael cyllid i
ddatblygu cyfleusterau newydd. |
||
P-05-928 Cael gwared ar y geiriau sy’n hyrwyddo adfer adnoddau olew a nwy o Gynllun Morol Cenedlaethol Cymru Dogfennau ategol:
Cofnodion: Trafododd y
Pwyllgor y ddeiseb am y tro cyntaf a chytunodd i gau'r ddeiseb am ei bod yn
ymddangos nad oes llawer mwy y gallai'r ddeiseb ei chyflawni yng ngoleuni'r
diwygiadau a wnaed i'r amcan olew a nwy yn y fersiwn o Gynllun Morol
Cenedlaethol Cymru a fabwysiadwyd, a’r ffaith bod Gweinidog yr Amgylchedd, Ynni
a Materion Gwledig wedi nodi’r bwriad i osgoi echdynnu tanwydd ffosil yn ardal
drwydded ar y tir Cymru. Cytunodd y Pwyllgor hefyd i ddiolch i'r deisebydd am
ddefnyddio'r broses ddeisebau. |
||
Y wybodaeth ddiweddaraf am ddeisebau blaenorol |
||
P-05-839 Dylid troi canllawiau Sefydliad Iechyd y Byd ynghylch llygredd aer yn gyfraith yng Nghymru a chyflwyno Deddf Aer Glân newydd i Gymru Dogfennau ategol:
Cofnodion: Trafododd y
Pwyllgor ohebiaeth bellach a chytunodd i ysgrifennu at Weinidog yr Amgylchedd,
Ynni a Materion Gwledig yn gofyn am ragor o wybodaeth am sut y mae'n bwriadu troi
canllawiau Sefydliad Iechyd y Byd yn gyfraith yng Nghymru, fel y’i nodir yn y
Cynllun Aer Glân drafft, ac yn gofyn ynghylch y potensial i gyflymu'r amserlen
er mwyn cyflwyno deddfwriaeth ar lygredd aer yn ystod y Cynulliad hwn. |
||
P-05-842 Rhowch lais i bobl ifanc yn y broses o gomisiynu gwasanaethau lleol yng Nghymru Dogfennau ategol:
Cofnodion: Trafododd y
Pwyllgor ohebiaeth bellach a chytunodd ei bod yn ymddangos nad oes llawer
pellach y gallai ei chyflawni ar hyn o bryd, o ystyried bod Llywodraeth Cymru
wedi diystyru cyflwyno dyletswyddau newydd. Oherwydd hynny, cytunodd y Pwyllgor
i gau’r ddeiseb a diolch i’r deisebwyr am ei chyflwyno. |
||
P-05-856 Rhaid gwahardd gwerthu cŵn bach gan siopau anifeiliaid anwes a phob gwerthwr trydydd parti masnachol yng Nghymru Dogfennau ategol:
Cofnodion: Trafododd y Pwyllgor y ddeiseb ochr yn ochr â P-05-915 Galwad
am well gorfodaeth o ffermydd cŵn bach yng Nghymru a
chytunwyd i aros am gyhoeddiad pellach gan Weinidog yr Amgylchedd, Ynni a
Materion Gwledig ynghylch y camau a gymerir yn dilyn yr adolygiad o reoliadau
bridio cŵn, cyn ystyried a ddylid cymryd unrhyw gamau pellach o ran y
deisebau. |
||
P-05-915 Galwad am well gorfodaeth o ffermydd cŵn bach yng Nghymru Dogfennau ategol:
Cofnodion: Trafododd y Pwyllgor y ddeiseb ochr yn ochr â P-05-856 Rhaid gwahardd
gwerthu cŵn bach gan siopau anifeiliaid anwes a phob gwerthwr trydydd
parti masnachol yng Nghymru a chytunwyd i aros am
gyhoeddiad pellach gan Weinidog yr Amgylchedd, Ynni a Materion Gwledig ynghylch
y camau a gymerir yn dilyn yr adolygiad o reoliadau bridio cŵn, cyn
ystyried a ddylid cymryd unrhyw gamau pellach o ran y deisebau. |
||
P-05-869 Datgan Argyfwng Hinsawdd a gosod targedau di-garbon ym mhob polisi Dogfennau ategol:
Cofnodion: Trafododd y
Pwyllgor ohebiaeth bellach a chytunodd i gadw golwg ar ymateb Llywodraeth Cymru
i adroddiad y Pwyllgor Newid Hinsawdd, Amgylchedd a Materion Gwledig ar gynnydd
o ran newid hinsawdd, cyn ystyried a all gymryd unrhyw gamau pellach. |
||
P-05-877 Cynllun gwisgoedd ysgol ail-law i blant Dogfennau ategol:
Cofnodion: Trafododd y
Pwyllgor ohebiaeth bellach a chytunodd i aros am farn y deisebydd ynghylch
ymateb y Gweinidog Addysg a'r camau a gymerwyd gan Lywodraeth Cymru. |
||
