Agenda a Chofnodion

Gweld trawsgrifiad o’r cyfarfod (PDF 69KB) Gweld fel HTML (68KB)

1.1       Croesawodd  y Cadeirydd yr Aelodau i’r cyfarfod.

1.2       Nid oedd ymddiheuriadau.

2.1 Nodwyd y papurau.

PAC(4)-08-16 Papur 1 - Llyfrgell Genedlaethol Cymru

PAC(4)-08-16 Papur 2 - Amgueddfa Genedlaethol Cymru

PAC(4)-08-16 Papur 3 – Comisiwn y Cynulliad

PAC(4)-08-16 Papur 4 - Chwaraeon Cymru

PAC(4)-08-16 Papur 5 – Llywodraeth Cymru

PAC(4)-08-16 Papur 6 - Llythyr gan Archwilydd Cyffredinol Cymru

3.1 Gwnaeth yr Aelodau drafod a nodi’r ymateb a gafwyd gan y sefydliadau ynghylch yr argymhellion a gyflwynwyd iddynt yn adroddiad y Pwyllgor a gyhoeddwyd ym mis Rhagfyr 2015.

3.2 Cytunodd y Pwyllgor i wneud y canlynol:

·       Ysgrifennu at Lywodraeth Cymru yn gofyn am farn ar y materion yn ymwneud â threfniadau yswiriant Llyfrgell Genedlaethol Cymru, dull Amgueddfa Genedlaethol Cymru ar gyfer codi ffi am ddigwyddiadau a’i barn am drefniadau’r ddau sefydliad o ran diswyddo. 

·       Gofyn i Gomisiwn y Cynulliad esbonio’r camau y mae’n bwriadu eu cymryd i wneud y deunydd a gyhoeddir ar ei wefan yn fwy hygyrch, yn enwedig i bobl â gofynion penodol. 

·       Cynnwys argymhelliad yn ei adroddiad etifeddiaeth y dylai’r Pwyllgor dilynol graffu ar Gyfrifon Cyfunol Llywodraeth Cymru ar gyfer 2015-16 yn nhymor yr hydref 2016 ac ystyried yn benodol a yw’r ffordd y cyflwynir y cyfrifon wedi gwella ac a ydynt yn cynnwys linc i Adroddiad Rheoli Grantiau Blynyddol Llywodraeth Cymru. Awgrymwyd hefyd efallai y bydd y pwyllgor dilynol am edrych yn ehangach ar ddull Llywodraeth Cymru o leihau ei defnydd o ynni.

·       Cynnwys argymhelliad yn ei adroddiad etifeddiaeth y dylai’r Pwyllgor dilynol graffu ar gyfrifon Cyfoeth Naturiol Cymru yn nhymor yr hydref 2016.

Eitemau 5 a 6

4.1 Cytunwyd ar y cynnig.

PAC(4)-08-16 Papur 7

5.1 Gwnaeth yr Aelodau nodi a chroesawu’r memorandwm cyd-ddealltwriaeth drafft diwygiedig ynghylch yr Adolygiad o Siarter y BBC.

5.2 Cytunwyd y byddai’r Cadeirydd yn ysgrifennu at Lywodraeth Cymru i roi diolch iddi am wahodd y Pwyllgor i drafod y memorandwm cyd-ddealltwriaeth ac i roi gwybod hefyd y bydd adroddiad etifeddiaeth y Pwyllgor yn cynnwys argymhelliad y dylai’r pwyllgor dilynol ystyried cynnwys cyfrifon y BBC fel rhan o’i waith blynyddol yn craffu ar gyfrifon.

PAC(4)-08-16 Papur 8 – Llythyr gan Darren Millar AC ac Archwilydd Cyffredinol Cymru (24 Tachwedd 2015)

PAC(4)-08-16 Papur 9 - Llythyr gan Archwilydd Cyffredinol Cymru ac Darren Millar AC (7 Rhagfyr 2015)

6.1 Cafodd yr Aelodau wybodaeth gan Archwilydd Cyffredinol Cymru ynghylch ei adroddiad, Sefydlu ac arolygu Cronfa Fuddsoddi Gwyddorau Bywyd Cymru, a gyhoeddwyd ar 26 Chwefror.