Cyfarfodydd

Trafododd y Pwyllgor Busnes y cais i Aelodau’r Pwyllgor gael eu hesgusodi o'r Cyfarfod Llawn ar 26 Ebrill 2023, a chytunwyd arno.

Cytunodd y Pwyllgor Busnes i gais gan Fforwm y Cadeiryddion i newid y slot cyfarfod a ddyrannwyd iddo, o ddydd Iau olaf pob hanner tymor i'r bore Llun olaf sydd ar gael ym mhob hanner tymor (pan nad oes gwrthdaro gyda slot naill ai'r Pwyllgor Cydraddoldeb a Chyfiawnder Cymdeithasol neu Gomisiwn y Senedd).

Trafododd y Pwyllgor Busnes gais gan y Pwyllgor Deisebau am ddadl ar ddeiseb P-06-1302 - Rhaid gwarchod mynyddoedd unigryw Cambria yng Nghanolbarth Cymru drwy eu dynodi yn Ardal o Harddwch Naturiol Eithriadol a gafodd 20,889 o lofnodion, a chytunodd i drefnu dadl 30 munud o hyd ddydd Mercher 30 Tachwedd.  

Cytunodd y Pwyllgor Busnes i gais y Pwyllgor Deisebau am ddadl ar ddeiseb P-06-1277 Achub yr Adran Damweiniau ac Achosion Brys. Rhaid i Ysbyty Cyffredinol Llwynhelyg gadw gofal brys 24 awr, 7 diwrnod yr wythnos, dan arweiniad meddyg ymgynghorol, i'w hamserlennu ar 29 Mehefin.

Cytunodd y Pwyllgor Busnes ar y cais i ganiatáu i Aelodau’r Pwyllgor gael eu hesgusodi o’r Cyfarfod Llawn ddydd Mercher 15 Mehefin er mwyn teithio i’r Alban ar gyfer cyfarfod cyntaf Fforwm y Pwyllgor Cyllid Rhyngseneddol.

Cytunodd y Pwyllgor Busnes i drafod ymhellach, mewn cyfarfod yn y dyfodol, ei rôl mewn perthynas ag ystyried ceisiadau i Aelodau fod yn absennol o’r Cyfarfod Llawn oherwydd busnes pwyllgor.

Cytunodd y Pwyllgor Busnes ar gais y Pwyllgor Deisebau am ddadl ynghylch deiseb P-06-1249 Darparu llwybr clinigol, gofal meddygol, ac arbenigwyr ar gyfer pobl â syndrom Tourette yng Nghymru, i’w threfnu ar gyfer 25 Mai. 

Cytunodd y Pwyllgor Busnes i gais Aelodau’r Pwyllgor Diben Arbennig ar Ddiwygio'r Senedd i gael eu hesgusodi o'r Cyfarfod Llawn o 15:30 ar 27 Ebrill.

Nododd y Pwyllgor Busnes y llythyr.

Cytunodd y Pwyllgor Busnes i drefnu dadl ar ddeiseb P-05-949 Achub Ysgol Ganolradd i Ferched y Bont-faen dydd Mercher 16 Chwefror 2022.

Cytunodd y Pwyllgor Busnes i gyfeirio'r Memorandwm Cyd-ddealltwriaeth at y Pwyllgor Newid Hinsawdd, Amgylchedd a Seilwaith a'r Pwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol i'w ystyried a rhoi sylwadau arno.  Gofynnwyd i swyddogion gysylltu â Llywodraeth Cymru am yr amserlen ar gyfer y gwaith hwn.

Cytunodd y Pwyllgor Busnes i roi caniatâd i Aelodau'r Pwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol adael y Cyfarfod Llawn yn gynnar ddydd Mercher 9 Chwefror 2022.

Gofynnodd y Rheolwyr Busnes am ragor o wybodaeth am statws presennol penderfyniadau sy'n ymwneud â dyfodol yr adeilad cyn iddynt wneud penderfyniad ynghylch a ddylid cytuno i drefnu dadl.

Cytunodd y Pwyllgor Busnes i drefnu dadl ar y cyd rhwng y Pwyllgor Cyfrifon Cyhoeddus a Gweinyddiaeth Gyhoeddus a'r Pwyllgor Cydraddoldeb a Chyfiawnder Cymdeithasol ar graffu ar weithredu cenedlaethol Deddf Llesiant Cenedlaethau'r Dyfodol (2015).

Tynnodd y Trefnydd sylw at y ffaith bod datganiad y llywodraeth y cyfeirir ato yn y llythyr yn ychwanegol at, ac nid yn lle, ymateb i'r adroddiad ar y testun hwn a gyhoeddwyd gan y Pwyllgor Cyfrifon Cyhoeddus ar ddiwedd y Bumed Senedd.

