Agenda a Chofnodion

Lleoliad: Ystafell Bwyllgora 3 - y Senedd

Cyswllt: Fay Buckle 

Cyfryngau

Senedd.TV: Gweld y gweddarllediad

Eitemau
Nodyn Rhif Eitem

Trawsgrifiad

Gweld trawsgrifiad o’r cyfarfod (PDF 331KB) Gweld fel HTML (427KB)

(09:00)

1.

Cyflwyniadau, ymddiheuriadau a dirprwyon

Cofnodion:

1.1 Croesawodd y Cadeirydd yr Aelodau i’r cyfarfod.

1.2 Cafwyd ymddiheuriadau gan Mohammad Asghar. Dirprwyodd Andrew RT Davies ar ei ran.

1.2 Esgusododd Jocelyn Davies ei hun o dan Reol Sefydlog 18.8. Dirprwyodd Alun Ffred Jones ar ei rhan.

1.4 Mae’r datganiadau o fuddiant a wnaed yn y cyfarfod ar 12 Hydref yn berthnasol i'r cyfarfod hwn.

1.5 Yn dilyn erthygl gan y BBC ar 12 Hydref, dywedodd Archwilydd Cyffredinol Cymru fod y ffigur o £16.93m wedi’i gymryd o wybodaeth a ddarparwyd gan Lambert Smith Hampton Cyf (LSH) ac mae'n cynnwys:

·       Paragraff 9.19 o gyflwyniad ysgrifenedig LSH i'r Pwyllgor Cyfrifon Cyhoeddus (ar gael ar wefan y Pwyllgor), sy'n datgelu gwerthiant rhan o safle Trefynwy gan SWLD am £12 miliwn; a

·       Paragraff 3.129 o adroddiad yr Archwilydd Cyffredinol ar Gronfa Buddsoddi Cymru mewn Adfywio, sy'n cyfeirio at werthiant safleoedd Aberdâr, Bangor a'r Pîl (7 o 13 erw) gan SWLD am £0.43 miliwn, £2.5 miliwn a £2.0 miliwn yn y drefn honno

 

 

(09:00 - 09:05)

2.

Papurau i’w nodi

Dogfennau ategol:

Cofnodion:

2.1 Cafodd y papurau eu nodi.

 

(09:05 - 09:50)

3.

Cronfa Buddsoddi Cymru mewn Adfywio: Sesiwn Dystiolaeth 3

Papur Briffio’r Gwasanaeth Ymchwil

 

James Price – Dirprwy Ysgrifennydd Parhaol, Grŵp yr Economi, Sgiliau a Chyfoeth Naturiol, Llywodraeth Cymru

Christopher Munday – Dirprwy Gyfarwyddwr, Datrysiadau Busnes, Llywodraeth Cymru

Gareth Morgan - Dirprwy Gyfarwyddwr, Trafnidiaeth Cyhoeddus, Llywodraeth Cymru

 

Dogfennau ategol:

Cofnodion:

3.1 Bu'r Pwyllgor yn craffu ar swyddogion Llywodraeth Cymru a oedd yn arfer bod yn gyfrifol am Gronfa Buddsoddi Cymru mewn Adfywio. Buont yn holi James Price, Dirprwy Ysgrifennydd Parhaol, Grŵp yr Economi, Sgiliau a Chyfoeth Naturiol, Christopher Munday, Dirprwy Gyfarwyddwr, Business Solutions a Gareth Morgan, Dirprwy Gyfarwyddwr, Trafnidiaeth Gyhoeddus.

·       James Price oedd cyn-Gyfarwyddwr Cyffredinol a Swyddog Cyfrifyddu Ychwanegol yr Adran a grëodd Gronfa Buddsoddi Cymru mewn Adfywio.

