Y Pwyllgor Materion Cyfansoddiadol a Deddfwriaethol
Adroddiad: CLA(4)-20-12 : 22 Hydref 2012
Mae’r Pwyllgor yn cyflwyno’r adroddiad a ganlyn i’r Cynulliad:
Offerynnau nad ydynt yn cynnwys materion i gyflwyno adroddiad arnynt o dan Reol Sefydlog 21.2 neu 21.3
Offerynnau’r Weithdrefn Penderfyniad Negyddol
CLA180 - Gorchymyn Llywodraeth Leol (Dangosyddion Perfformiad) (Cymru) 2012
Gweithdrefn: Negyddol.
Fe’i gwnaed ar:2 Hydref 2012
Fe’i gosodwyd ar:8 Hydref 2012
Yn dod i rym ar:yn unol ag erthygl 1(3).
CLA182 - Rheoliadau’r Gwasanaeth Iechyd Gwladol (Gwasanaethau Deintyddol Sylfaenol) (Diwygiadau sy’n Ymwneud ag Unedau o Weithgaredd Deintyddol) (Cymru) 2012
Gweithdrefn: Negyddol.
Fe’u gwnaed ar:9 Hydref 2012
Fe’i gosodwyd ar: 11 Hydref 2012
Yn dod i rym ar:1 Tachwedd 2012
CLA183 - Gorchymyn Pysgod Môr (Ardaloedd Môr Penodedig) (Gwahardd Dull Pysgota) (Cymru) 2012
Gweithdrefn: Negyddol.
Fe’i gwnaed ar:10 Hydref 2012
Fe’i gosodwyd ar: 11 Hydref 2012
Yn dod i rym ar:1 Tachwedd 2012
Offerynnau’r Weithdrefn Penderfyniad Cadarnhaol
Dim
Offerynnau sy’n cynnwys materion i gyflwyno adroddiad arnynt o dan Reol Sefydlog 21.2 neu 21.3
Offerynnau’r Weithdrefn Penderfyniad Negyddol
CLA181 - Rheoliadau Asesu Digonolrwydd Cyfleoedd Chwarae (Cymru) 2012
Gweithdrefn: Negyddol.
Fe’u gwnaed ar:6 Hydref 2012
Fe’u gosodwyd ar: 8 Hydref 2012
Yn dod i rym ar:2 Tachwedd 2012
Offerynnau’r Weithdrefn Penderfyniad Cadarnhaol
Dim
Unrhyw fater arall
Bil Pensiynau'r Gwasanaeth Cyhoeddus: Memorandwm Cydsyniad Deddfwriaethol
Trafododd y Pwyllgor y Memorandwm Cydsyniad Deddfwriaethol ar gyfer Bil Pensiynau'r Gwasanaeth Cyhoeddus – Cymalau yn ymwneud â'r cyfyngiadau sydd i'w cymhwyso i gynlluniau newydd. Roedd cyngor gan gynghorydd cyfreithiol y Pwyllgor yn awgrymu y gallai'r Memorandwm godi materion ehangach ynghylch Cymhwysedd Deddfwriaethol y Cynulliad. Cytunodd y Pwyllgor i ysgrifennu at y Gweinidog Cyllid ac Arweinydd y Tŷ, Jane Hutt AC, gan mai hi yw'r Gweinidog sy'n gyfrifol am nodi'r pryderon hyn, gyda'r bwriad o'i gwahodd i ddod i gyfarfod nesaf y Pwyllgor i ateb unrhyw gwestiynau y mae angen eu hateb ar y mater.
Adroddiad monitro sybsidiaredd (Mai 2012 – Awst 2012)
Nododd y Pwyllgor yr ail adroddiad monitro sybsidiaredd, sy'n cynnwys y cynigion a gafwyd rhwng mis Mai a mis Awst 2012.
Is-ddeddfwriaeth a wnaed gan Weinidogion Cymru o dan Fesurau'r Cynulliad
Nododd y Pwyllgor y papur ar yr is-ddeddfwriaeth a wnaed gan Weinidogion Cymru o dan Fesurau'r Cynulliad a gyhoeddwyd gan y Gwasanaeth Ymchwil ym mis Hydref 2012. Nododd y Pwyllgor hefyd fod y drafodaeth ar y mater hwn wedi cael ei chynnwys ar gam yn yr adroddiad ar gyfarfod y Pwyllgor ar 8 Hydref 2012.
Gohebiaeth y Pwyllgor
CLA169 - Rheoliadau’r Gwasanaeth Iechyd Gwladol (Ffioedd Deintyddol) (Cymru) (Diwygio) 2012
Nododd y Pwyllgor ymateb y Gweinidog Iechyd a Gwasanaethau Cymdeithasol, Lesley Griffiths AC, i lythyr y Cadeirydd dyddiedig 26 Medi ynghylch cywirdeb y Memorandwm Esboniadol ar gyfer Rheoliadau'r Gwasanaeth Iechyd Gwladol (Ffioedd Deintyddol) (Cymru) (Diwygio) 2012 [CLA169].