Dros dro, cytunodd y Pwyllgor Busnes ar y cais i'r Pwyllgor gwrdd ar 21 Hydref, yn amodol ar gadarnhad o ran aelodaeth y Pwyllgor Craffu ar Waith y Prif Weinidog.

Dros dro, cytunodd y Pwyllgor Busnes ar y ceisiadau a ganlyn gan y pwyllgor am slotiau cyfarfod ychwanegol:

·         Dydd Mercher 20 Hydref 2021;

·         Dydd Iau 18 Tachwedd 2021; a

·         Dydd Mercher 15 Rhagfyr 2021.

Cytunodd y Pwyllgor Busnes hefyd y dylai pwyllgorau anelu at wneud ceisiadau bob tymor am slotiau cyfarfodydd ychwanegol, lle bo hynny'n bosibl.

Cytunodd y Pwyllgor Busnes i amserlennu dadl ar ddeiseb ‘P-06-1208: Deddfau newydd i amddiffyn gwiwerod coch prin rhag colli cynefinoedd sy'n achosi dirywiad yn eu poblogaeth’.

Cytunodd y Pwyllgor Busnes i drefnu’r ddadl ar y ddeiseb.

Cytunodd y Pwyllgor Busnes ar ei ymateb i’r Pwyllgor Cyfrifon Cyhoeddus a Gweinyddiaeth Gyhoeddus i nodi ei ddull o fynd i’r afael â’r argymhellion a wnaed gan Bwyllgor Cyfrifon Cyhoeddus y Bumed Senedd. 

Trafododd y Pwyllgor Busnes geisiadau o ran amserlen gan nifer o bwyllgorau ac effaith yr Agoriad Swyddogol ar fusnes y Senedd. Nododd y llythyrau gan y Pwyllgor Iechyd a Gofal Cymdeithasol a’r Pwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol, a chytunodd ar y camau gweithredu canlynol:

·         Pwyllgor Cyllid – cyfarfodydd ychwanegol fore dydd Gwener 8 Hydref, bore dydd Llun 18 Hydref, bore dydd Gwener 19 Tachwedd a bore dydd Mercher 22 Rhagfyr;

·         Pwyllgor Plant, Pobl Ifanc, ac Addysg - cyfarfodydd ychwanegol fore dydd Llun 18 Hydref a naill ai bore dydd Llun 13 Rhagfyr neu ddydd Gwener 17 Rhagfyr (bore a/neu brynhawn);

·         Pwyllgor y Llywydd – cyfarfod ychwanegol fore dydd Llun 11 Hydref;

·         Pwyllgor Cydraddoldeb a Chyfiawnder Cymdeithasol – cyfarfod ychwanegol fore dydd Mercher 20 Hydref;

·         Pwyllgor Newid Hinsawdd, yr Amgylchedd a Seilwaith – slot cyfarfod amgen fore dydd Mercher 20 Hydref;

·         Pwyllgor yr Economi, Masnach a Materion Gwledig – slot cyfarfod amgen brynhawn dydd Llun 18 Hydref neu ddydd Gwener 22 Hydref (bore a/neu brynhawn);

·         Pwyllgor Safonau – hyblygrwydd i gwrdd fore dydd Mawrth os oes angen gwneud hynny er mwyn ystyried cwyn; a

·         Pwyllgor Deisebau - gofyn am symud yn barhaol o slot fore Llun i slot brynhawn Llun.

Nododd y Pwyllgor Busnes y llythyr a chytunodd i barhau â'r trefniadau blaenorol mewn perthynas â deisebau a drafodir yn y Cyfarfod Llawn.

Nododd y Pwyllgor Busnes y bydd Nodiadau Cyngor Cyfreithiol yn cael eu paratoi er mwyn helpu i lywio dadleuon ar 26 Mai ar gynigion i gymeradwyo offerynnau statudol gwneud cadarnhaol a chytunwyd mewn egwyddor i sefydlu pwyllgor interim ar gyfer craffu ar offerynnau statudol o dan Reol Sefydlog 21.

Cytunodd y Pwyllgor Busnes i sefydlu Pwyllgor Offerynnau Statudol interim gyda phedwar aelod (gan gynnwys y Cadeirydd), gydag un aelod o'r Grŵp Llafur, un o grŵp y Ceidwadwyr ac un o grŵp Plaid Cymru, yn ogystal â'r Dirprwy Lywydd fel Cadeirydd. Cytunodd y Pwyllgor Busnes i gyflwyno'r cynigion perthnasol i'w hystyried yn y Cyfarfod Llawn ar 26 Mai.