Cofnodion
Lleoliad arfaethedig: Ystafell Gynhadledd 4B - Tŷ Hywel. Cyfarwyddiadau
Cyswllt: Clerc y Bwrdd Taliadau
Amseriad disgwyliedig | Rhif | Eitem |
---|---|---|
Dydd Mercher 16 Tachwedd |
||
(9:30 – 9:45) |
Cyflwyniad y Cadeirydd Cofnodion: 1.1
Croesawodd y Cadeirydd aelodau'r Bwrdd i'r cyfarfod. 1.2
Cafodd y Cadeirydd ymddiheuriadau gan Trevor Reaney, a oedd wedi cyflwyno
sylwadau ar bob eitem ar ffurf e-bost. 1.3
Cytunodd y Bwrdd ar gofnodion y cyfarfodydd a gynhaliwyd ar 5-6 Gorffennaf
a 15-16 Medi, 2016. 1.4
Trafododd y Bwrdd ei raglen waith ddrafft, gan gynnwys amserlen ar gyfer
cyfnodau allweddol o'i waith yn ystod y Pumed Cynulliad, a chytunodd arni. 1.5
Rhoddodd y Cadeirydd wybod i'r Bwrdd y byddai Laura McAllister yn bresennol
yn ystod yr eitem ar gyfer trafod strategaeth y Bwrdd ar gyfer 2016-2021, a
hynny er mwyn rhoi sicrwydd i'r Bwrdd ynghylch priodoldeb y strategaeth yng
nghyd-destun yr heriau y mae'r Cynulliad yn eu hwynebu yng Nghymru. |
|
(13:30 – 15:30) |
Trafod strategaeth y Bwrdd ar gyfer 2016-2021 Cofnodion: 2.1 Trafododd aelodau'r Bwrdd ganlyniadau'r diwrnod strategaeth a gynhaliwyd ym
Mae Colwyn a'r ymweliadau a gynhaliwyd â swyddfeydd etholaethol Aelodau
Cynulliad yng ngogledd Cymru. 2.2 Yn ystod y cyfarfod strategaeth, cytunodd y Bwrdd y byddai'n llunio dogfen
strategaeth a fyddai'n amlinellu ei brif amcanion a'i flaenoriaethau strategol
ar gyfer y Pumed Cynulliad, a hynny er mwyn paratoi ar gyfer llunio
Penderfyniad addas ar gyfer y Chweched Cynulliad. 2.3 Trafododd y Bwrdd ei ddogfen strategaeth ddrafft ar gyfer 2016-2021 a
chytunodd arni, yn amodol ar fân newidiadau. Cytunodd y Bwrdd y dylid
cyhoeddi'r ddogfen ar ddechrau tymor y gwanwyn, a hynny er mwyn dangos bod y
Bwrdd yn dryloyw am ei waith ac er mwyn hwyluso trafodaeth gynhyrchiol gydag
Aelodau a phobl eraill sydd â diddordeb yng ngwaith y Bwrdd a chapasiti
democratiaeth Cymru yn y dyfodol. 2.4 Cafodd y Bwrdd y wybodaeth ddiweddaraf gan Adrian Crompton ynghylch
cyhoeddiad y Comisiwn ei fod yn bwriadu archwilio capasiti'r Cynulliad yn y
dyfodol. 2.5 Trafododd y Bwrdd sut y byddai ei strategaeth yn ymateb yn hyblyg i'r
blaenoriaethau a'r amcanion sydd wedi'u nodi yng nghyhoeddiad Comisiwn y
Cynulliad, yn enwedig o ran mynd i'r afael â'r heriau a fydd yn deillio o
newidiadau cyfansoddiadol disgwyliedig, fel y cynnydd yn nifer Aelodau'r
Cynulliad. 2.6 Cytunodd y Bwrdd mai un o'i flaenoriaethau cyntaf fydd meithrin
dealltwriaeth o agweddau o fewn ei gylch gwaith sydd, o bosibl, yn atal
unigolion rhag sefyll mewn etholiad Cynulliad, yn ogystal ag agweddau sy'n denu
pobl i'r swydd. 2.7 Yn unol â'i ymrwymiad i adolygu perfformiad y Bwrdd ac effaith ei
benderfyniadau yn gyson, cytunodd y Bwrdd y byddai'n cynnal adolygiadau o'r
darpariaethau presennol a gafodd eu cynnwys yn y Penderfyniad ar gyfer y Pumed
Cynulliad, a pha un a yw'r egwyddorion sy'n sail i'r Penderfyniad ar hyn o bryd
yn addas at y diben. Cam gweithredu: ·
Cyhoeddi dogfen strategaeth a'i
dosbarthu ymhlith rhanddeiliaid allweddol yn ystod tymor y gwanwyn. |
|
Dydd Iau 17 Tachwedd |
