Agenda a Chofnodion

Gweld trawsgrifiad o’r cyfarfod.

1.1 Cafwyd ymddiheuriadau gan David Rees AC, Dafydd Elis-Thomas AC a Byron Davies AC. Dirprwyodd Andrew RT Davies AC ar ran Byron Davies AC ac ar gyfer eitemau 4 a 5.

Tystion:

Ruth Sinclair-Jones, Cyfarwyddwr, Asiantaeth Genedlaethol y DU, Erasmus+, British Council

Natasha Hale, Pennaeth Sectorau, MEDIA Antennae UK

2.1. Clywodd y Pwyllgor dystiolaeth gan Ruth Sinclair-Jones, Cyfarwyddwr Asiantaeth Genedlaethol y DU, Erasmus+, British Council a Natasha Hale, Pennaeth Sectorau, MEDIA Antennae UK.

2.2. Cytunodd y British Council i ddarparu gwybodaeth fanwl am berfformiad sefydliadau o Gymru yn y rhaglen ddysgu gydol oes a’r rhaglenni ieuenctid.

2.3 Cytunodd MEDIA Antennae UK i ddarparu data ar gyfranogiad Cymru yn rhaglen y cyfryngau a’r cymorth a ddarperir ganddynt (digwyddiadau ac ati.)

Tystion:

Elaina Gray, Cyfarwyddwr Datblygu Busnes, Canolfan Gelfyddydau Chapter

Gethin Scourfield, Cynhyrchydd, Fiction Factory Films

Ron Jones, Cadeirydd Gweithredol, Tinopolis

3.1. Clywodd y Pwyllgor dystiolaeth gan Elaina Gray, Cyfarwyddwr Datblygu Busnes Canolfan Gelfyddydau Chapter a Gethin Scourfield, Cynhyrchydd, Fiction Factory Films.

Tystion:

Edwina Hart AC, Gweinidog yr Economi, Gwyddoniaeth a Thrafnidiaeth, Llywodraeth Cymru

James Price, Cyfarwyddwr Cyffredinol, yr Economi, Gwyddoniaeth a Thrafnidiaeth, Llywodraeth Cymru

Tracey Burke, Cyfarwyddwr, Strategaeth, Llywodraeth Cymru

Yr Arglwydd Bourne, Cadeirydd y cyd Fyrddau Ardaloedd Menter

4.1 Clywodd y Pwyllgor dystiolaeth gan Edwina Hart AC, Gweinidog yr Economi, Gwyddoniaeth a Thrafnidiaeth Llywodraeth Cymru. Cefnogwyd y Gweinidog gan Tracey Burke, Cyfarwyddwr Strategaeth. Roedd yr Arglwydd Bourne, Cadeirydd y Byrddau Ardaloedd Menter ar y Cyd hefyd yn bresennol yn y sesiwn.

4.2 Cytunodd y Gweinidog i ddarparu:

- nodyn (a diweddariadau rheolaidd yn y dyfodol) am y cynnydd o ran darparu band eang cyflym iawn i ardaloedd menter o dan y rhaglen Cyflymu Cymru;

- nodyn am sut yr eir i’r afael â darparu band eang cyflym iawn (a’r dechnoleg band eang a ddefnyddir) mewn ardaloedd nad ydynt yn addas ar gyfer y rhaglen Cyflymu Cymru;

- y ffigurau o ran nifer y busnesau sy’n rhan o’r arolwg hydredol hirdymor, a’r gyfran o gyfanswm nifer y busnesau mewn ardaloedd menter yr oedd y ffigurau hynny’n eu cynnwys;

- nodyn ynghylch nifer y ceisiadau cymorth ardrethi busnes a gymeradwywyd fesul ardal ac, unwaith y bydd yn barod, gwybodaeth am y gyfran o’r dyraniad o’r gyllideb a ymrwymwyd, sef £20 miliwn, a wariwyd ar gymorth ardrethi busnes mewn gwirionedd, gan adlewyrchu’r niferoedd sy’n manteisio ar y cymorth hwn;

- fel rhan o’r diweddariad rheolaidd, dadansoddiad o’r ffordd y mae ardaloedd menter unigol yn perfformio o ran y swyddi a grëwyd, a gynorthwywyd ac a ddiogelwyd, a dangosyddion perfformiad allweddol perthnasol eraill (i’r graddau y gellir gwneud hynny o gofio ystyriaethau o ran  sensitifrwydd masnachol).

