OFFERYNNAU STATUDOL CYMRU
2014 Rhif 287 (Cy. 36)
landlord a thenant, cymru
Rheoliadau Tribiwnlysoedd Prisio Lesddaliadau (Ffioedd) (Cymru) (Diwygio) 2014
NODYN ESBONIADOL
(Nid yw’r nodyn hwn yn rhan o’r Rheoliadau)
Mae’r Rheoliadau hyn yn diwygio testun Cymraeg a Saesneg Rheoliadau Tribiwnlysoedd Prisio Lesddaliadau (Ffioedd) (Cymru) 2004 (O.S. 2004/683) o ganlyniad i gyflwyno credyd cynhwysol gan Ran 1 o Ddeddf Diwygio Lles 2012.
Caiff rheoliad 8 ei ddiwygio er mwyn caniatáu ystyried y ffaith bod credyd cynhwysol yn cael ei dderbyn wrth benderfynu a ganiateir hepgor ffi tribiwnlys.
Caiff rhai mân ddiwygiadau eu gwneud hefyd i destun Cymraeg y Rheoliadau er mwy alinio’r testunau Cymraeg a Saesneg.
OFFERYNNAU STATUDOL CYMRU
2014 Rhif 287 (Cy. 36)
landlord a thenant, cymru
Rheoliadau Tribiwnlysoedd Prisio Lesddaliadau (Ffioedd) (Cymru) (Diwygio) 2014
Gwnaed 11 Chwefror 2014
Gosodwyd gerbron Cynulliad Cenedlaethol Cymru 13 Chwefror 2014
Yn dod i rym 10 Mawrth 2014
Mae Gweinidogion Cymru, drwy arfer y pwerau a roddwyd gan baragraffau 1 a 9 o Atodlen 12 i Ddeddf Cyfunddaliad a Diwygio Cyfraith Lesddaliad 2002([1]), yn gwneud y Rheoliadau a ganlyn.
Enwi, cychwyn a chymhwyso
1.—(1)(1) Enw'r Rheoliadau hyn yw Rheoliadau Tribiwnlysoedd Prisio
Lesddaliadau (Ffioedd) (Cymru) (Diwygio) 2014, a deuant i rym ar 10
Mawrth 2014.
(2) Mae'r Rheoliadau hyn yn gymwys o ran Cymru.
Diwygio Rheoliadau Tribiwnlysoedd Prisio Lesddaliadau (Ffioedd) (Cymru) 2004
2.—(1)(1) Mae testun Saesneg Rheoliadau Tribiwnlysoedd Prisio
Lesddaliadau (Ffioedd) (Cymru) 2004([2]) wedi ei ddiwygio yn
unol â pharagraff (2).
(2) Yn rheoliad 8(1) (waiver and reduction of fees)—
(a) ar ddiwedd is-baragraff (e) dileer “or”;
(b) dileer yr atalnod llawn ar ddiwedd is-baragraff (f); ac
(c) ar ôl is-baragraff (f) mewnosoder—
“; or
(g) universal credit.”
(3) Mae testun Cymraeg Rheoliadau Tribiwnlysoedd Prisio Lesddaliadau (Ffioedd) (Cymru) 2004 wedi ei ddiwygio yn unol â pharagraff (4).
(4) Yn rheoliad 8(1) (hepgor a lleihau ffioedd)—
(a) ar ddiwedd is-baragraff (ch) dileer “neu”;
(b) ar ddiwedd is-baragraff (d)(ii) rhodder hanner colon yn lle’r atalnod llawn; ac
(c) ar ôl is-baragraff (d)(ii) mewnosoder—
“(dd) lwfans cyflogaeth a chymorth yn seiliedig ar incwm sy’n daladwy o dan Ran 1 o Ddeddf Diwygio Lles 2007; neu
(e) credyd cynhwysol.”
Carl Sargeant
Y Gweinidog Tai ac Adfywio, un o Weinidogion Cymru
11 Chwefror 2014