||
(9:45 – 11:00) |
Trafod y materion diweddaraf a godwyd gyda'r gwasanaeth Cymorth Busnes i'r Aelodau Cofnodion: 3.1 Trafododd y Bwrdd bapur yn amlinellu rhai o'r materion sydd wedi codi
wrth roi'r Penderfyniad ar waith ers dechrau tymor yr hydref yn y Cynulliad. 3.2 Yn ogystal, trafododd y Bwrdd rai o'r materion sydd wedi deillio o
drafodaethau'r Aelodau gyda'r tîm Cymorth Busnes i Aelodau (MBS), a materion
eraill a godwyd yn fwy ffurfiol gyda Chadeirydd y Bwrdd yn ystod ei sesiwn galw
heibio. 3.3 Mae'r
materion hyn yn cynnwys hyblygrwydd strwythurau staffio, lwfansau preswyl a'r
cynnydd a wnaed yn yr adolygiad diogelwch sy'n cael ei gynnal mewn perthynas â
swyddfeydd etholaethol yr Aelodau. Bydd y materion hyn yn llywio trafodaethau
strategol y Bwrdd ynghylch creu Penderfyniad sy'n addas ar gyfer y Chweched
Cynulliad, ynghylch yr adolygiad blynyddol o'r Penderfyniad, ac ynghylch yr
adolygiad o effeithiolrwydd y Penderfyniad yn 2017. |
|
(11:00 – 11:45) |
Eitem i wneud penderfyniad yn ei chylch: Trafod yr ymatebion a gafwyd i'r ymgynghoriad ar wariant ar lety preswyl Cofnodion: 4.1 Trafododd y Bwrdd wariant ar lety preswyl a'r ymatebion a gafwyd i'w
ymgynghoriad ynghylch a ddylid diwygio'r Penderfyniad at ddibenion sicrhau bod Aelodau
y mae eu prif gartref y tu allan i Gymru yn gymwys i hawlio'r lwfans gwariant
ar lety preswyl. 4.2 Wrth wneud penderfyniad ar y mater hwn, cafodd y Bwrdd ei lywio gan ei
gylch gwaith a'i ddyletswyddau o dan Orchymyn Mesur Cynulliad Cenedlaethol Cymru
(Taliadau) 2010 i sicrhau nad oes unrhyw Aelod yn cael ei rwystro rhag ymgymryd
â'r rôl y mae wedi'i ethol i'w wneud drwy roi system gymorth ariannol ar waith
sy'n ei alluogi i gyflawni ei waith yn effeithiol. 4.3 Nododd y Bwrdd ei fod wedi cael 41 o ymatebion i'r ymgynghoriad. Nododd
hefyd fod cryn wrthwynebiad i gynnig y Bwrdd bod y Penderfyniad yn cael ei
ddiwygio. 4.4 Cytunodd y Bwrdd mai mater i'r ddeddfwrfa oedd pennu'r gofynion
cymhwysedd ar gyfer ymgeiswyr mewn etholiadau'r Cynulliad, ac mai mater i
etholwyr oedd penderfynu pwy y dylid eu hethol. Nid oedd yn fater, felly, lle'r
oedd gan y Bwrdd awdurdod. Cytunodd y Bwrdd mai ei swyddogaeth oedd pennu
lwfansau rhesymol ar gyfer y rhai sydd wedi cael eu hethol i Gynulliad
Cenedlaethol Cymru. 4.5 Gan gymryd yr ymatebion a gafwyd i'r ymgynghoriad i ystyriaeth, daeth y
Bwrdd i'r casgliad na fyddai'n newid y Penderfyniad. 4.6 Cytunodd y Bwrdd y byddai'n arfer ei ddisgresiwn er mwyn ymdrin ag
amgylchiadau eithriadol unrhyw Aelod y mae ei brif gartref y tu allan i Gymru
ar sail pob achos unigol, a hynny drwy dalu am unrhyw dreuliau y mae'n mynd
iddynt o anghenraid mewn perthynas â chyflawni ei rôl fel Aelod. 4.7 Cytunodd y Bwrdd y byddai'n cadw'r trefniadau presennol i ad-dalu
unrhyw gostau ar gyfer llety mewn gwesty yr eir iddynt o anghenraid mewn
perthynas â chyflawni dyletswyddau'r Cynulliad yng Nghaerdydd—system sydd wedi
gweithio'n foddhaol hyd yn hyn. Cytunodd y Bwrdd fod rheolaethau sefydledig yn
eu lle i sicrhau bod ceisiadau o'r fath yn rhesymol ac yn rhoi gwerth am arian.