Tystion:

Edwina Hart AC, Gweinidog yr Economi, Gwyddoniaeth a Thrafnidiaeth, Llywodraeth Cymru

James Price, Cyfarwyddwr Cyffredinol, yr Economi, Gwyddoniaeth a Thrafnidiaeth, Llywodraeth Cymru

Jeff Collins, Rheolwr Prosiect-Cyfarwyddwr, Llywodraeth Cymru

5.1 Clywodd y Pwyllgor dystiolaeth gan Edwina Hart AC, Gweinidog yr Economi, Gwyddoniaeth a Thrafnidiaeth Llywodraeth Cymru. Cefnogwyd y Gweinidog gan James Price, Cyfarwyddwr Cyffredinol, Adran yr Economi, Gwyddoniaeth a Thrafnidiaeth, Llywodraeth Cymru a Jeff Collins, Rheolwr Prosiect, Cyfarwyddwr, Llywodraeth Cymru.

5.2 Cytunodd y Gweinidog i ddarparu:

- nodyn am y gronfa cysylltedd teithiau awyr rhanbarthol a gyhoeddwyd yn y gyllideb a sut y bydd hynny’n cyd-fynd â’r canllawiau newydd ar gymorth gwladwriaethol;

- nodyn am gymorth gwladwriaethol yng nghyd-destun y twf a ragwelir yn nifer y teithwyr sy’n defnyddio’r maes awyr;

- nodyn am ddefnydd swyddogol Llywodraeth Cymru o faes awyr Caerdydd;

- nodyn am ddefnyddio llain lanio maes awyr Caerdydd gyda’r nos - ardal fenter Sain Tathan.

Tystion:

Anne Howells, Swyddog Datblygu Ewropeaidd, Prifysgol Aberystwyth

Dr Liz Mills, Dadansoddwr Polisi Annibynnol

Dr. David Llewellyn, Ymgynghorydd annibynnol

6.1. Clywodd y Pwyllgor dystiolaeth gan Anne Howells, Swyddog Datblygu Ewropeaidd, Prifysgol Aberystwyth; Dr Liz Mills, Dadansoddwr Polisi Annibynnol a Dr David Llewellyn, Ymgynghorydd Annibynnol.

Tystion:

Jane Hutt AC, y Gweinidog Cyllid

Damien O’Brien, Prif Weithredwr, Swyddfa Cyllid Ewropeaidd Cymru

Jeff Andrews,Cynorthwydd Polisi Arbennigol

Jane McMillan, Pennaeth Rheoli Rhaglenni, Cronfa Strwythurol Ewropeaidd

7.1 Clywodd y Pwyllgor dystiolaeth gan Jane Hutt AC, y Gweinidog Cyllid. Cefnogwyd y Gweinidog gan Damien O’Brien, Prif Weithredwr Swyddfa Cyllid Ewropeaidd Cymru; Jeff Andrews, Cynghorydd Polisi Arbenigol a Jane McMillan, Pennaeth Rheoli’r Rhaglen Cronfeydd Strwythurol Ewropeaidd.

7.2 Cytunodd y Gweinidog i ddarparu:

- Gwybodaeth ychwanegol am berfformiad Banc Buddsoddi Ewrop yng Nghymru.

Tystion:

Jane Hutt AC, y Gweinidog Cyllid

Damien O’Brien, Prif Weithredwr, Swyddfa Cyllid Ewropeaidd Cymru

Jeff Andrews,Cynorthwydd Polisi Arbennigol

Rob Halford, Pennaeth Cynllunio a Strategaeth

8.1 Clywodd y Pwyllgor dystiolaeth gan Jane Hutt AC, y Gweinidog Cyllid. Cefnogwyd y Gweinidog gan Damien O’Brien, Prif Weithredwr Swyddfa Cyllid Ewropeaidd Cymru; Jeff Andrews, Cynghorydd Polisi Arbenigol a Rob Halford, Pennaeth Cynllunio a Strategaeth.

9.1 Nododd y Pwyllgor y dogfennau ategol canlynol:

EBC(4)-08-14 (papur 7) – Gwybodaeth ychwanegol gan Masnach a Buddsoddi y DU

EBC(4)-08-14 (papur 8) – Gwybodaeth ychwanegol gan Masnach a Buddsoddi y DU (Rhaglen Cymorth Datblygu Gallu, Buddsoddi Uniongyrchol Tramor)

EBC(4)-08-14 (papur 9) – Gwybodaeth ychwanegol gan Masnach a Buddsoddi y DU (Pwyntiau Data)

Cofnodion y cyfarfod blaenorol.