Agenda a Chofnodion
Lleoliad: Ystafell Gynhadledd 4B - Tŷ Hywel. Cyfarwyddiadau
Cyswllt: Clerc y Bwrdd Taliadau
Amseriad disgwyliedig | Rhif | Eitem |
---|---|---|
(10:00 – 10:15) |
Cyflwyniad y Cadeirydd ·
Papur 1- Cofnodion y cyfarfod a gynhaliwyd ar 22 Mawrth 2013 ·
Datganiadau o fuddiant Cofnodion: 1. Croesawodd y Cadeirydd y Bwrdd i’w
bedwerydd cyfarfod ar bymtheg, a chroesawodd Anna Daniel, a benodwyd yn
ddiweddar fel Pennaeth Trawsnewid Strategol y Cynulliad, y byddai ei thîm yn
cymryd cyfrifoldeb dros ddarparu cymorth ysgrifenyddol i’r Bwrdd maes o law. 2. Ar ôl eu hadolygu, cadarnhawyd bod
cofnodion y cyfarfod diwethaf, ar 22 Mawrth, yn gofnod cywir. 3. Ni chafwyd
datganiadau o fuddiant. |
|
Adolygiad Blynyddol o'r Penderfyniad ·
Papur 2- Adolygiad Blynyddol o'r Penderfyniad -
Atodiad A: Newidiadau drafft i'r Penderfyniad Cofnodion: 4. Ar ôl ei gyfarfod ar 22 Mawrth, roedd
Cadeirydd y Bwrdd wedi ysgrifennu at bob Aelod yn amlinellu’r newidiadau
arfaethedig i’r Penderfyniad yn sgîl yr ymgynghoriad a gynhaliwyd yn gynharach
yn y flwyddyn. 5. Ystyriodd y Bwrdd adborth a gafwyd gan yr
Aelodau cyn cadarnhau’r newidiadau arfaethedig i’r Penderfyniad yn derfynol ar
gyfer y flwyddyn ariannol bresennol. Cytunodd y Bwrdd ar y penderfyniadau a
ganlyn: Lwfans costau swyddfa 6. Cynyddu’r lwfans costau swyddfa i £16,697,
ar gyfer 2013-14, yn unol â rhagolygon mynegai prisiau defnyddwyr y Swyddfa
Cyfrifoldeb Cyllidebol, sef 2.8% ar gyfer 2013. Lwfans llety - atgyweiriadau hanfodol 7. Caniatáu taliadau ar gyfer atgyweiriadau
angenrheidiol o fewn y lwfans llety, ar gyfer Aelodau o dan y trefniadau
trosiannol. Byddai’r taliadau yn amodol ar gael cymeradwyaeth ymlaen llaw gan y
Tîm Cymorth Busnes i’r Aelodau, a’i gapio ar £840 (10% o gyfanswm y gyllideb
llety). Gwaith diogelwch angenrheidiol ar gyfer eiddo nad yw’n brif
gartref yr Aelod. 8. Cymeradwyo hawliadau rhesymol am gostau
gwaith diogelwch ychwanegol ar gyfer eiddo nad yw’n brif gartref yr Aelod y
bernir ei fod yn angenrheidiol er mwyn lleihau risiau diogelwch i’r eithaf.
