Agenda a Chofnodion

Gweld trawsgrifiad o’r cyfarfod

Croesawodd y Cadeirydd bawb i’r cyfarfod.

Cafwyd ymddiheuriadau gan Paul Davies, Jocelyn Davies ac Ann Jones.

Roedd William Graham yn dirprwyo ar ran Paul Davies a Jeff Cuthbert yn dirprwyo ar ran Ann Jones yn unol â Rheol Sefydlog 17.48.

Carwyn Jones AC, Prif Weinidog

Bu'r Pwyllgor yn holi'r Prif Weinidog ar bynciau a drafodwyd mewn cyfarfodydd blaenorol yn ystod y pedwerydd Cynulliad.

Cytunodd y Prif Weinidog i ysgrifennu at y Pwyllgor er mwyn rhoi rhagor o wybodaeth:

·         yn cymharu cyfran yr ymgeiswyr ar gyfer penodiadau cyhoeddus o grwpiau sydd heb gynrychiolaeth ddigonol â chyfran y penodiadau gwirioneddol o'r grwpiau hyn;

·         ynghylch effeithiolrwydd y dulliau a ddefnyddir i annog ceisiadau gan bobl yn y grwpiau hynny.

Nodwyd y papurau. 

Eitem 5

Derbyniodd y Pwyllgor y cynnig o dan Reol Sefydlog 17.42 i benderfynu gwahardd y cyhoedd o'r cyfarfod ar gyfer Eitem 5 ar yr agenda.

Trafododd y Pwyllgor y dystiolaeth a gafwyd yn ystod y sesiwn graffu gynharach a chytunodd i ysgrifennu at y Prif Weinidog, yn nodi nifer o sylwadau ac argymhellion.