Manylion y penderfyniad

Dechreuodd yr eitem am 16:02.

NDM4966 Jane Hutt (Bro Morgannwg)

Cynnig bod Cynulliad Cenedlaethol Cymru:

1. yn nodi ymrwymiad Llywodraeth Cymru i:

a) ddatblygu’i gweledigaeth uchelgeisiol ar gyfer bwyd yng Nghymru;
b) adolygu ac adnewyddu’r strategaeth fwyd bresennol;

c) cefnogi’r diwydiant cynhyrchu bwyd drwy ddatblygu, hyrwyddo a marchnata bwyd o Gymru, a chryfhau cysylltiadau’r gadwyn gyflenwi.

Mae Strategaeth Fwyd Llywodraeth Cymru – Bwyd i Gymru, Bwyd o Gymru 2010:2020 ar gael drwy’r ddolen ganlynol:

http://wales.gov.uk/topics/environmentcountryside/foodandfisheries/foodandmarketdevelopmentpubs/foodstratdoc/?skip=1&lang=cy

 

Gohiriwyd y bleidlais ar y cynnig a’r gwelliannau o dan yr eitem hon tan y cyfnod pleidleisio.

Cyflwynwyd y gwelliannau a ganlyn:

Gwelliant 1 -  William Graham (Dwyrain De Cymru)

Yn is-bwynt 1a), dileu’r gair “uchelgeisiol”.

Cynhaliwyd pleidlais ar welliant 1:

O blaid	Ymatal	Yn erbyn	Cyfanswm
18	0	36*	54

Gwrthodwyd gwelliant 1.

*Cafodd canlyniadau’r bleidlais hon eu cywiro ar 14 Mai 2012 i adlewyrchu Cofnod y Trafodion.

Gwelliant 2 -  William Graham (Dwyrain De Cymru)

Ychwanegu pwynt newydd ar ddiwedd y cynnig:

Yn galw ar Lywodraeth Cymru i gefnogi gweithrediad llawn Pecyn Llaeth yr UE oni ellir dod i gytundeb gwirfoddol ar god ymarfer ar gyfer contractau llaeth rhwng y partïon perthnasol yn y gadwyn gyflenwi llaeth.

 

 

Cynhaliwyd pleidlais ar welliant 2:

O blaid	Ymatal	Yn erbyn	Cyfanswm
18	0	35	53

Gwrthodwyd gwelliant 2.

Ni chofrestrwyd pleidlais Ann Jones ar welliant 2 oherwydd nam technegol.

Gwelliant 3 - Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn dathlu bod gan gynnyrch o Gymru enw da o’r radd flaenaf ac yn annog siopwyr i werthu rhagor o fwyd o Gymru.

Cynhaliwyd pleidlais ar welliant 3:

O blaid	Ymatal	Yn erbyn	Cyfanswm
53	0	0	53

Derbyniwyd gwelliant 3.

Gwelliant 4 - Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn croesawu’r cyfraniad pwysig cynyddol a wneir gan fwyd o Gymru i’r sector twristiaeth gynaliadwy, yn enwedig drwy feithrin ‘naws am le’.

Cynhaliwyd pleidlais ar welliant 4:

O blaid	Ymatal	Yn erbyn	Cyfanswm
54	0	0	54

Derbyniwyd gwelliant 4.

Gwelliant 5 - Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn nodi pwysigrwydd bwyd yn eu tymor ac yn galw ar Lywodraeth Cymru i annog defnyddwyr i brynu rhagor o gynnyrch yn eu tymor er mwyn hybu bwyd o Gymru a gwella cynaliadwyedd.

Cynhaliwyd pleidlais ar welliant 5:

O blaid	Ymatal	Yn erbyn	Cyfanswm
54	0	0	54

Derbyniwyd gwelliant 5.

Gwelliant 6 - Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn gresynu wrth benderfyniad Llywodraeth Cymru i israddio’r portffolio Materion Gwledig a'r effaith negyddol y gallai hyn ei chael ar ei gallu i gyflawni’r strategaeth fwyd.

 

Cynhaliwyd pleidlais ar welliant 6:

O blaid	Ymatal	Yn erbyn	Cyfanswm
27	0	28	55

Fel sy’n ofynnol o dan Reol Sefydlog 6.20, defnyddiodd y Dirprwy Lywydd ei bleidlais fwrw drwy bleidleisio yn erbyn y gwelliant. Felly, gwrthodwyd gwelliant 6.

Cynhaliwyd pleidlais ar y cynnig wedi’i ddiwygio:

NDM4966 Jane Hutt (Bro Morgannwg)

Cynnig bod Cynulliad Cenedlaethol Cymru:

1. yn nodi ymrwymiad Llywodraeth Cymru i:

a) ddatblygu’i gweledigaeth uchelgeisiol ar gyfer bwyd yng Nghymru;

b) adolygu ac adnewyddu’r strategaeth fwyd bresennol;

 

c) cefnogi’r diwydiant cynhyrchu bwyd drwy ddatblygu, hyrwyddo a marchnata bwyd o Gymru, a chryfhau cysylltiadau’r gadwyn gyflenwi;

d) yn dathlu bod gan gynnyrch o Gymru enw da o’r radd flaenaf ac yn annog siopwyr i werthu rhagor o fwyd o Gymru;

e) yn croesawu’r cyfraniad pwysig cynyddol a wneir gan fwyd o Gymru i’r sector twristiaeth gynaliadwy, yn enwedig drwy feithrin ‘naws am le’;

f) yn nodi pwysigrwydd bwyd yn eu tymor ac yn galw ar Lywodraeth Cymru i annog defnyddwyr i brynu rhagor o gynnyrch yn eu tymor er mwyn hybu bwyd o Gymru a gwella cynaliadwyedd.

 

O blaid	Ymatal	Yn erbyn	Cyfanswm
41	0	13	54

Derbyniwyd y cynnig wedi’i ddiwygio.