Cyfarfodydd

Bu’r Pwyllgor yn ystyried gohebiaeth gan Ysgrifennydd y Cabinet dros yr Amgylchedd a Materion Gwledig ac, yng ngoleuni ymateb Ysgrifennydd y Cabinet ac mai ychydig yn fwy y gallai’r Pwyllgor ei wneud i symud y mater ymlaen, cytunodd i gau’r ddeiseb.

Bu’r Pwyllgor yn trafod gohebiaeth ynghylch y ddeiseb a chytunodd i ysgrifennu at Ysgrifennydd y Cabinet dros yr Amgylchedd a Materion Gwledig i:

·         ofyn am y wybodaeth ddiweddaraf am y prosiect ymchwil ar y cyd â Chymdeithas Cadwraeth y Môr a Phrifysgol Abertawe i ymchwilio i’r mater hwn a materion eraill a gomisiynwyd gan y Gweinidog Cyfoeth Naturiol ar y pryd; ac i

·         bwysleisio pwysigrwydd casglu’r wybodaeth berthnasol i ddarparu’r dystiolaeth angenrheidiol i fynd i’r afael â’r broblem.

Trafododd y Pwyllgor ohebiaeth ynghylch y ddeiseb a chytunwyd i:

• disgwyl barn y deisebydd;
• ysgrifennu at y Gweinidog Cyfoeth Naturiol yn gofyn iddo roi'r wybodaeth ddiweddaraf i'r Pwyllgor ar y gwaith a gomisiynodd gan Gadw Cymru'n Daclus ynghylch sbwriel polystyren a'i effaith ar yr amgylchedd ac ar bob math o sbwriel arfordirol yng Nghymru, er mwyn canfod meysydd blaenoriaeth ar gyfer eu gwella; a
• rhannu'r wybodaeth a gafwyd gan Gyngor Dinas Rhydychen gyda Rob Curtis, y prif ddeisebydd, a Gill Bell, Rheolwr Rhaglen Cymru ar gyfer y Gymdeithas Cadwraeth Forol.

Trafododd y Pwyllgor yr ohebiaeth ynghylch y ddeiseb a chytunwyd i ystyried y ddeiseb eto, gan gynnwys a ddylid pwyso ar y Gweinidog i roi tystiolaeth lafar, unwaith y bydd ymatebion oddi wrth ohebwyr eraill wedi dod i law.

Trafododd y Pwyllgor y sesiwn dystiolaeth a chytunodd i:

• glywed tystiolaeth lafar gan y Gweinidog Cyfoeth Naturiol 
• gofyn am sesiwn friffio ymchwil ar y costau posibl i fusnesau petaent yn newid o ddefnyddio pecynnau polystyren i ddewisiadau mwy ecogyfeillgar;
• ysgrifennu at Gyngor Sir Rhydychen yn gofyn am eu barn am y ddeiseb; a
• thynnu sylw'r Pwyllgor Amgylchedd a Chynaliadwyedd at y ddeiseb.

Atebodd y tystion a ganlyn gwestiynau gan y Pwyllgor:

·         Rob Curtis, Deisebydd a Chadeirydd Cyfeillion Traeth y Barri; a

·         Gill Bell, Rheolwr Rhaglen Cymru, y Gymdeithas Cadwraeth Forol.

Cytunodd Rob Curtis i anfon gwybodaeth i'r Pwyllgor ynghylch y gwaharddiad ar becynnau bwyd polystyren mewn Dinasoedd ar dir mawr Ewrop.

E&S(4)-02-15 Papur 3

Nododd yr Aelodau yr ohebiaeth.

Trafododd y Pwyllgor yr ohebiaeth ynghylch y ddeiseb a chytunodd:

• i gyflawni darn o waith ar y ddeiseb;
• ei fod yn fodlon â'r dull ar gyfer ymdrin â’r gwaith hwn a amlinellir mewn papur gan y Gwasanaeth Ymchwil;
• i hysbysu Pwyllgor Amgylchedd a Chynaliadwyedd y Cynulliad am y ddeiseb a'r gwaith yr oedd wedi cytuno ei wneud.

Trafododd y Pwyllgor yr ohebiaeth ynghylch y ddeiseb a chytunodd i:

·         ofyn am eglurhad gan y deisebwr ynghylch a ydynt yn dymuno parhau i ddilyn y mater, o ystyried naws gadarnhaol eu gohebiaeth ddiweddar; ac

·         yn dibynnu ar ymateb y deisebydd, cyflawni ‘darn o waith’ ar y ddeiseb. 

Trafododd y Pwyllgor y ddeiseb am y tro cyntaf a chytunodd i:

1.   ysgrifennu at y Gweinidog Cyfoeth Naturiol a Bwyd i ofyn am ei farn am y ddeiseb;

2.   cysylltu â’r Pwyllgor Amgylchedd a Chynaliadwyedd i’w hysbysu am y ddeiseb; a 

3.   rhoi rhagor o ystyriaeth i ymgymryd â gwaith ar y materion a godwyd.