Manylion y penderfyniad

NDM4831 Jane Hutt (Bro Morgannwg)

Cynnig bod Cynulliad Cenedlaethol Cymru:

Yn nodi y bydd yr Adolygiad o Gymwysterau yn ystyried sut y gallwn sicrhau bod ein system cymwysterau yn ddealledig, yn cael ei gwerthfawrogi a’i bod yn bodloni anghenion ein pobl ifanc ac anghenion economi Cymru.

Gohiriwyd y bleidlais ar y cynnig a’r gwelliannau o dan yr eitem hon tan y cyfnod pleidleisio.

Cyflwynwyd y gwelliannau a ganlyn:

Gwelliant 1 - Jocelyn Davies (Dwyrain De Cymru)

Rhoi ar ôl ‘economi Cymru’:

‘ac yn benodol sicrhau mai dim ond i fyfyrwyr sydd â’r lefelau llythrennedd a rhifedd priodol y dyfernir cymwysterau’.

Cynhaliwyd pleidlais ar welliant 1:

Derbyniwyd gwelliant 1.

Gwelliant 2 -  William Graham (Dwyrain De Cymru)

Ychwanegu pwynt newydd ar ddiwedd y cynnig:

Yn gresynu bod y system gymwysterau bresennol wedi mynd yn gymhleth.

Cynhaliwyd pleidlais ar welliant 2:

Gwrthodwyd gwelliant 2.

Gwelliant 3 - William Graham (Dwyrain De Cymru)

Ychwanegu pwynt newydd ar ddiwedd y cynnig:

Yn mynegi pryder bod cwmpas yr adolygiad yn eang.

Cynhaliwyd pleidlais ar welliant 3:

Gwrthodwyd gwelliant 3.

Cynhaliwyd pleidlais ar y cynnig:

NDM4831 Jane Hutt (Bro Morgannwg)

Cynnig bod Cynulliad Cenedlaethol Cymru:

Yn nodi y bydd yr Adolygiad o Gymwysterau yn ystyried sut y gallwn sicrhau bod ein system cymwysterau yn ddealledig, yn cael ei gwerthfawrogi a’i bod yn bodloni anghenion ein pobl ifanc ac anghenion economi Cymru  ac yn benodol sicrhau mai dim ond i fyfyrwyr sydd â’r lefelau llythrennedd a rhifedd priodol y dyfernir cymwysterau.

Derbyniwyd y cynnig.