Byddai unrhyw daliadau yn amodol ar fod Aelod yn cyflwyno gwybodaeth
ysgrifenedig gan yr heddlu, yn cadarnhau bod rhagofalon o’r fath yn
angenrheidiol, a phan fo’r gost yn £750 neu’n fwy, cael o leiaf dri amcangyfrif
cystadleuol ar gyfer y gwaith a’r offer angenrheidiol i’w gyflawni. Teithio y tu allan i’r Undeb Ewropeaidd 9. Newid y Penderfyniad er mwyn caniatáu i
Aelodau deithio y tu allan i’r Undeb Ewropeaidd, fel rhan o hawl presennol yr
Aelodau i hyd at bedair taith ddwyffordd mewn blwyddyn ariannol. Byddai’n
ofynnol bod dulliau diogelu priodol ar waith cyn cymeradwyo ymweliadau o’r
fath, gan gynnwys cyflwyno achosion busnes i nodi gwerth a rhinweddau’r
ymweliad arfaethedig i’r Aelod ac i’r Cynulliad, ac ymrwymiad i ddrafftio
adroddiad ar ôl yr ymweliad i’w osod ar wefan y Cynulliad. Ystyriaeth o daliadau eithriadol 10. Bu’r Bwrdd yn trafod y mater hwn a’r
materion ymarferol dan sylw er mwyn sicrhau y gellid dod i benderfyniad sydyn a
sicrhau ar yr un pryd bod dulliau diogelu ar waith i warchod hunaniaeth a
chyfrinachedd unigolion. 11. Penderfynodd y Bwrdd y byddai’n ail-edrych
ar y mater ac yn ei ystyried ymhellach yn ei gyfarfod nesaf ym mis Hydref. Cymorth i Aelodau â chyfrifoldebau gofal 12. Cytunodd y Bwrdd i fwrw ymlaen ag
ymgynghoriad manwl ag Aelodau ar ôl toriad yr haf, i lywio ei waith o ystyried
a yw am gyflwyno lwfans ar gyfer Aelodau sydd â chyfrifoldebau gofal sy’n debyg
i drefniadau sydd ar waith ar hyn o bryd yn Nhŷ’r Cyffredin a Chynulliad
Gogledd Iwerddon. 13. Cofnodir y penderfyniadau hyn yn Adroddiad
Blynyddol y Bwrdd ar gyfer 2012-13. 14. Cytunodd y Bwrdd y bydd yn diweddaru
geiriad y Penderfyniad yn gyffredinol fel rhan o’r adolygiad i baratoi ar gyfer
y Pumed Cynulliad. |
||
Y Pwyllgor Safonau ·
Papur 3A - Adroddiad o dan Reol Sefydlog 22 -
Atodiad A - llythyr gan Gadeirydd y Pwyllgor -
Atodiad B: Adroddiad y Pwyllgor ·
Papur 3B - Adroddiad ar Lobïo a Grwpiau Trawsbleidiol -
Atodiad A - llythyr gan Gadeirydd y Pwyllgor -
Atodiad B: Adroddiad y Pwyllgor Cofnodion: 15. Ystyriodd y Bwrdd ddau adroddiad a
gyflwynwyd i’w sylw gan Bwyllgor Safonau Ymddygiad y Cynulliad. i) Adroddiad o
dan Reol Sefydlog 22.9 16. Nododd y Bwrdd argymhellion y Pwyllgor
Safonau ynglŷn ag ymchwiliad i gwyn yn erbyn Aelod Cynulliad, a gynhaliwyd
gan y Comisiynydd Safonau, o dan Reol Sefydlog 22.9. 17. Byddai’r Bwrdd yn ysgrifennu at Mick
Antoniw AC, Cadeirydd y Pwyllgor i gadarnhau ei fod yn fodlon bod y dulliau
diogelu presennol yn ddigon cadarn. ii) Adroddiad ar
Lobïo a Grwpiau Trawsbleidiol 18. Bu’r Bwrdd yn trafod canfyddiadau’r
Pwyllgor yn dilyn ei ymchwiliad i drefniadau’r Cynulliad o ran gweithgareddau
lobïo a Grwpiau Trawsbleidiol, ac ystyriodd a oedd hyn yn effeithio ar
weithredu’r Penderfyniad ar Gyflogau a Lwfansau Aelodau ai peidio. 19. Cytunai’r Bwrdd â phrif neges safiad y
Pwyllgor ar ddefnyddio lwfansau ar gyfer cymryd rhan mewn Grwpiau Trawsbleidiol
ac am fwy o eglurder ar y mater hwn, gan gydnabod eu bod yn ddulliau o
ymgysylltu â grwpiau sydd â diddordeb o amrywiol sectorau a all chwarae rhan
werthfawr i wella ymwybyddiaeth o faterion gwahanol. 20. Felly, ystyriwyd bod cymryd rhan mewn
grwpiau o’r fath, mewn egwyddor, yn weithgaredd priodol yn y Cynulliad ac y
gallai lwfansau sy’n daladwy yn unol â’r Penderfyniad gael eu defnyddio i
hwyluso’r ffordd i unigolion gymryd rhan mewn gweithgaredd ffurfiol gan y grŵp.