·       Chris Munday oedd y swyddog arweiniol a oedd yn gyfrifol am sefydlu'r Gronfa, penodi aelodau'r Bwrdd a dewis yr asedau a drosglwyddwyd o Lywodraeth Cymru i’r Gronfa.  Roedd Mr Munday hefyd yn gweithredu fel sylwedydd Llywodraeth Cymru ar Fwrdd y Gronfa hyd at fis Mehefin 2011.

·       Roedd Gareth Morgan yn cynrychioli’r Adran fel y mae ar hyn o bryd, ar y mewnbwn i’r ymatebion i’r Gronfa. Mae ganddo wybodaeth am gyrff hyd braich.

3.2 Cytunodd James Prisiau i anfon rhagor o wybodaeth am:

·       Y strwythur rheoli llinell sy'n berthnasol i Christopher Munday yn ystod ei gyfnod fel sylwedydd ar Fwrdd y Gronfa a'r dull o gyflwyno adroddiadau i Lywodraeth Cymru, gan gynnwys yn dilyn cyfarfodydd Bwrdd y Gronfa;

·       Egluro pryd y newidiodd y meddylfryd polisi yn ôl i fod yn amgylchedd mwy 'normal' lle gellid gwneud penderfyniadau yn fwy rhesymol, yn hytrach na meddwl yn frys am ‘arwerthiant wedi tân';

·       Safiad Llywodraeth Cymru mewn perthynas â’r asesiad tai gan Gyngor Caerdydd;

·       Cadarnhad ynghylch a gafodd Bwrdd y Gronfa, fel yr oedd ar y pryd, olwg ar Adroddiad Prisio King Sturge, a phryd;

·       Gwirio a chynghori ynghylch pa wybodaeth a oedd wedi'i chynnwys ym mhecynnau cynefino Aelodau Bwrdd y Gronfa ac a oedd y wybodaeth hon yn amlinellu disgwyliad Llywodraeth Cymru o rôl aelodau Bwrdd y Gronfa.

3.3 Cytunodd Christopher Munday i wirio a chadarnhau a oedd i gyflwyno adroddiad i Weinidogon Cymru ar ei sylwadau ar ôl bod yng nghyfarfodydd Bwrdd y Gronfa, a phryd y dylid gwneud hynny. 

 

(09:50 - 10:50)

4.

Cronfa Buddsoddi Cymru mewn Adfywio: Sesiwn dystiolaeth 4

PAC(4)-27-15 Papur 1

Papur Briffio’r Gwasanaeth Ymchwil

 

Leo Bedford - Amber Infrastructure Ltd

Giles Frost - Amber Infrastructure Ltd

Dogfennau ategol:

Cofnodion:

4.1 Bu’r Pwyllgor yn craffu ar Giles Frost a Leo Bedford o Amber Infrastructure Cyf fel rhan o'r ymchwiliad i Gronfa Buddsoddi Cymru mewn Adfywio.

4.2 Cytunodd Giles Frost i wirio'r dyddiadau y bu Amber Infrastructure Cyf yn bresennol mewn cyfarfodydd gyda Bwrdd y Gronfa y tu allan i drefniadau cyfarfodydd arferol, pa gyfarfodydd, os o gwbl, a gynhaliodd Amber Infrastructure gyda Gweinidogion Llywodraeth Cymru, a chadarnhau'r dyddiad y cymeradwywyd y Cynllun Gwireddu Asedau.

 

(10:50)

5.

Cynnig o dan Reol Sefydlog 17.42 i benderfynu gwahardd y cyhoedd o’r cyfarfod ar gyfer y busnes canlynol:

Eitem 6

 

Cofnodion:

5.1 Oherwydd bod amser yn brin, cytunodd yr Aelodau y byddai Eitem 1 y cyfarfod ar 20 Hydref yn cael ei gynnal yn breifat.

 

(10:50 - 11:00)

6.

Cronfa Buddsoddi Cymru mewn Adfywio: Trafod y dystiolaeth a ddaeth i law

Cofnodion:

6.1 Oherwydd bod amser yn brin, ni chyrhaeddwyd yr eitem hon.