GWEINIDOGION Y DU YN GWEITHREDU MEWN MEYSYDD DATGANOLEDIG
149 - Rheoliadau Cyd-drefniadaeth ar gyfer y Marchnadoedd mewn Cynhyrchion Amaethyddol a'r Polisi Amaethyddol Cyffredin (Diwygiadau Amrywiol etc.) (Ymadael â’r UE) (Rhif 2) 2019 Wedi’u gosod yn Senedd y DU: 25 Gorffennaf 2019
Sifftio
Yn destun gwaith sifftio yn Senedd y DU?	Na
Y weithdrefn:	Cadarnhaol drafft
Dyddiad trafod gan Bwyllgor Offerynnau Statudol Ewropeaidd Tŷ’r Cyffredin	Amherthnasol
Dyddiad trafod gan Bwyllgor Craffu ar Is-ddeddfwriaeth Tŷ’r Arglwyddi	Amherthnasol
Dyddiad y daw’r cyfnod sifftio yn Senedd y DU i ben	Amherthnasol
Datganiad ysgrifenedig o dan Reol Sefydlog 30C:	Papur 54
Memorandwm Cydsyniad Offeryn Statudol (SICM) o dan Reol Sefydlog 30A (oherwydd eu bod yn diwygio deddfwriaeth sylfaenol)	Amherthnasol
Gweithdrefn graffu
Canlyniad y broses sifftio	Amherthnasol
Y weithdrefn	Cadarnhaol drafft
Dyddiad trafod gan y Cydbwyllgor ar Offerynnau Statudol	04/09/19
Dyddiad trafod gan Bwyllgor Offerynnau Statudol Tŷ’r Cyffredin	Anhysbys
Dyddiad trafod gan Bwyllgor Craffu ar Is-ddeddfwriaeth Tŷ’r Arglwyddi	05/09/19
Sylwadau Bwriedir i'r Rheoliadau gael eu gwneud gan Lywodraeth y DU yn unol ag adran 8 o Ddeddf yr Undeb Ewropeaidd (Ymadael) 2018. Mae'r offeryn hwn yn diwygio deddfwriaeth yr Undeb Ewropeaidd (“UE”) a ddargedwir sy'n ymwneud â chyd-drefniadaeth ar gyfer marchnadoedd amaethyddol (“Cyd-drefniadaeth ar gyfer Marchnadoedd” neu “CMO”). Y CMO yw'r fframwaith ar gyfer y mesurau marchnad y darperir ar eu cyfer o dan y Polisi Amaethyddiaeth Cyffredin (“PAC”) ers ei sefydlu. Mae'n darparu'r fframwaith ar gyfer cynlluniau i gefnogi'r farchnad a sefydlwyd yn y gwahanol sectorau amaethyddol. Os ymadewir â'r UE heb i ddeddfwriaeth yr UE a ddargedwir gael ei diwygio, bydd y ddeddfwriaeth yn cynnwys darpariaethau anweithredol a fyddai'n atal Llywodraeth y DU a'r Gweinyddiaethau Datganoledig rhag gallu cyflwyno'r cynlluniau i gefnogi'r farchnad yn y sector amaethyddol nac yn sector pysgodfeydd. Bydd yr offeryn hwn yn mynd i'r afael â materion yn ymwneud â gweithredadwyedd sy'n codi oherwydd bod y DU yn ymadael â'r UE, a hynny i sicrhau y bydd y CMO yn gallu parhau i weithredu’n effeithiol ar ôl ymadael â’r UE Bydd y cyfundrefnau yn parhau i weithredu ar ôl i'r DU ymadael â'r UE yn debyg i'r ffordd y gweithient o'r blaen. Mae'r offeryn hwn yn newid hunaniaeth y cyrff sy'n cyflawni'r swyddogaethau penodedig ac yn trosi gweithdrefnau'r UE yn weithdrefnau'r DU, fel sy'n briodol. Mae'r Cynghorwyr Cyfreithiol yn gwneud y sylwadau a ganlyn mewn perthynas â datganiad Llywodraeth Cymru dyddiedig 7 Awst 2019 ynghylch effaith y Rheoliadau hyn. Nodir yn y datganiad ysgrifenedig: "Gall swyddogaethau sydd wedi eu trosglwyddo'n gydredol fel eu bod yn arferadwy nid yn unig gan Weinidogion Cymru, ond hefyd gan yr Ysgrifennydd Gwladol gyda chydsyniad Gweinidogion Cymru fod yn swyddogaethau un o Weinidogion y Goron at ddibenion Atodlen 7B i Ddeddf Llywodraeth Cymru 2006.  Mae'n bosibl, felly, fod hynny'n ystyriaeth berthnasol yng nghyd-destun cymhwysedd y Cynulliad i ddeddfu yn y meysydd hyn yn y dyfodol.” Mewn datganiad ysgrifenedig arall (yn ymwneud â Rheoliadau Mewnforio a Masnachu Anifeiliaid a Chynhyrchion Anifeiliaid (Diwygio etc.) (Ymadael â’r UE) (Rhif 2) 2019), nododd Llywodraeth Cymru yr eid i'r afael â mater swyddogaethau cydredol sy'n effeithio ar gymhwysedd deddfwriaethol y Cynulliad trwy ddiwygio Atodlen 7B I Ddeddf Llywodraeth Cymru 2006 (trwy Orchymyn Adran 109). Fodd bynnag, nid oes awgrym tebyg yn y datganiad ysgrifenedig hwn. Efallai y byddai'n ddefnyddiol gofyn i Lywodraeth Cymru egluro pam. Mae'r crynodeb uchod a chynnwys y Memorandwm Esboniadol i'r Rheoliadau hyn yn cadarnhau eu heffaith ac i ba raddau y byddai'r Rheoliadau hyn yn deddfu polisi newydd mewn meysydd datganoledig.