Camau gweithredu: ·
Cytunodd y Bwrdd y byddai'n
ysgrifennu at yr Aelod perthnasol yn uniongyrchol i roi gwybod iddo am ei
benderfyniad. ·
Bydd y Bwrdd yn ysgrifennu at holl
Aelodau'r Cynulliad er mwyn eu hysbysu am ei benderfyniad. Bydd hefyd yn
cyhoeddi'r llythyr ar ei wefan. |
|
(11:45 – 13:00) |
Eitem i'w thrafod: Trafod cwmpas gwaith ymchwil i ganfod yr hyn sy'n atal pobl rhag sefyll i gael eu hethol i fod yn Aelod Cynulliad Cofnodion: 5.1 Trafododd y Bwrdd bapur a oedd yn amlinellu cwmpas arfaethedig y gwaith
ymchwil y bwriedir ei gynnal yn 2017 i nodi'r hyn rhwystrau a'r cymhellion sy'n
gysylltiedig â cheisio bod yn Aelod o Gynulliad Cenedlaethol Cymru, a hynny er
mwyn llywio penderfyniadau'r Bwrdd parthed y Penderfyniad ar gyfer y Chweched
Cynulliad. 5.2 Yn ystod ei ddiwrnod strategaeth, enwebodd y Bwrdd Jane Roberts i
gymryd yr awenau mewn perthynas â'r maes gwaith hwn. Gofynnodd y Cadeirydd iddi
gyflwyno'r papur cwmpasu. 5.3 Cytunodd y Bwrdd ar gwmpas ei waith, gan gymryd cylch gwaith y Bwrdd i
ystyriaeth, a chytunodd y byddai'n comisiynu darparwr allanol i wneud y gwaith
ymchwil hwn. 5.4 Yn ei gyfarfod ym mis Ionawr, bydd y Bwrdd yn trafod papur a fydd yn
amlinellu'r paramedrau ar gyfer yr ymarfer tendro. Cam gweithredu:
|
|
(14:00 – 15:15) |
Eitem i'w thrafod: Ystyried cwmpas y gwaith o adolygu egwyddorion sylfaenol y Penderfyniad a'i effeithiolrwydd Cofnodion: 6.1 Trafododd y Bwrdd ddau faes gwaith sy'n ymwneud â'r cymorth cyffredinol
a ddarperir i Aelodau'r Cynulliad: adolygiad o effeithiolrwydd y Penderfyniad
a'i effaith ym mlwyddyn gyntaf y Pumed Cynulliad; a'r egwyddorion sy'n sail i'r
cymorth ariannol a ddarperir, ac yn benodol, a yw'r dull presennol yn caniatáu
digon o ddisgresiwn. 6.2 Yn ystod ei ddiwrnod strategaeth, enwebodd y Bwrdd Mike Redhouse i gymryd
yr awenau mewn perthynas â'r maes gwaith hwn. Gofynnodd y Cadeirydd iddo gyflwyno'r
papur cwmpasu. 6.3 Trafododd y Bwrdd gylch gwaith y ddau adolygiad a'r berthynas
rhyngddynt. 6.4 Trafododd y Bwrdd i ba raddau y dylai'r Bwrdd gynnal ymgynghoriadau ar
gyfer y ddau adolygiad, gan gynnwys yr amserlenni ar eu cyfer a'r rhanddeiliaid
allweddol y dylid ymgynghori â hwy; 6.5 Cytunodd y Bwrdd y dylai arolwg blynyddol yr Aelodau, a fydd yn cael ei
gyhoeddi gan Gomisiwn y Cynulliad ym mis Chwefror 2017, lywio adolygiad y
Bwrdd. 6.6 Bydd yr adolygiad hwn yn cael ei gynnal yn ystod 2017, a bydd yn llywio
penderfyniadau'r Bwrdd ynghylch y Penderfyniad ar gyfer y Chweched Cynulliad. Cam gweithredu:
|