Papur i'w nodi |
||
P-05-797 Sicrhau mynediad i'r feddyginiaeth ffibrosis systig, Orkambi, fel mater o frys Dogfennau ategol:
Cofnodion: Nodwyd y papur. |
||
9.45 - 10.30 |
Sesiwn dystiolaeth: ·
Kirsty
Williams AC, Gweinidog dros Addysg ·
Claire
Bennett, Dirprwy Gyfarwyddwr Cwricwlwm, Llywodraeth Cymru ·
Megan
Colley, Pennaeth Cefnogi Cyflawniad a Diogelu, Llywodraeth Cymru |
|
Sesiwn dystiolaeth: P-05-862 Mynd i'r afael â bwlio mewn ysgolion Dogfennau ategol:
Cofnodion: Clywodd y
Pwyllgor dystiolaeth gan y Gweinidog Addysg a chytunodd i dderbyn ei chynnig i
roi’r wybodaeth ddiweddaraf am y gwaith i weithredu Hawliau, Parch,
Cydraddoldeb, sef y canllawiau gwrth-fwlio newydd, yn dilyn ymarfer monitro yn
y gwanwyn. Cytunodd y Pwyllgor
hefyd i ofyn am sylwadau bellach gan Gomisiynydd Plant Cymru a'r deisebydd ar
ôl cyhoeddi’r canllawiau. |
||
Sesiwn dystiolaeth: P-05-757 Cael gwared ar y rhwymedigaeth ar ysgolion i gynnal gweithredoedd addoli crefyddol Dogfennau ategol: Cofnodion: Trafododd y
Pwyllgor y ddeiseb hon ochr yn ochr â P-05-765 Cadw canllawiau presennol ar gyfer Gwasanaethau
Crefyddol. Clywodd y
Pwyllgor dystiolaeth gan y Gweinidog Addysg, a chan fod y Gweinidog yn glir na
fydd Llywodraeth Cymru yn bwrw ymlaen â gwaith pellach ar y mater hwn yn ystod
y Cynulliad presennol, fe gytunwyd nad oes llawer mwy y gellir ei gyflawni ar
hyn o bryd. Cytunodd y Pwyllgor i gau’r ddeiseb, gan ddiolch i'r deisebwyr am
ddefnyddio'r broses ddeisebau. |
||
Sesiwn dystiolaeth: P-05-765 Cadw canllawiau presennol ar gyfer Gwasanaethau Crefyddol Dogfennau ategol: Cofnodion: Trafododd y
Pwyllgor y ddeiseb hon ochr yn ochr â P-05-757
Cael gwared ar y rhwymedigaeth ar ysgolion i gynnal gweithredoedd addoli
crefyddol. Clywodd y
Pwyllgor dystiolaeth gan y Gweinidog Addysg, a chan fod y Gweinidog yn glir na
fydd Llywodraeth Cymru yn bwrw ymlaen â gwaith pellach ar y mater hwn yn ystod
y Cynulliad presennol, fe gytunwyd nad oes llawer mwy y gellir ei gyflawni ar
hyn o bryd. Cytunodd y Pwyllgor i gau’r ddeiseb, gan ddiolch i'r deisebwyr am
ddefnyddio'r broses ddeisebau. |
||
Cynnig o dan Reol Sefydlog 17.42 i benderfynu gwahardd y cyhoedd o’r cyfarfod ar gyfer y busnes a ganlyn: Eitem 8, 9, 10, ac
11. Cofnodion: Derbyniwyd y
cynnig. |
||
Trafod sesiynau tystiolaeth blaenorol |
||
Trafod yr Adroddiad Drafft |
||
Trafod yr Adroddiad Drafft: P-04-433 Teledu Cylch Cyfyng mewn Lladd-dai Dogfennau ategol:
Cofnodion: Cytunodd y
Pwyllgor ar yr adroddiad a’r argymhellion. |
||
Ymateb Llywodraeth Cymru - P-05-916 Cyllid digonol i ddiogelu lles anifeiliaid fferm yn lladd-dai Cymru Dogfennau ategol:
Cofnodion: Cytunodd
y Pwyllgor i gynnwys y ddeiseb hon mewn adroddiad ar ddeiseb P-04-433 Teledu Cylch Cyfyng mewn Lladd-dai. |
||
Ystyried ymateb Llywodraeth Cymru i'r adroddiad ar P-05-736 Darparu Gwasanaethau Iechyd Meddwl Mwy Hygyrch Dogfennau ategol:
Cofnodion: Trafododd y
Pwyllgor ymateb Llywodraeth Cymru i adroddiad y Pwyllgor a chytunwyd i aros am
i Lywodraeth Cymru gyhoeddi Law yn Llaw at Iechyd Meddwl – cynllun cyflawni
2019 i 2022 cyn penderfynu ar eu camau nesaf. |
||
Papur i'w nodi: Llythyr gan y Pwyllgor ar Ddiwygio Etholiadol y Cynulliad Dogfennau ategol:
Cofnodion: Trafododd y
Pwyllgor yr ohebiaeth gan Gadeirydd y Pwyllgor ar Ddiwygio Etholiadol y
Cynulliad a chytunwyd i drafod ymateb drafft yn y cyfarfod nesaf. |