Agenda a Chofnodion

Ni chafwyd ymddiheuriadau.

Croesawodd y Cadeirydd Aelodau o Senedd yr Alban, a oedd yn gwylio’r cyfarfod o’r oriel gyhoeddus.

Trafododd y Pwyllgor y ddeiseb hon am y tro cyntaf a chytunodd i ysgrifennu at y Gweinidog Addysg a Sgiliau er mwyn cael ei farn, gan amlygu pryderon penodol y deisebwyr.

Trafododd y Pwyllgor y ddeiseb hon am y tro cyntaf a chytunodd i:

Ysgrifennu at y Gweinidog Llywodraeth Leol a Chymunedau i gael ei farn;

Ysgrifennu at Brif Weithredwr Cymdeithas Llywodraeth Leol Cymru i ofyn a yw awdurdodau lleol yn cydymffurfio â chanllawiau’r Adran Drafnidiaeth i barcio hygyrch.

Trafododd y Pwyllgor ohebiaeth gan y Prif Weinidog yn ymwneud â’r ddeiseb hon, a chytunodd i gau’r ddeiseb yn sgil yr ymateb hwn, sy’n nodi y byddai angen newid cyfansoddiadol cyn y gallai’r Pwyllgor Olympaidd Rhyngwladol ystyried sefydlu tîm ar wahân i Gymru.

Datganodd Joyce Watson fuddiant, ar sail y faith yr arferai reoli Clymblaid Genedlaethol Menywod Cymru.

Yn sgîl yr ohebiaeth a gafwyd eisoes gan y Gweinidog, a’r diffyg ymateb gan y deisebwr, cytunodd y Pwyllgor i gau’r ddeiseb.

Cytunodd y Pwyllgor i ystyried y ddwy ddeiseb a gafwyd ar y pwnc hwn gyda’i gilydd, ac i aros am ymateb y Gweinidog i’r ddeiseb ddiweddaraf.

Trafododd y Pwyllgor yr ohebiaeth sy’n ymwneud â’r ddeiseb hon.

Datganodd William Powell, y Cadeirydd, fuddiant gan ei fod yn ymwneud â’r gwaith o hyrwyddo ailenwi rhan o’r A470 yn ‘Royal Welsh Way’.

Cytunodd y Pwyllgor i geisio barn y deisebwr yn ffurfiol am yr ohebiaeth a gafwyd gan y Gweinidog.

Trafododd y Pwyllgor yr ohebiaeth a gafwyd yn ymwneud â’r mater hwn a chytunodd i:

Ysgrifennu at Gyngor Cefn Gwlad Cymru i amlygu pryderon y deisebwyr a gofyn am gyngor ar ddulliau y gallai’r deisebwyr eu mabwysiadu i ddiogelu’r ardal;

Ysgrifennu at Gyngor Sir Ynys Môn i amlygu pryderon y deisebwyr.

Cytunodd y Pwyllgor i gau’r ddeiseb.

Trafododd y Pwyllgor yr ohebiaeth ar y ddeiseb hon a chytunodd i ysgrifennu at y Pwyllgor Iechyd a Gofal Cymdeithasol i ofyn a fyddai’n ystyried y materion a godwyd gan y ddeiseb, ac i ofyn bod y deisebwyr yn cael eu cynnwys mewn unrhyw ymgynghoriad ar y Bil Gwasanaethau Cymdeithasol.

Trafododd y Pwyllgor yr ohebiaeth ar y ddeiseb hon a chytunodd i ysgrifennu at Gyngor Sir Ceredigion i ofyn am fanylion yr adolygiad a gynhelir a gaiff ei ddilysu yn allanol, ac i godi materion eraill a godwyd gan y deisebwyr.

Cytunodd y Pwyllgor i gau’r ddeiseb.

Gohiriwyd y Pwyllgor rhwng 10.03 a.m. a 10.27 a.m.

Y Gweinidog Iechyd a Gwasanaethau Cymdeithasol, Lesley Griffiths AC

Atebodd y Gweinidog gwestiynau aelodau’r Pwyllgor ar y Safonau Canser Cenedlaethol, y Cynllun Cyflawni Cenedlaethol ar gyfer Canser a phrofiad cleifion.

Trawsgrifiad o'r cyfarfod