Cofnodion
Lleoliad arfaethedig: Swyddfa’r Llywydd, 4ydd llawr - Tŷ Hywel. Cyfarwyddiadau
Cyswllt: Aled Elwyn Jones
Rhif | Eitem |
---|---|
Cyflwyniadau, ymddiheuriadau a dirprwyon |
|
Cofnodion y cyfarfod blaenorol Cofnodion: Cytunodd y Pwyllgor ar y cofnodion ar gyfer eu cyhoeddi. |
|
Trefn busnes |
|
Busnes yr wythnos hon Cofnodion: Dydd Mawrth ·
Byddai pob pleidlais
mewn perthynas â Bil Iechyd y Cyhoedd (Cymru) yn digwydd yn ystod trafodion
Cyfnod 3. ·
Cwtogodd y Llywodraeth
yr amser a neilltuwyd ar gyfer trafodion Cyfnod 3 o dair awr i ddwy awr. ·
Byddai egwyl o 10 munud
cyn i drafodion Cyfnod 3 ddechrau. Nododd y Rheolwyr Busnes hefyd y bydd y pleidleisio ar bob eitem arall o
fusnes yn cael ei gynnal cyn i drafodion Cyfnod 3 ddechrau. Cytunodd y Pwyllgor Busnes y cynhelir y Cyfnod Pleidleisio cyn y Ddadl Fer
ddydd Mercher. |
|
Amserlen Busnes y Llywodraeth ar gyfer y tair wythnos nesaf Cofnodion: Nododd y Pwyllgor Busnes amserlen busnes y Llywodraeth ar gyfer y tair
wythnos nesaf. |
|
Amserlen Busnes y Cynulliad ar gyfer y tair wythnos nesaf Cofnodion: Penderfynodd y Pwyllgor Busnes ar drefn busnes y Cynulliad a chytunodd i
gynnwys yr eitemau o fusnes a ganlyn ar yr amserlen:
|
|
Dadl ar Gynnig Deddfwriaethol Aelod - Dewis Cynnig ar gyfer y Ddadl Cofnodion: Dewisodd y Pwyllgor Busnes gynnig ar gyfer y ddadl ar 17 Mai. NDM6301
Dawn Bowden (Merthyr Tudful a Rhymni): Cynnig bod Cynulliad Cenedlaethol Cymru: 1. Yn nodi cynnig ar gyfer gwelliant i Ddeddf
Tai (Cymru) 2014. 2. Yn nodi mai diben y gwelliant fyddai gwahardd
hysbysebu eiddo yn ddi-rent gan landlordiaid sy'n disgwyl cydnabyddiaeth am hyn
ar ffurf manteision rhywiol. Cytunodd y Rheolwyr Busnes i drefnu'r ddadl nesaf ar gynnig deddfwriaethol
Aelod ar gyfer 12 Gorffennaf 2017 ac adolygu'r weithdrefn yn nhymor yr hydref. |
|
Deddfwriaeth |
|
Rhaglen Ddeddfwriaethol y DU 2016-2017 - Tabl Diweddaraf y Cynigion Cydsyniad Deddfwriaethol Cofnodion: Rhaglen Ddeddfwriaethol y DU 2016-2017 - Tabl Diweddaraf y Cynigion Cydsyniad
Deddfwriaethol ·
Nododd y Pwyllgor Busnes
bapur gan Arweinydd y Tŷ yn rhoi'r wybodaeth ddiweddaraf am hynt Biliau'r
DU a gyhoeddwyd yn Araith y Frenhines y mae'n debyg y bydd angen Cynigion
Cydsyniad Deddfwriaethol ar eu cyfer. |
|
Pwyllgorau |
|
Effaith ymadawiad Aelod â grŵp gwleidyddol Cofnodion: Trafododd y Rheolwyr Busnes bapur ynghylch y goblygiadau i'r Pwyllgorau yn
sgil ymadawiad Mark Reckless â grŵp UKIP.
Cytunodd y Pwyllgor y dylid gwneud pob penderfyniad ynghylch y newid ar
yr un pryd, a hynny maes o law. Bydd y Rheolwyr Busnes yn hysbysu'r Llywydd pan fyddant mewn sefyllfa i
drafod y mater eto yn y Pwyllgor. |
|
Unrhyw fater arall Cytunodd y Pwyllgor Busnes ar gais gan Jane Hutt i amserlennu'r cwestiynau
i Ysgrifennydd y Cabinet dros yr Economi a Seilwaith ar 21 Mehefin fel yr eitem
olaf cyn y Ddadl Fer ar y diwrnod hwnnw gan ei fod allan o'r wlad ar fusnes y
Llywodraeth, gan ddychwelyd i Gaerdydd yn gynnar yn y prynhawn. |