Manylion y penderfyniad

Cyflwynwyd y gwelliannau a ganlyn:

Gwelliant 1 - Jocelyn Davies (Dwyrain De Cymru)

Ychwanegu pwynt newydd ar ddiwedd y cynnig:

Yn annog Llywodraeth Cymru i flaenoriaethu camau i warchod pobl hŷn sydd mewn perygl o niwed neu sy’n methu ag ymdopi; ac i ddiogelu eu hurddas.

Derbyniwyd y gwelliant yn unol â Rheol Sefydlog 12.36.

Gwelliant 2 - William Graham (Dwyrain De Cymru)

Ychwanegu pwynt newydd ar ddiwedd y cynnig:

Yn galw ar Lywodraeth Cymru i ymateb i’r heriau a nodwyd yn “Galwadau’r Comisiynydd”.

Derbyniwyd y gwelliant yn unol â Rheol Sefydlog 12.36.

Gwelliant 3 - William Graham (Dwyrain De Cymru)

Ychwanegu pwynt newydd ar ddiwedd y cynnig:

Yn galw ar Lywodraeth Cymru i sefydlu gwasanaeth eiriolaeth cynhwysfawr a chyson ar gyfer pobl hŷn yng Nghymru.

Derbyniwyd y gwelliant yn unol â Rheol Sefydlog 12.36.

Gwelliant 4 - William Graham (Dwyrain De Cymru)

Ychwanegu pwyntiau newydd ar ddiwedd y cynnig:

Yn credu y dylai Llywodraeth Cymru

a) werthuso cynlluniau lleol, wedi’u hanelu at gynorthwyo pobl hŷn, sy’n:

i) eu hannog i fabwysiadu ffyrdd iach o fyw ac yn eu galluogi i fyw’n ddiogel mewn cymuned gefnogol, a thrwy hynny osgoi gorfod aros yn ddiangen mewn ysbyty; a

ii) hyrwyddo byw'n annibynnol.

b) ymgorffori’r arfer gorau mewn cynllun gweithredu Cymru gyfan ar gyfer iechyd ataliol.

Derbyniwyd y gwelliant yn unol â Rheol Sefydlog 12.36.

NDM4841 Jane Hutt (Bro Morgannwg)

Cynnig bod Cynulliad Cenedlaethol Cymru:

Yn nodi adroddiad y Comisiynydd Pobl Hyn ar gyfer 2010/11, y gosodwyd copi ohono yn y Swyddfa Gyflwyno ar 6 Hydref 2011.

Yn annog Llywodraeth Cymru i flaenoriaethu camau i warchod pobl hŷn sydd mewn perygl o niwed neu sy’n methu ag ymdopi; ac i ddiogelu eu hurddas.

Yn galw ar Lywodraeth Cymru i ymateb i’r heriau a nodwyd yn “Galwadau’r Comisiynydd”.

Yn galw ar Lywodraeth Cymru i sefydlu gwasanaeth eiriolaeth cynhwysfawr a chyson ar gyfer pobl hŷn yng Nghymru.

Yn credu y dylai Llywodraeth Cymru

a) werthuso cynlluniau lleol, wedi’u hanelu at gynorthwyo pobl hŷn, sy’n:

i) eu hannog i fabwysiadu ffyrdd iach o fyw ac yn eu galluogi i fyw’n ddiogel mewn cymuned gefnogol, a thrwy hynny osgoi gorfod aros yn ddiangen mewn ysbyty; a

ii) hyrwyddo byw'n annibynnol.

b) ymgorffori’r arfer gorau mewn cynllun gweithredu Cymru gyfan ar gyfer iechyd ataliol.

Derbyniwyd y cynnig wedi’i ddiwygio yn unol â Rheol Sefydlog 12.36.