Cyfarfodydd

Ystyriodd y Pwyllgor y ddeiseb ochr yn ochr â P-04-505 Uned Anhwylderau Bwyta yng Nghymru a chytunodd i gau’r ddwy ddeiseb o ystyried bod adolygiad annibynnol manwl o wasanaethau anhwylderau bwyta wedi’i gynnal a bod Llywodraeth Cymru yn craffu ar ymatebion y byrddau iechyd i argymhellion yr adolygiad, ynghyd â darparu adnoddau ychwanegol ei hun.  Cytunodd y Pwyllgor hefyd i longyfarch y deisebydd ar ei waith yn cyflawni gwelliannau o ran gwasanaethau anhwylderau bwyta yng Nghymru.

Trafododd y Pwyllgor y ddeiseb ochr yn ochr â P-04-505 Uned Anhwylderau Bwyta yng Nghymru a chytunodd i barhau i gadw golwg ar y sefyllfa nes bod Llywodraeth Cymru yn ymateb yn ffurfiol i'r adolygiad annibynnol a gynhaliwyd gan Dr Jacinta Tan.

Ystyriodd y Pwyllgor ohebiaeth ar y ddeiseb a chytunodd i gadw llygad ar y sefyllfa tra bod yr adolygiad o anhwylderau bwyta yn mynd rhagddo hyd nes tymor yr hydref 2018 a disgwyl am wybodaeth bellach am gynnydd cyn ystyried a ddylid cymryd unrhyw gamau pellach ai peidio.

Trafododd yr Aelodau ohebiaeth ynghylch y ddeiseb a chytunwyd i gysylltu eto ag Ysgrifennydd y Cabinet dros Iechyd a Gwasanaethau Cymdeithasol i ofyn am fanylion yr amserlenni y mae'n eu bwriadu ar gyfer cynnal yr adolygiad o Fframwaith Anhwylderau Bwyta Llywodraeth Cymru.

Bu’r Pwyllgor yn trafod gohebiaeth gan Ysgrifennydd y Cabinet dros Iechyd, Llesiant a Chwaraeon a chytunodd i:

• Ysgrifennu at yr Ysgrifennydd Cabinet i ofyn a oes unrhyw ystyriaeth yn cael ei rhoi i ymestyn y gwasanaethau a amlygwyd gan y deisebydd sef:

• cynyddu capasiti gwasanaeth arbenigol anhwylderau bwyta CAMHS a sefydlwyd gan ddefnyddio cyllid blaenorol Llywodraeth Cymru i hyfforddi clinigwyr ledled Cymru;

o   atgynhyrchu’r tîm arbenigol rhanbarthol ar anhwylderau bwyta (tîm SPEED) sy’n gweithredu yng Ngogledd Cymru ac mewn rhannau eraill o’r gwasanaeth iechyd yng Nghymru ar hyn o bryd; ac  

·         Ystyried cymryd rhagor o dystiolaeth mewn perthynas â’r ddeiseb maes o law yn dibynnu ar yr ymateb a geir.

Trafododd y Pwyllgor yr ohebiaeth gan Ysgrifennydd y Cabinet dros Iechyd, Llesiant a Chwaraeon a chytunodd i:

• ysgrifennu at Ysgrifennydd y Cabinet yn gofyn iddo am wybodaeth fwy manwl am:

o   sut mae Llywodraeth Cymru yn bwriadu gwella darpariaeth gwasanaethau i atal anhwylderau bwyta ymysg plant a phobl ifanc;

o   nifer y plant a phobl ifanc sy'n dioddef o anhwylderau bwyta a gallu'r gwasanaethau presennol i ymdrin â'r galw; ac

• ar ôl i ymateb yr Ysgrifennydd Cabinet ddod i law, ystyried a ddylid gwneud gwaith pellach ynglŷn â'r ddeiseb neu ofyn am ddadl yn y Cyfarfod Llawn.

Trafododd y Pwyllgor ohebiaeth ynghylch y ddeiseb a chytunodd i ysgrifennu at Ysgrifennydd y Cabinet dros Iechyd, Llesiant a Chwaraeon i rannu sylwadau a wnaed gan y deisebydd a gofyn am y wybodaeth ddiweddaraf am y ffordd y bydd cyllid ychwanegol ar gyfer gwasanaethau anhwylderau bwyta yn 2017-18 yn cael ei ddefnyddio.

Datganodd Bethan Jenkins y buddiant perthnasol a ganlyn o dan Reol Sefydlog 17.24A:

Hi yw Cadeirydd y Grŵp Trawsbleidiol ar Anhwylderau Bwyta.

Trafododd y Pwyllgor ohebiaeth ynghylch y ddeiseb a chytunodd i gasglu hanes ystyriaeth y Pwyllgor o’r mater a chyflwyno adroddiad i’r Cynulliad cyn cau’r ddeiseb.

Trafododd y Pwyllgor yr ohebiaeth ynghylch y ddeiseb a chytunwyd i:

·         ofyn i'r tîm clercio ystyried unrhyw waith a wnaed yn ddiweddar gan y Grŵp Trawsbleidiol ar Anhwylderau Bwyta; ac

·         ailystyried y ddeiseb yng nghyfarfod nesaf y Pwyllgor ar 6 Hydref.

Trafododd y Pwyllgor yr ohebiaeth ynghylch y ddeiseb a chytunodd i:

• barhau i gadw golwg ar y ddeiseb a gofyn i'r Gweinidog ymateb i sylwadau diweddar y deisebydd; a
• gofyn i'r Gweinidog am ragor o fanylion ynghylch sut bydd y £7 miliwn o gyllid ychwanegol a gyhoeddwyd yn ddiweddar ar gyfer CAMHS yn cefnogi gwasanaethau i blant a phobl ifanc sy'n dioddef o anhwylderau bwyta. 

