Agenda a Chofnodion

Gweld trawsgrifiad o’r cyfarfod (PDF 490KB) Gweld fel HTML (373KB)

1.1 Nododd yr Aelodau flaenraglen waith amlinellol y Pwyllgor ar gyfer gweddill y pedwerydd Cynulliad, gan gytuno y byddent yn dod yn ôl at yr eitem hon ar ddyddiad arall.

1.2 Cytunodd y Pwyllgor ar y canlynol:

·         ei ddull gweithredu ar gyfer gwneud darn manwl o waith dilynol ar ei ymchwiliad i berfformiad y Gwasanaethau Ambiwlans yng Nghymru;

·         neilltuo amser yn ei raglen i ystyried Bil drafft Cymru, yn enwedig yr effaith y gallai unrhyw fodel cadw pwerau ei chael ar y setliad datganoli mewn perthynas â materion iechyd a gofal cymdeithasol; a

·         gohirio ei ystyriaeth o gyllideb ddrafft Llywodraeth Cymru 2016-17 tan fis Ionawr 2016.

2.1 Cafwyd ymddiheuriadau gan Elin Jones a Darren Millar.

Dr Steven Macey, ASH Cymru

Jamie Matthews, ASH Cymru

3.1 Ymatebodd y tystion i gwestiynau gan yr Aelodau.

3.2 Cytunodd y tystion i ymchwilio ynghylch a oes gwybodaeth ar gael mewn perthynas â'r canlynol:

·         sut mae ysmygwyr yn defnyddio e-sigaréts i leihau eu defnydd o sigaréts confensiynol;

·         cymhariaeth o'r niwed posibl i iechyd o'r tocsinau a charsinogenau a ryddheir gan gynhyrchion pob dydd â'r rhai a ryddheir gan e-sigaréts; a

·         thystiolaeth o unrhyw welliannau i iechyd ysmygwyr sy'n defnyddio e-sigaréts i leihau eu defnydd o sigaréts confensiynol.

Yr Athro Linda Bauld, Ymchwil Canser y DU

Yr Athro John Britton, Canolfan y DU ar gyfer Astudiaethau Tybaco ac Alcohol ac Ymgynghorydd mewn Meddygaeth Resbiradol, Prifysgol Nottingham ac Ysbyty Dinas Nottingham

4.1 Ymatebodd y tystion i gwestiynau gan yr Aelodau.

Sesiwn dystiolaeth â’r Athro Peter Hajek, Canolfan Astudio Tybaco ac Alcohol y DU, a chydawdur yr adroddiad ‘E-cigarettes: an evidence update’ a gomisiynwyd gan Iechyd Cyhoeddus Lloegr (adroddiad Saesneg yn unig)

5.1 Ymatebodd y tyst i gwestiynau gan yr Aelodau.

5.2 Cytunodd y tyst i ddarparu i'r Pwyllgor gopi o'r astudiaeth y cyfeiriodd ati ar sut y gall perthynas pobl ifanc ag e-sigaréts effeithio ar eu perthynas â sigaréts confensiynol.

Dr Phil Banfield, Cymdeithas Feddygol Prydain (Cymru)

Dr Iain Kennedy, Cymdeithas Feddygol Prydain (Cymru)

Coleg Brenhinol y Meddygon (cynrychiolydd i'w gadarnhau)

6.1 Ymatebodd y tystion i gwestiynau gan Aelodau.

Yr Athro Alan Maryon-Davis, Cyfadran Iechyd Cyhoeddus y DU

7.1 Ymatebodd y tyst i gwestiynau gan yr Aelodau.

8.1a Nododd y Pwyllgor gofnodion y cyfarfodydd a gynhaliwyd ar 17 a 23 Medi 2015.

8.2a Nododd y Pwyllgor y wybodaeth ychwanegol gan Iechyd Cyhoeddus Cymru a Chymdeithas Feddygol Prydain. 

9.1 Derbyniwyd y cynnig.

10.1 Ystyriodd y Pwyllgor y dystiolaeth a ddaeth i law.