Rhaid i Aelodau’r Cynulliad fod yn bersonol gyfrifol am yr holl wariant a
ysgwyddir a rhaid iddynt arddangos synnwyr cyffredin wrth asesu pa mor berthnasol
mae eu holl weithgareddau i’w dyletswyddau fel Aelodau’r Cynulliad. 21. Cymeradwyodd y Bwrdd nod y Pwyllgor o wneud
Grwpiau Trawsbleidiol y Cynulliad yn addas ar gyfer modelau Cymru ac i’w gwneud
yn fwy atebol eu natur, a byddai hyn yn sicrhau bod eglurder ynghylch y mater
hwn, a’i fod yn cyhoeddi canllawiau yn ei Benderfyniad diwygedig, os byddai
angen. 22. Byddai Cadeirydd y Bwrdd yn ysgrifennu at
Gadeirydd y Pwyllgor rhag blaen i gyfleu safbwyntiau’r Bwrdd ar y mater, fel
bod modd i hyn lywio’r drafodaeth cyn y ddadl arfaethedig yn y Cynulliad ar
Lobïo a Grwpiau Trawsbleidiol, sydd i’w chynnal ar 26 Mehefin. |
||
Pensiynau ·
Papur 4 - Y camau nesaf -
Atodiad A: Ymatebion -
Atodiad B: Adroddiad PwC Cofnodion: 23. Trafododd y Bwrdd yr Adolygiad o bensiynau
Aelodau’r Cynulliad, a chydnabu y byddai heb amheuaeth, yn rhannol, yn cael ei
lywio gan yr ymgynghoriad IPSA yn San Steffan, sydd i’w gynnal yn ddiweddarach
y mis hwn. 24. Trafododd Aelodau’r Bwrdd effaith y Ddeddf
Pensiynau Gwasanaethau Cyhoeddus 2013 ar ei drafodaethau ar drefniadau pensiwn
Aelodau’r Cynulliad yn y dyfodol. 25. Ystyriodd y Bwrdd y prosesau a’r amseru o
ran yr Adolygiad, a’r gwaith rhagbaratoawl y byddai angen iddo ei gyflawni. Fel
cam gweithredu cychwynnol, cytunodd y Bwrdd i: i) Ddiweddaru Ymddiriedolwyr Pensiwn y
Cynulliad ynghylch cynlluniau arfaethedig y Bwrdd, a thrafod cost debygol y
cyngor cyfreithiol a’r trefniadau wrth gefn y byddai’n ofynnol iddo eu gwneud.
Byddai hefyd yn trafod yr awgrym ynghylch defnyddio cynllun caffael y
Llywodraeth ar y cyd â phroses dendro o bosibl. ii) Ysgrifennu at y Trysorlys i nodi beth yw
ei fwriadau cychwynnol ar gyfer yr Adolygiad ac egluro materion yn ymwneud â
chymeradwyaeth gan y Trysorlys i unrhyw gynllun newydd pe baent yn penderfynu
dilyn y trywydd hwn. iii) Cynnal ymarferiad caffael i benodi
cynghorwyr actiwaraidd a chynghorwyr cyfreithiol dros doriad yr haf, yn y
gobaith y byddent yn bresennol yng nghyfarfod nesaf y Bwrdd yn yr hydref. Byddai hyn yn cynnwys cysylltu â’r
Ymddiriedolwyr ynghylch y graddau y gallai’r Bwrdd weithio gydag Adran
Actiwari’r Llywodraeth, a fu’n cynghori Ymddiriedolwyr y cynllun presennol. |
||
Adolygiad o drefniadau staffio Aelodau'r Cynulliad ·
Papur 2 - Cynigion ar gyfer yr adolygiad o drefniadau staffio -
Atodiad A: Cynigion ar gyfer trefniadau staffio grwpiau -
Atodiad B: Ymateb gan y grwpiau -
Atodiad C: Llythyrau at yr Aelodau ·
Y camau nesaf - llythyr at yr Aelodau a chyhoeddi adroddiad Cofnodion: 26. Rhoddodd y Cadeirydd drosolwg byr o’r
broses hyd yma fel rhan o adolygiad y Bwrdd i drefniadau staffio Aelodau’r
Cynulliad a nododd ei fod ef a Sandy Blair wedi cymryd rhan mewn cyfres o
gyfarfodydd terfynol â rhanddeiliaid ym mis Mai. 27. Mae crynodeb o benderfyniadau’r Bwrdd ar
drefniadau Staffio Aelodau’r Cynulliad wedi’i nodi isod, gyda’r camau a ganlyn
wedi’u rhoi ar waith ers 1 Ebrill 2013. ·
