Agenda a Chofnodion

Ni chafwyd unrhyw ymddiheuriadau.

Cytunodd y Pwyllgor:

I aros am ymateb gan Weinidog yr Amgylchedd a Datblygu Cynaliadwy;

I ysgrifennu at Gadeirydd y Pwyllgor Amgylchedd a Chynaliadwyedd i ofyn i’r mater hwn gael ei drafod fel rhan o’r ymchwiliad i bolisi ynni a chynllunio yng Nghymru;

I ohirio’r trafodaethau ar y mater hwn nes daw’r cyfnod cais am dystiolaeth i ben ar 14 Rhagfyr 2011;

Bod y tîm clercio’n sicrhau bod unrhyw fwlch o ran y dystiolaeth ysgrifenedig a ddaeth i law hyd yma’n cael ei lenwi. Er enghraifft, hoffai’r Pwyllgor gael tystiolaeth gan awdurdodau lleol a Chymdeithas Llywodraeth Leol Cymru ar y mater hwn.

Cytunodd y Pwyllgor:

I ysgrifennu at y Gweinidog Iechyd a Gwasanaethau Cymdeithasol i ofyn am ei barn am y materion a godwyd yn y ddeiseb;

Y dylai’r tîm clercio wirio ymateb y Gweinidog i gwestiynau a ofynnwyd am y mater hwn mewn Cyfarfod Llawn yn ddiweddar;

I ysgrifennu at y Byrddau Iechyd Lleol i holi am eu cynlluniau cyllidebu ar gyfer darparu’r Gwasanaeth yn y dyfodol.

Cytunodd y Pwyllgor:

I wahodd y deisebwyr i roi tystiolaeth lafar i’r Pwyllgor;

I ysgrifennu at Weinidog yr Amgylchedd a Datblygu Cynaliadwy i ofyn am ei farn am y materion a godwyd yn y ddeiseb;

I gyhoeddi cais am dystiolaeth ar y pwnc.

Cytunodd y Pwyllgor:

Y dylid trosglwyddo’r wybodaeth ddiweddaraf a ddaeth i law gan Gymdeithas Cŵn Tywys y Deillion i’r Aelodau i’w hystyried;

Y dylid cyflwyno’r wybodaeth hon i’r Gweinidog Llywodraeth Leol a Chymunedau hefyd fel y gall y Pwyllgor drafod y materion a godwyd gyda’r Gweinidog yn y sesiwn tystiolaeth lafar nesaf. 

Cytunodd y Pwyllgor i gau’r ddeiseb hon.

O gofio bod swyddogion y Gweinidog yn cynnal trafodaethau ag Estyn ynglŷn â’r mathau o ddeunydd Cymraeg sydd eu hangen i gynorthwyo dysgwyr sydd â dyslecsia, cytunodd y Pwyllgor i gau’r ddeiseb, ar yr amod bod croeso i’r deisebydd gysylltu â’r Pwyllgor eto os na fydd y cynllun i gomisiynu deunydd yn dwyn ffrwyth.

O gofio y bydd Grŵp Datblygu a Gweithredu yn parhau â’r gwaith ar ariannu anghenion dysgu ychwanegol ôl-16, a gwaith Mencap ar hynny, cytunodd y Pwyllgor i gau’r ddeiseb.

Cytunodd y Pwyllgor i nodi eglurhad y Gweinidog o’r term ‘cysylltiad lleol’, a chau’r ddeiseb.

Cytunodd y Pwyllgor i gau’r ddeiseb a chyfeirio’r deisebwyr i’r Grŵp Gorchwyl a Gorffen ar y Rhagolygon ar gyfer Dyfodol y Cyfryngau yng Nghymru.

