Cyfarfodydd

Trafododd y Pwyllgor y papur a:

• chytunodd y bydd y Swyddfa Gyflwyno yn agor ar ôl Cyfarfod Llawn cyntaf y Seithfed Senedd ar gyfer derbyn dogfennau a osodwyd, cwestiynau ysgrifenedig, busnes brys, cynigion, gwelliannau, datganiadau barn, a gosod dogfennau;

• nododd y caiff Cwestiynau Ysgrifenedig a gyflwynir o hynny ymlaen eu cyhoeddi yn y ffordd arferol, a'r dyddiad olaf ar gyfer ateb cwestiynau ysgrifenedig fydd pum niwrnod gwaith ar ôl iddynt gael eu cyflwyno; a
• nododd y caiff Cwestiynau Ysgrifenedig a gyflwynir i Lywodraeth Cymru eu cyflwyno i’w hateb gan y Prif Weinidog, a fydd yn penderfynu pwy ddylai eu hateb, hyd nes y caiff Gweinidogion eraill eu penodi.

Ystyriodd y Pwyllgor Busnes gyngor gan y Swyddfa Gyflwyno a chytunodd:

• mai'r terfyn amser ar gyfer derbyn Cwestiynau Ysgrifenedig fydd 4pm ddydd Gwener 20 Mawrth;
• mai'r terfyn amser ar gyfer derbyn eitemau eraill o fusnes a gyflwynir, ac eithrio busnes brys yn ymwneud ag unrhyw gyfarfodydd adalw a gynhelir yn ystod toriad y Pasg, fydd 4pm ddydd Gwener 27 Mawrth;
• y bydd y Swyddfa Gyflwyno ar agor rhwng 10am a 3pm yn ystod y toriad, ac eithrio dydd Mawrth 7 Ebrill pan fydd ar agor tan 6pm;
• nad oes modd derbyn dim dogfennau i'w gosod os ydynt yn dod i law ar ôl 6pm ddydd Mawrth 7 Ebrill;
• nad oes modd gwneud unrhyw newidiadau i'r Gofrestr Buddiannau ar ôl 6pm ddydd Mawrth 7 Ebrill; ac
• mai'r dyddiad olaf ar gyfer cyflwyno dogfennau sy'n ymwneud â gweithgareddau Grwpiau Trawsbleidiol yw 6pm ddydd Mawrth 7 Ebrill ac y bydd yr holl Grwpiau Trawsbleidiol yn cael eu dadgofrestru'n awtomatig unwaith y bydd y diddymiad yn dechrau am hanner nos ddydd Mercher 8 Ebrill.

Cadarnhaodd y Pwyllgor Busnes y trefniadau arfaethedig ar gyfer:  

·       gosod dogfennau yn ystod cyfnod y Nadolig;

·       cyflwyno busnes y Cyfarfod Llawn yn ystod wythnos gyntaf y tymor a gwelliannau i Filiau; a

·       cyflwyno Cwestiynau Ysgrifenedig yn ystod toriad y Nadolig.

Cadarnhaodd y Pwyllgor Busnes y trefniadau ar gyfer cyflwyno busnes y Cyfarfod Llawn yn ystod toriad yr haf a chytunodd ar y trefniadau ar gyfer cyflwyno Cwestiynau Ysgrifenedig. 

Cytunodd y Pwyllgor Busnes ar y trefniadau ar gyfer cyflwyno busnes y Cyfarfod Llawn, cwestiynau ysgrifenedig a gwelliannau i Filiau yn ystod toriad y Pasg, a newidiadau i derfynau amser o ganlyniad i wyliau banc mis Mai.

Unrhyw fater arall

Fformat cyfarfodydd yn y dyfodol

Trafododd Rheolwyr Busnes fformat cyfarfodydd y Pwyllgor Busnes yn y dyfodol a chytunodd y bydd cyfarfodydd yn cael eu cynnal yn y cnawd o'r wythnos nesaf, gydag opsiwn hybrid ar gael.

Cyfeiriodd y Llywydd at y nifer uchel o faterion gweithdrefnol sydd i'w hystyried gan y Pwyllgor dros y 12 mis sy’n weddill o'r Senedd hon, a nododd y gallai fod angen i'r Pwyllgor Busnes ystyried defnyddio slot cyfarfod amgen yn rheolaidd ar gyfer gwaith gweithdrefnol.