Trafododd y Pwyllgor yr ohebiaeth ynghylch y ddeiseb a chytunodd i:

·         Ofyn i’r Gweinidog Iechyd a Gwasanaethau Cymdeithasol am ei sylwadau ar ohebiaeth Ms Missen;

·         Cadw golwg ar y mater a gofyn i’r Gweinidog am gael gwybod am ddatblygiadau: a

·         Rhoi gwybod i’r deisebydd am yr adolygiad o’r Gwasanaethau Iechyd Meddwl Plant a’r Glasoed sydd i gael ei lansio ddydd Iau 26 Chwefror, i roi cyfle iddo gyflwyno barn pe bai am wneud hynny.

Trafododd y Pwyllgor yr ohebiaeth ynghylch y ddeiseb a chytunodd i ofyn am sylwadau pellach gan y deisebydd.

CYPE(4)-21-14 – Papur 6 i'w nodi

Trafododd y Pwyllgor yr ohebiaeth ynghylch y ddeiseb a chytunodd i:

·         drafod deisebau P-04-408 a P-04-505 ar wahân yn y dyfodol; ac

·         thynnu sylw'r deisebydd at Ymchwiliad y Pwyllgor Plant, Pobl Ifanc ac Addysg i Wasanaethau Iechyd Meddwl Plant a'r Glasoed; a

·         anfon manylion am y ddeiseb at Gadeirydd y Pwyllgor Plant, Pobl Ifanc ac Addysg.

Trafododd y Pwyllgor yr ohebiaeth ynghylch y ddeiseb a chytunodd i ysgrifennu at y Gweinidog Iechyd a Gwasanaethau Cymdeithasol i ofyn am ei farn am y pwyntiau pellach a godwyd gan y deisebydd.

Ystyriodd y Pwyllgor yr ohebiaeth ynghylch y ddeiseb a chytunodd i:

·                     ofyn i'r deisebwyr a ydynt yn fodlon ag

ymateb y Gweinidog;

·                     ysgrifennu at y Gweinidog yn gofyn iddo adolygu'r sefyllfa ar ôl 12 mis ac am ddadl Cyfarfod Llawn ar y mater yn sgîl unrhyw adolygiad; a

·                     gofyn i'r Gwasanaeth Ymchwil lunio papur ynghylch y sefyllfa unwaith y bydd y Gweinidog wedi cynnal adolygiad, gyda’r bwriad o lunio adroddiad Pwyllgor byr efallai i helpu i lywio unrhyw ddadl yn y Cyfarfod Llawn.

Helen Missen, Deisebydd

Susannah Humphrey, Rheolwr Prosiect B-eat Cymru

Dr Robin Glaze, Clinigydd Arweiniol ar gyfer gwasanaethau phobl ifanc yng Ngogledd Cymru

Atebodd Helen Missen, Susannah Humphrey a Dr Robin Glaze gwestiynau gan aelodau'r Pwyllgor.

Mark Drakeford AC, y Gweinidog Iechyd a Gwasanaethau Cymdeithasol

Jo Jordan, Cyfarwyddwr Partneriaethau a Gwasanaethau Corfforaethol

Dr Sarah Watkins, Pennaeth Iechyd Meddwl, Troseddwyr a Grwpiau sy’n Agored i Niwed

Atebodd Mark Drakeford AC gwestiynau'r pwyllgor, gyda chefnogaeth Jo Jordan a Dr Sarah Watkins. 

Ystyriodd y Pwyllgor yr ohebiaeth ynghylch y ddeiseb a chytunodd i:

·         glywed tystiolaeth lafar ynghylch y ddeiseb gan y deisebwyr a'r Gweinidog Iechyd a Gwasanaethau Cymdeithasol; ac

·         ysgrifennu at y Gweinidog Iechyd a Gwasanaethau Cymdeithasol cyn iddo roi tystiolaeth yn amlygu'r pryderon sydd gan y deisebwr o hyd am y cyllid a'r gwasanaethau annigonol i bobl ag anhwylderau bwyta.

Ystyriodd y Pwyllgor ohebiaeth ar y ddeiseb a chytunodd i ysgrifennu at:

·         y Gweinidog Iechyd a Gwasanaethau Cymdeithasol yn amlygu pryderon BEAT Cymru a’r deisebydd;

·         Cadeirydd y Grŵp Trawsbleidiol ar Anhwylderau Bwyta i ofyn am ei barn ar y ddeiseb; ac

·         yn ddibynnol ar gapasiti, clywed tystiolaeth lafar, o bosibl.

Ystyriodd y Pwyllgor yr ohebiaeth ar y ddeiseb a chytunodd i ysgrifennu at BEAT i ofyn ei farn ar yr ymateb gweinidogol ac i holi a yw o’r farn bod gwasanaethau cymorth ar gyfer plant a phobl ifanc sydd ag anhwylder bwyta yn ddigonol yng Nghymru.

Ystyriodd y Pwyllgor y ddeiseb hon am y tro cyntaf a chytunodd i:

Ysgrifennu at y Gweinidog Iechyd a Gwasanaethau Cymdeithasol i ofyn am ei barn ar y ddeiseb;

Cyfeirio’r ddeiseb at y Grŵp Trawsbleidiol ar Anhwylderau Bwyta.

Nodwyd hefyd y bydd adolygiad o’r fframwaith anhwylderau bwyd ymysg oedolion.