Agenda a Chofnodion

1.1 Croesawodd y Cadeirydd yr Aelodau a’r cyhoedd i’r cyfarfod.

Jane Hutt AC, y Gweinidog Cyllid ac Arweinydd y Tŷ

Richard Clarke, Pennaeth yr Uned Buddsoddi i Arbed

Jeff Andrews, Cynghorydd Arbennig

2.1 Croesawodd y Cadeirydd Jane Hutt, y Gweinidog Cyllid ac Arweinydd y Tŷ; Jeff Andrews, Cynghorydd Arbennig; a Richard Clarke, Pennaeth Buddsoddi i Arbed.

2.2 Craffodd y Pwyllgor ar waith y Gweinidog.

Camau i’w cymryd:

Cytunodd Llywodraeth Cymru i ddarparu:

·         Nodyn ar ddosbarthiad daearyddol ceisiadau Buddsoddi i Arbed;

·         Nodyn yn esbonio sut mae Llywodraeth Cymru yn sicrhau bod prosiectau yn glir o ran y meini prawf y mae angen iddynt eu dilyn wrth wneud cais am gyllid Buddsoddi i Arbed;

·         Rhagor o fanylion am aelodaeth panel cyfnod 2, gan gynnwys manylion am lefelau’r arbenigedd ar y paneli hynny, ac am y camau a gymerir i sicrhau bod y broses yn codi llai o ofn ar y rhai sy’n ymgeisio;

·         Eglurhad o sut bydd Llywodraeth Cymru yn rheoli’r gred sydd ar led bod tebygrwydd rhwng y meini prawf asesu ar gyfer y Gronfa Buddsoddi i Arbed a’r Gronfa Cydweithio Rhanbarthol;

·         Nodyn ar y gwahaniaeth rhwng y gwaith gwerthuso a wnaed gan Brifysgol Abertawe ac Arolygiaeth Gofal a Gwasanaethau Cymdeithasol Cyngor Bwrdeistref Castell-nedd a Phort Talbot mewn perthynas â’r prosiect Darbodus.

3.1 Cafodd y Pwyllgor adborth gan aelodau’r Pwyllgor sydd wedi cael cyllid Buddsoddi i Arbed.

3.2 Cytunodd y Pwyllgor i gyhoeddi adroddiadau pob ymweliad. 

FIN(4) 01-13 – Papur 1 – Goblygiadau ariannol y Bil Adennill Costau Meddygol ar gyfer Clefydau Asbestos (Cymru)

FIN(4) 01-13 – Papur 2 – Goblygiadau ariannol y Bil Trawsblannu Dynol (Cymru)

FIN(4) 01-13  – Papur 3 – Gohebiaeth gan y Gweinidog Llywodraeth Leol a Chymunedau ynghylch Buddsoddi i Arbed

FIN(4) 21-12 (Mins) – Cofnodion y cyfarfod blaenorol

4.Nododd y Pwyllgor:

·         bapur ar oblygiadau ariannol y Bil Adennill Costau Meddygol ar gyfer Clefydau Asbestos (Cymru)

·         papur ar oblygiadau ariannol y Bil Trawsblannu Dynol (Cymru)

·         cofnodion y cyfarfod blaenorol ar 5 Rhagfyr 2012.

Eitem 6 to 7.

4.1 Trafododd y Pwyllgor yr ymatebion gan Weinidogion i adroddiadau’r Pwyllgor ar Gyllideb Ddrafft Llywodraeth Cymru 2013-14.  

7.1 Trafododd y Pwyllgor y dystiolaeth a gafodd ar ei ymchwiliad i Buddsoddi i Arbed a chytunodd i ystyried adroddiad drafft mewn cyfarfod arall. 

Gweld trawsgrifiad o'r cyfarfod.