Darllenfa Siambr Hywel

Trafododd y Pwyllgor Busnes y defnydd posibl ar gyfer ail ddarllenfa yn Siambr Hywel a nododd y byddai'r Llywydd yn gwneud penderfyniad ynghylch a ddylid bwrw ymlaen ar ôl ystyried yr opsiynau a'r gost o ddarparu un.

Cadarnhaodd y Pwyllgor Busnes y trefniadau arfaethedig ar gyfer

• gosod dogfennau yn ystod cyfnod y Nadolig;
• cyflwyno busnes y Cyfarfod Llawn yn ystod wythnos gyntaf y tymor; a
• chyflwyno Cwestiynau Ysgrifenedig yn ystod toriad y Nadolig. 

Cadarnhaodd y Pwyllgor Busnes y trefniadau ar gyfer cyflwyno busnes y Cyfarfod Llawn yn ystod toriad yr haf a chytunodd hefyd ar y trefniadau arferol ar gyfer cyflwyno Cwestiynau Ysgrifenedig.

Cytunodd y Pwyllgor Busnes ar y trefniadau ar gyfer cyflwyno busnes y Cyfarfod Llawn, cwestiynau ysgrifenedig a gwelliannau i Filiau yn ystod toriad y Pasg a gwyliau banc priodol. At hynny, nododd y Pwyllgor fod y Gweinidogion y cyfeiriwyd atynt fel rhai a oedd yn ateb Cwestiynau Llafar ar ôl toriad y Pasg yn destun newid yn sgil penodi Llywodraeth newydd.

Cytunodd y Pwyllgor Busnes ar y trefniadau ar gyfer cyflwyno busnes y Cyfarfod Llawn, Cwestiynau Ysgrifenedig a gwelliannau i'r Bil Seilwaith (Cymru), pe bai'r egwyddorion cyffredinol yn cael eu cytuno, yn ystod toriad y Nadolig.  

Cytunodd y Pwyllgor Busnes ar y trefniadau ar gyfer cyflwyno busnes y Cyfarfod Llawn a’r trefniadau ar gyfer cyflwyno Cwestiynau Ysgrifenedig yn ystod toriad yr haf. 

Cytunodd y Pwyllgor Busnes ar y trefniadau ar gyfer cyflwyno busnes y Cyfarfod Llawn a’r trefniadau ar gyfer cyflwyno Cwestiynau Ysgrifenedig yn ystod toriad yr haf .

Toriad y Nadolig 2021: Trefniadau cyflwyno a gosod

Cytunodd y Pwyllgor Busnes ar y canlynol:

• cadarnhau’r trefniadau ar gyfer gosod dogfennau yn ystod cyfnod y Nadolig, gan gynnwys cytuno ar y cynnig i glerc ar ddyletswydd fod ar alwad i gyhoeddi unrhyw reoliadau a osodir ar ddiwrnodau gwaith rhwng y Nadolig a'r Flwyddyn Newydd.
• cadarnhau'r trefniadau ar gyfer cyflwyno busnes y Cyfarfod Llawn yn ystod wythnos gyntaf y tymor; a’r
• trefniadau ar gyfer cyflwyno Cwestiynau Ysgrifenedig.

Cadarnhaodd y Pwyllgor Busnes y trefniadau ar gyfer cyflwyno busnes y Cyfarfod Llawn yn ystod toriad yr haf a chytunodd ar y trefniadau arferol ar gyfer cyflwyno Cwestiynau Ysgrifenedig.

Nododd y Pwyllgor Busnes y newidiadau canlynol i derfynau amser cyflwyno, oherwydd Diwrnod Gŵyl Banc y Sulgwyn a Diwrnod Braint ar 31 Mai a 1 Mehefin:

·         Cynigion i'w trafod ddydd Mawrth 8 Mehefin i'w cyflwyno erbyn 4.00pm ddydd Gwener 28 Mai; a

·         Cynhelir balotau ar gyfer cwestiynau llafar sydd i'w hateb ar 8 a 9 Mehefin am 9:30am ddydd Gwener 28 Mai.