Cytunodd y Pwyllgor:

I drefnu ymweliad safle ar gyfer aelodau’r Pwyllgor a oedd yn dymuno hynny;

I drosglwyddo’r dystiolaeth a ddaeth i law i’r Pwyllgor Amgylchedd a Chynaliadwyedd i’w hystyried fel rhan o’i ymchwiliad i bolisi ynni a chynllunio yng Nghymru;

I ymchwilio i’r posibilrwydd o gynnal ymweliad safle ar y cyd â’r Pwyllgor Amgylchedd a Chynaliadwyedd;

I gomisiynu papur ymchwil ar y pwnc i’w ystyried yn y dyfodol.

Cytunodd y Pwyllgor i drafod y mater gyda’r Gweinidog yn y sesiwn tystiolaeth lafar nesaf ac, yn benodol, i drafod unrhyw bolisi y seiliwyd y penderfyniad i beidio â darparu goleuadau gwell arno, a materion ynghylch awdurdodau lleol yn diffodd goleuadau stryd / goleuadau ar ochr y ffordd er mwyn arbed adnoddau.

Cytunodd y Pwyllgor i gau’r ddeiseb hon.

Datganodd y Cadeirydd fuddiant gan ei fod wedi cyhoeddi Datganiad Barn ar ddarlledu cyfarfodydd awdurdod parciau cenedlaethol ac wedi cefnogi Datganiad Barn gan William Graham AC, a oedd yn cefnogi’r materion hyn yn gyffredinol.

Cytunodd y Pwyllgor:

I drafod y ddeiseb hon gyda’r Gweinidog Llywodraeth Leol a Chymunedau yn y sesiwn dystiolaeth nesaf;

I gomisiynu gwaith ymchwil ar y gost o ffilmio cyfarfodydd cynghorau, a chynnwys barn Cymdeithas Llywodraeth Leol Cymru am y mater.

Cytunodd y Pwyllgor:

I drafod y ddeiseb hon gyda’r Gweinidog Llywodraeth Leol a Chymunedau pan fydd yn rhoi tystiolaeth i’r Pwyllgor ar 10 Ionawr;

I gomisiynu gwaith ymchwil ar y gost o gyhoeddi manylion gwariant sydd dros £500 gan awdurdodau lleol, ac a ellid cyfiawnhau’r gost o gyhoeddi’r wybodaeth hon os bydd gostyngiad yn nifer y ceisiadau Rhyddid Gwybodaeth a’r costau sy’n gysylltiedig ag ateb y ceisiadau hynny.

Cytunodd y Pwyllgor:

I ysgrifennu at Gyngor Iechyd Cymuned Betsi Cadwaladr i ofyn am ei farn ynghylch y materion a godwyd yn y ddeiseb ac i ofyn a yw’n cynnal ymgynghoriad i’r materion hynny;

I ysgrifennu at Gyngor Sir y Fflint i ofyn am wybodaeth am yr amserlen ar gyfer y cynlluniau arfaethedig i ailddatblygu canol tref y Fflint;

I anfon yr ohebiaeth hon at Sandy Mewies AC a’r pedwar Aelod Cynulliad rhanbarthol.

Cytunodd y Pwyllgor:

I ysgrifennu at Bwyllgor Gwasanaethau Iechyd Arbenigol Cymru i ofyn am wybodaeth am nifer y plant sydd ag anghenion niwroadsefydlu cymhleth a oedd angen mynediad at wasanaethau Tadworth mewn blynyddoedd blaenorol er mwyn gallu deall maint y broblem yn llawn;

I drosglwyddo’r ohebiaeth a ddaeth i law gan Bwyllgor Gwasanaethau Iechyd Arbenigol Cymru i’r deisebydd roi sylwadau arni;

I ysgrifennu at Headway i ofyn am ei farn ynghylch y materion a godwyd yn y ddeiseb a’r ohebiaeth a gafwyd gan Bwyllgor Gwasanaethau Iechyd Arbenigol Cymru.

Nododd y Pwyllgor y papur.

Gweld trawsgrifiad o'r cyfarfod.