Cyfarfodydd

Mae'r Comisiynydd Plant wedi mynegi ei boddhad â statws statudol y canllawiau gwrth-fwlio newydd, sy'n cynnwys gofynion i ysgolion ddatblygu polisïau cadarn, a chofnodi a monitro. At hynny, mae hi wedi nodi y bydd ei swyddfa yn parhau i fonitro. Ar y sail honno, cytunodd y Pwyllgor nad oes fawr ddim pellach y gallai'r Pwyllgor ei gyflawni ar hyn o bryd. O ganlyniad, cytunodd y Pwyllgor i gau’r ddeiseb a diolch i’r deisebwyr am godi’r mater hwn.

·         Kirsty Williams AC, Gweinidog dros Addysg

·         Claire Bennett, Dirprwy Gyfarwyddwr Cwricwlwm, Llywodraeth Cymru

·         Megan Colley, Pennaeth Cefnogi Cyflawniad a Diogelu, Llywodraeth Cymru

Clywodd y Pwyllgor dystiolaeth gan y Gweinidog Addysg a chytunodd i dderbyn ei chynnig i roi’r wybodaeth ddiweddaraf am y gwaith i weithredu Hawliau, Parch, Cydraddoldeb, sef y canllawiau gwrth-fwlio newydd, yn dilyn ymarfer monitro yn y gwanwyn.

Cytunodd y Pwyllgor hefyd i ofyn am sylwadau bellach gan Gomisiynydd Plant Cymru a'r deisebydd ar ôl cyhoeddi’r canllawiau.

Trafododd y Pwyllgor ohebiaeth ychwanegol ac, o ystyried cryfder y dystiolaeth a oedd wedi dod i law mewn perthynas â gwella’r modd roedd ysgolion yn ymateb i achosion o fwlio, cytunodd i ofyn i’r Gweinidog Addysg ymddangos gerbron sesiwn dystiolaeth ar y mater hwn mewn cyfarfod yn y dyfodol.

Trafododd y Pwyllgor ohebiaeth bellach gan Lywodraeth Cymru a’r deisebydd a chytunodd i:

·         aros am gyhoeddiad canllawiau a phecyn gwrth-fwlio diwygiedig yn hwyrach yn y flwyddyn a’i rannu â’r deisebydd ar gyfer sylwadau;

·         gofyn am farn Comisiynydd Plant Cymru, elusennau a chynrychiolwyr ysgolion ynghylch digonolrwydd y polisi a’r rheoleiddio presennol mewn perthynas â bwlio mewn ysgolion, ac

·         archwilio ymhellach i sut y gall y Pwyllgor ymgysylltu â Senedd Ieuenctid Cymru ynglŷn â’r mater hwn.

Trafododd y Pwyllgor yr ohebiaeth bellach a chytunodd i:

• ysgrifennu yn ôl at y Gweinidog Addysg i ofyn am ymateb i gynnig penodol y deisebydd ar gyfer fframwaith gwrth-fwlio ar gyfer Cymru gyfan, a fyddai'n cynnwys gofynion cyfreithiol cryfach ar gyfer ysgolion, ac yn ymwneud â chofnodi achosion o fwlio yn benodol; ac
• ysgrifennu at Senedd Ieuenctid Cymru i'w gwneud yn ymwybodol o'r ddeiseb gyfredol a gofyn am farn yr Aelodau am fwlio mewn ysgolion.

Trafododd y Pwyllgor y ddeiseb am y tro cyntaf a chytunodd i ysgrifennu at y Gweinidog Addysg i:

·         ddarparu'r sylwadau pellach a gafwyd gan y deisebydd;

·         gofyn iddi ddarparu asesiad o ddigonolrwydd dyletswyddau cyfreithiol cyfredol mewn perthynas ag atal a mynd i'r afael â bwlio mewn ysgolion; a

·         gofyn am linell amser ar gyfer pryd y bydd adroddiad ar ganlyniad yr ymgynghoriad cyhoeddus ar ganllawiau gwrth-fwlio ar gael.