Codiad cyflog o 1% i holl Staff Cymorth Aelodau’r Cynulliad; ·
Cyfle i ddechreuwyr newydd a benodwyd ar bwynt isaf eu
graddfa gyflog i fod yn gymwys i gael adolygiad cyflog ar ôl chwe mis. Yn
amodol ar berfformiad boddhaol, byddant yn symud at y pwynt cynyddrannol nesaf
ar y raddfa gyflog. Bydd cynnydd eu cyflog yn y dyfodol yn digwydd fesul blwyddyn
o ddyddiad yr adolygiad chwe mis; ·
Dileu’r gofyniad bod rhaid hysbysebu swyddi yn allanol yn yr
achosion hynny pan mae ymgeiswyr mewnol addas a benodwyd eisoes drwy
gystadleuaeth deg ac agored; ·
Caniatáu i Aelodau’r Cynulliad gynyddu nifer diwrnodau
gwyliau blynyddol eu staff ar gontractau safonol i hyd at 31 diwrnod y
flwyddyn. 28. Hefyd cadarnhaodd y Cadeirydd
benderfyniadau’r Bwrdd ynghylch trefniadau a geisiodd eu hamlinellu oedd â’r
nod o gynyddu capasiti strategol y Cynulliad, capasiti strategol Aelodau unigol
a chapasiti strategol grwpiau pleidiau; a darparu cyfleoedd ychwanegol i staff
cymorth ddatblygu eu gyrfaoedd ar yr un pryd. 29. Cydnabu’r Bwrdd, tra bo rhai Aelodau wedi
croesawu ei gynigion a’u bod yn cytuno â’r egwyddorion sy’n sail iddynt, ni
chawsant gefnogaeth drwyddi draw. 30. Felly cytunodd y Bwrdd na fyddai’r cynigion
hyn yn cael eu rhoi ar waith yn eu cyfanrwydd. Yn hytrach, byddai rhai o’r
newidiadau hyn, yr oedd cytundeb unfrydol wedi bod arnynt, yn cael eu rhoi ar waith
o 1 Gorffennaf 2013 a’u monitro dros y 12 mis nesaf. 31. Mae crynodeb o’r
cynigion hyn wedi’u nodi isod: Cefnogaeth
well ar gyfer Aelodau Cynulliad unigol - penodi Uwch Gynghorydd 32. Cadarnhaodd y Bwrdd nad yw’n fwriad ganddo
roi’r cynnig hwn ar waith yn ystod y flwyddyn ariannol bresennol, ond efallai
yr ystyrir ef eto yn y dyfodol. Cefnogaeth
well ar gyfer Aelodau Cynulliad unigol - Cronfa Ymgysylltu (Cronfa Bolisi ac
Ymchwil) 33. Byddwn yn parhau â’r cynnig i sefydlu
cronfa ychwanegol i Aelodau allu ei defnyddio i gomisiynu gwaith ymchwil
allanol, a bydd yn dod i rym ar 1 Gorffennaf. Er mwyn sicrhau bod diben y
gronfa’n eglur, byddai’n cael ei galw’n Gronfa Bolisi ac Ymchwil. Byddai ar
gael i Aelodau, i ariannu gwaith ymchwil allanol i gefnogi datblygiad polisi,
archwilio materion o bwys yn eu hetholaeth neu ranbarth, neu graffu ar bolisi,
deddfwriaeth neu gyllid. 34. Caniateir i’r Aelodau gyfuno arian o’r
gronfa i gomisiynu darnau o waith mwy sylweddol, er y byddai’n ofynnol i hynny
fod yn unol ag arfer gorau o ran caffael. 35. Byddai’r Bwrdd yn monitro faint o ddefnydd o’r Gronfa Bolisi ac Ymchwil a fydd, a’i gwerth o ran defnyddio arbenigedd ychwanegol i gynorthwyo’r Aelodau dros y 12 mis nesaf. Byddai’n cynnal ... Gweld y cofnodion lawn ar gyfer eitem 5. |
||
Blaenraglen Waith ·
Papur 6 - Papur i’w nodi Cofnodion: 43. Nododd y Bwrdd flaenraglen waith ddrafft y
Bwrdd i’w thrafod ganddo. 44. Ar ddiwedd y cyfarfod diolchodd y Cadeirydd
i’r Clerc sy’n gorffen, Carys Eyton Evans, am ei gwasanaeth a’i chymorth arbennig
iddo ef a’r Bwrdd dros y ddwy flynedd ddiwethaf, a dymunwyd yn dda iddi at y
dyfodol. Cadarnhawyd y byddai’r Bwrdd yn cynnal ei gyfarfod nesaf ar 18 Hydref
2013. Ysgrifenyddiaeth y Bwrdd Gorffennaf 2013 |