CLA171 - Rheoliadau Gwastraff (Cymru a Lloegr) (Diwygio) 2012
Nododd y Pwyllgor ymateb Gweinidog yr Amgylchedd a Datblygu Cynaliadwy, John Griffiths AC, i lythyr y Cadeirydd dyddiedig 27 Medi ynghylch y rhinweddau a nodwyd ar gyfer Rheoliadau Gwastraff (Cymru a Lloegr) (Diwygio) 2012[CLA171].
Simon Thomas AC
Cadeirydd Dros Dro y Pwyllgor Materion Cyfansoddiadol a Deddfwriaethol
22 Hydref 2012
Atodiad 1
Y Pwyllgor Materion Cyfansoddiadol a Deddfwriaethol
(CLA(4)-20-12)
CLA181
Adroddiad y Pwyllgor Materion Cyfansoddiadol a Deddfwriaethol
Teitl: Rheoliadau Asesu Digonolrwydd Cyfleoedd Chwarae (Cymru) 2012
Gweithdrefn: Negyddol
Mae'r Rheoliadau hyn, a wneir o dan adran 11(1) o Fesur Plant a Theuluoedd (Cymru) 2010:
· yn nodi'r hyn y mae'n ofynnol ei gynnwys mewn asesiad awdurdod lleol o ddigonolrwydd cyfleoedd chwarae yn ei ardal;
· yn nodi'r unigolion a'r grwpiau y mae'n rhaid i awdurdod lleol ymgynghori â hwy;
· yn nodi bod gofyniad bod pob awdurdod lleol yn llunio cynllun gweithredu fel rhan o'r asesiad;
· yn darparu ynghylch amlder yr asesiadau, a'r dull y mae'n rhaid ei ddefnyddio i gyhoeddi canlyniadau'r asesiadau.
Materion technegol: craffu
Ni nodwyd unrhyw bwyntiau i gyflwyno adroddiad arnynt o dan Reol Sefydlog 21.2 mewn perthynas â'r offeryn hwn.
Rhinweddau: craffu
Nodwyd y pwyntiau a ganlyn i gyflwyno adroddiad arnynt o dan Reol Sefydlog 21.3(ii) mewn perthynas â’r offeryn hwn: mae’n codi materion polisi cyhoeddus sy’n debygol o fod o ddiddordeb i’r Cynulliad.
· Ym mis Tachwedd 2010, cyhoeddodd Pwyllgor Plant a Phobl Ifanc y Trydydd Cynulliad yr adroddiad ar ei ymchwiliad i 'fannau diogel i chwarae a chymdeithasu'. Yn argymhelliad cyntaf yr adroddiad, anogodd y Pwyllgor Lywodraeth Cymru:
“...i gwblhau ei hadolygiad o'r safonau a'r canllawiau ar gyfer chwarae cyn gynted â phosibl... Dylai'r canllawiau gynnwys diffiniad clir o 'chwarae' sy'n cynnwys chwarae wedi'i strwythuro a chwarae dirwystr... [Ein pwyslais ni].
· Derbyniodd Llywodraeth Cymru argymhelliad y Pwyllgor, ac eglurodd:
“Greater clarification will be provided on the meaning of ‘play’ and the term will be sufficiently broad to include both ‘structured’ and ‘free play’.”
· Mae paragraff 8.2 yn y Memorandwm Esboniadol yn cyfeirio at ymgynghoriad Llywodraeth Cymru ar y rheoliadau drafft, ac mae'n nodi y byddai cyfran sylweddol (cynifer â 56%) o'r rhai a ymatebodd o bosibl yn dymuno i'r rheoliadau fod yn fwy eglur. Nododd hefyd: “The respondents who wanted greater clarity were primarily concerned about the relation between freely chosen play and adult led recreational activities.”
· Mae'r Memorandwm Esboniadol yn datgan:“The summary report responds to this concern in more detail”; “the Regulations and the Statutory Guidance have been amended accordingly ”; ac “A summary of the amendments…has been made available on the Welsh Government’s web site.”
· Pan gyfarfu'r Pwyllgor, nid oedd yr adroddiad cryno ar gael ar wefan Llywodraeth Cymru. Er y darparwyd copïau o'r adroddiad yn y cyfarfod, ni roddodd hyn ddigon o amser i'r Pwyllgor allu asesu a yw Llywodraeth Cymru wedi mynd i'r afael yn llwyr â'r argymhelliad yn adroddiad y Pwyllgor Plant a Phobl Ifanc a'r pryderon a fynegwyd gan y rhai a ymatebodd i'r ymgynghoriad ar y rheoliadau drafft.
· Roedd y Pwyllgor hefyd yn ymwybodol o'i rôl o ran tynnu sylw at is-ddeddfwriaeth sy'n mynd i'r afael â phryderon ac argymhellion Pwyllgorau'r Cynulliad.
Simon Thomas AC
Cadeirydd Dros Dro y Pwyllgor Materion Cyfansoddiadol a Deddfwriaethol
22 Hydref 2012